當巴迷加入成為管理層
某巴近年引入不少巴迷加了管理層，但最近就搞出好多風波。睇番月票討論，發現好多巴迷可能因為終日沉迷巴士，又或護主心切，漸漸與社會脫節，甚至建立出一套同常人唔同嘅價值觀同是非判決標準。我記得以前如果想投考某巴文職，佢地會小心「處理」所有巴迷申請，但唔知係咪近年改朝換代，門戶大開而有所改變。以前某巴處事比較小心/保守，但幾月發生嘅事件，都帶有巴迷風格：
1）月票風波 - 按巴迷標準，覺得你班客一定識分巴士公司，認為班客一定知道聯營線分時段可以成個鐘都無某巴，同埋一定背熟聯營線兩巴派車時間表唔駛公開，如果唔識分只係你班咸魚無腦！
2）勞資關係 - 按巴迷標準，覺得可以日日揸巴士已經係最大幸福，將獎金加入底薪已經醒咗俾你班卡佬，加完仲咁多事幹一於上FB唱衰你地貪得無厭！
3）兼職制度 - 按巴迷標準，個個細個時「我的志願」都係揸巴士，因此「自己友想」過手癮無問題，唔需要理正職兼職總工時上限，仲等設暗黑派車專俾自己友集郵玩特見！
不過話分兩頭，以前黃巴士九十年代時成間公司都係巴迷，但佢地比較會拿捏點樣用巴士知識去改善公司服務，感覺上好少發生呢啲風波。純粹個人見解。 係有啲傻仔真係信佢鍾意揸巴士先做巴士佬啫 :lol
根本由一開始就係一場戲 ;P 我諗會計佬做揸 fit 人個影響仲大過咩巴迷做管理層啦.....
老老實實，你估九巴真係有好多巴迷做管理層咩？
P.S. 唔好將經理、主任都當管理層 狗巴只係中層引入巴迷 所以前線先會變做巴迷樂園
高層就繼續離地 da54 發表於 2018-3-5 14:49
我諗會計佬做揸 fit 人個影響仲大過咩巴迷做管理層啦.....
老老實實，你估九巴真係有好多巴迷做管理層咩？ ...
會計佬個陣咁大粒，而家果班最多話係中層人員
其實會計佬入主任何公司都會因為執靚條數搞到一撻糊塗架啦;P
da54 發表於 2018-3-5 14:49
我諗會計佬做揸 fit 人個影響仲大過咩巴迷做管理層啦.....
老老實實，你估九巴真係有好多巴迷做管理層咩？ ...
光頭昌似乎走返回頭路 ;P
053h4 發表於 2018-3-5 15:15
咁我又覺得唔係中層配合，點會執得靚盤數啊
巴迷寧願公司買新車好過百二蚊粒鐘請司機啦 ...
舊果班中層炒得七七八八，盤數咪靚囉
不過出埋咁多陰招炒人，而家咪又係要嘔番出黎
頁:
[1]
2