6516 發表於 2018-3-27 11:42
雅麗道呢個問題就好似長沙灣總站應唔應該叫荔枝角站一樣
當年就算城記171都係叫長沙灣而唔係荔枝角站
而 ...
長沙灣總站其實係啱，錯在港鐵。同埋長沙灣總站應該係運輸署先定落來，然後巴士公司先跟。
本帖最後由 mckhgc 於 2018-3-27 22:42 編輯
九巴公屋站名，我觀察到，佢應該係咁既準測，不過當然就係好亂
總站，路線牌以該邨為名，通常不會有「邨」字，但少數例外，有更少數會有地方名。而網頁/APPS/紅牌仔，就花樣百出。例如有條邨叫「叮噹邨」，巴士車頭站牌就「叮噹」，但網頁/APPS/紅牌仔/報站，就可能係「叮噹總站」、「叮噹巴士總站」 ，如果該總站同時是部份路線分站，報站就通常只報「叮噹」或「叮噹邨」，據說以前係有報「叮噹巴士總站」，但經常產生誤會，被投訴到十彩之後就刪去「總站」字眼。
如該邨多於一個總站，咁其中一個總站就後綴街名，例如「石籬(梨貝街)」、「石籬(大隴街)」。
該邨最重要或唯一的分站，通常為「叮噹邨」，其實同總站好易混淆。
該邨再有其他分站，就會用樓名，如「叮噹邨大雄樓」，少數用設施名，例如街市、商場、街名，但如用街名，就變成街名在前，邨名在後，例如「大涌道福來邨」。
仲有D就係唔知點解，一個站唔同方向，但就用兩個、甚至三個名，例如「廣福邨街市」/「廣福商場」/「廣福」、「太和總站」/「太和站」/「太和廣場」，都唔知佢攪乜！
其實真係要大執，我就認為應該要咁：
唯一總站，或唯一分站(如該邨無總站)：「叮噹邨」，一律設「邨」字，不設「總站」/「巴士總站」字眼。例如隆亨邨無總站，只有一個分站，便命名「隆亨邨」。
分站(如該邨有總站)，或多於一個總站：邨名在前，後綴樓名或街名或設施名，例如「叮噹邨大雄樓」、「叮噹邨叮玲路」、「叮噹邨商場」、「叮噹邨街市」等。
如該邨無總站，但有多於一個分站，亦可以把最重要的分站命名為「叮噹邨」，其他次要分站後綴樓名或街名或設施名。
例如大埔廣福邨，那個位於商場和街市的站，應命名「廣福邨」(兩方向)，大埔公路旁那個，應命名「廣福邨大埔道」或「廣福邨天橋」或「廣福邨休憩處」。太和商場同港鐵站下面那個站，應命名「太和邨」或「太和站」，近亨和樓的分站應命名「太和邨亨和樓」。
係清晣，不過就長啲，好似“將軍澳港鐵車廠日出康城首都“，唔知仲有無咩仲長過佢嘅站呢？
miklcct 發表於 2018-3-27 19:22
告士打道維園我重知係維園呀，你話皇室堡咁我咪完全唔知喺邊？！起碼維園係全香港人都知嘅地方，新聞成日 ...
如果皇室堡都叫少人知
咁康怡廣場、港運城、希慎廣場呢d巴士站名都可以唔存在啦
GK3258 發表於 2018-3-27 20:51
係清晣，不過就長啲，好似“將軍澳港鐵車廠日出康城首都“，唔知仲有無咩仲長過佢嘅站呢？ ...
有！
「伊利沙伯體育館、鄧肇堅醫院、灣仔帝盛酒店、麗悅酒店、英皇駿景酒店」
本帖最後由 miklcct 於 2018-3-27 21:10 編輯
del
GK3258 發表於 2018-3-27 20:51
係清晣，不過就長啲，好似“將軍澳港鐵車廠日出康城首都“，唔知仲有無咩仲長過佢嘅站呢？ ...
Cityflyer好多報站都好長
本帖最後由 HG3632 於 2018-3-27 21:14 編輯
mckhgc 發表於 2018-3-27 20:16
九巴公屋站名，我觀察到，佢應該係咁既準測，不過當然就係好亂
咁如果同邨有分站嘅總站嘅應該叫返xx邨總站?
eg 47X/80X 秦石邨總站 --> 秦石邨石瑩樓 --> 秦石邨
eg 85A/N182 廣源邨總站 --> 廣源邨 --> 廣源邨廣榕樓
eg 89/269D 瀝源邨總站 --> 瀝源邨
住喺果度嘅人應該識得分 不過區外人就可能會覺得亂
但如果下下都加路名嘅話 啲站名又會變得好長
265M 市區方向上公路前果個站真係經典 ，平時又唔見咁詳細，遇常講xxx學校，但偏偏呢個低使用率既站，偏偏咁仔細，伊利沙伯中學舊生會湯國華中學，14個字，新牌都出唔晒，順燈既話未講普通話已經通過左個站