九鐵沙中線計劃皇后大道中及中環西站物業發展
本帖最後由 eternalflame 於 2018-2-23 00:54 編輯九鐵攞到沙中線嘅原來規劃, 港島段除左係添馬艦 (現政府總部) 正中央設金鐘外, 往西走仲有可選擇興建的皇后大道中站 (QRC) 同終點站中環西站 (CEW)
原來當年九鐵聘請的顧問公司有研究過QRC同CEW兩站的上蓋物業發展, 更已經出左圖紙有晒規劃
皇后大道中站 (QRC)
當時記得沙中線公佈結果, 提及呢個站會拆卸中區政府合署黎興建, 車站出口係雪廠街。顧問公司圖紙見到車站東北象限同物業發展
車站出入口除左係皇后大道中/雪廠街交界外, 亦有一個會同上蓋物業一併興建。物業發展包括晒中區政府合署的三座樓宇, 再加上美利大廈
中環西站 (CEW)
中環西站站址係士丹頓街同堅道之間, 沿鴨巴甸街會有收費區內行人隧道, 似乎會通到出去皇后大道中
物業發展就正正在現時的PMQ元創坊, 同樣會一併興建出入口
留意中環西站尾軌係指向太平山街方向, 應該會係個度有調頭設施
本帖最後由 hellomato 於 2018-3-4 15:20 編輯
“皇后大道中”站的路軌與金鐘站（南北綫）附近路軌幾乎平行。似乎是後者的替代方案之一？
至於中環西站的調頭路軌盡頭，估計在卜公花園地底；而且也有機會佔用卜公花園部分地方來興建通風樓（路軌指向比較接近的“空地”就是那裡） 中環起到密麻麻根本冇位拆，「沙中線」呢世都入唔到中環架嘞，九鐵計劃得啖笑...... 龜鐵唔肯起中環西應該係無咗上蓋物業發展啦:lol hellomato 發表於 2018-3-4 15:17
“皇后大道中”站的路軌與金鐘站（南北綫）附近路軌幾乎平行。似乎是後者的替代方案之一？
至於中環西站的 ...
不是，而是九鐵投得沙中線時的公佈走線。當時港島區走線係咁：
銅鑼灣北站：維園道介乎景隆街至油站，考慮設轉乘通道連接地鐵銅鑼灣站
會展站：會議道，側式月台，以轉乘通道連接北港島線會展站（即現今會展站位置）
金鐘站：現政府總部正中央位置，呈東北／西南走向
皇后大道中站、中環西站：見上
可以參考本板舊文章
http://www.hkitalk.net/HKiTalk2/thread-323752-1-1.html
九鐵計劃的金鐘站，應該就是如今添馬站的建議位置？
這樣看來，北港島綫也可以視為沙中綫的一部分;P hellomato 發表於 2018-3-5 12:19
九鐵計劃的金鐘站，應該就是如今添馬站的建議位置？
這樣看來，北港島綫也可以視為沙中綫的一部分 ...
不是，左圖是沙中線九鐵原來方案
立法會參考資料摘要 沙田至中環線的營辦機構
https://img.eservice-hk.net/upload/2018/03/05/122551_090b7e322ea940a917e14cb67b67e152.png
eternalflame 發表於 2018-3-5 12:30
不是，左圖是沙中線九鐵原來方案
立法會參考資料摘要 沙田至中環線的營辦機構
唔係你貼呢張圖都唔記得當年九鐵個建議方案（右圖）幾咁不濟：
－冇顯徑站
－鑽石山站移到近采頤，相信同觀塘線轉乘會有排行
－啟德維修中心起到去宋皇臺公園，但九龍城舊區完全用唔到條線
－海皮走線再合併馬頭圍兩個站，交通最繁忙區域被無視
唯一比較可取係有銅鑼灣北站。
啟德維修中心後來變成鑽石山列車停放處，再之後被打到去紅磡，又係趣事一樁。;P DIH 發表於 2018-3-7 10:10
唔係你貼呢張圖都唔記得當年九鐵個建議方案（右圖）幾咁不濟：
－冇顯徑站
－鑽石山站移到近采頤，相信同 ...
當年都有解釋過點解會咁不濟
[*]顯徑站係當時人口不足（無記錯當時話要5萬人口支持，但顯徑得3萬）
[*]鑽石山站應該係圖標錯，取消慈雲山站換做APM系統個陣，重鐵站選址都係大磡村
[*]當時嘅啟德規劃靠太子道東個面都係車廠同上蓋物業
[*]走線行海皮係因為當年啟德係會填左半個九龍灣
銅北個站最終因為同銅鑼灣站500m catchment重疊而取消
而且當年講緊都係需要臨時填海將維園道推出去，先夠位置起個站
唔知道宜家北港島線計劃個車站是否需要咁做啦
HV9990 發表於 2018-3-4 21:44
龜鐵唔肯起中環西應該係無咗上蓋物業發展啦
就算烏龜(港鐵)肯起中環西站,附近(西半山)人流太少都未必足以支持一個站的運作;
除非它夠膽起條行人通道接駁至上環站就有機會起得成啫.:lol:sleepy:
頁:
[1]