亞視的經營問題
亞視的製作方向一向都是影響其收視之弊病，間接影響其廣告收入。佢的廣告數量真係極其量少，廣告客戶寮寮可數，來來去去都係果幾個，往往重覆又重覆，大多數一日出現多次，有d在一小時內出現多於一次，有d更差不多每節廣告時間均會出現，更試過有同一廣告同一版本於同一節廣告時間連續或間歇性播放多次，真令人煩厭，係咪亞視給予該些客戶一些折扣優惠，或一些特惠套餐，才令這些「長期擁躉」會去全力支持佢？
而佢在晚上黃金時間的廣告更出奇地少，比下午時段更少，在約五分鐘的時間內，好多時都係少於五個商業廣告，其餘時間均是播放自家廣告或政府廣告以填滿整個廣告時間；而在賽馬日轉播時間，以往會有大量廣告及贊助商會落告，在四個多小時內差不多每節廣告時間均會填滿形形式式針對馬迷之廣告，如啤酒、燒酒、中國酒、藥品、汽車、電池、香煙、旅行社、零食、成人娛樂場所等廣告，十分興旺，但近兩、三年開始，在該時段廣告數卻開始大幅下降，接近完全冇商業廣告，又是以自家廣告以填滿整個廣告時間。其實在晚上黃金時間及賽馬日轉播時間，乃最賺錢、廣告費最貴之時候，但佢卻可以冇乜廣告，我都好想知佢點能夠去「維到皮」去經營整間電視台，包括員工支薪、及其他日常開支？
而佢在多年前開始走內地市場路線，製作方針針對大陸觀眾口味，更取得落地權，以吸引更多內地觀眾欣賞，從而吸納更多大陸廣告，曾有一段時間係能吸納到大量大陸廣告，但大陸觀眾的口味在近年來開始有左改變，喜歡接觸香港口味之節目，加上無線又多左北上宣傳其節目，令多左觀眾去睇無線，而很多大陸之廣告商亦隨之「過檔」無線，令亞視之大陸廣告開始逐步減少。至後期，不少地方的市政府因眼見市民愛睇香港電視台，從而想出發達門路，在電視台播放廣告時間，就插播當地廣告，直至香港電視台播回節目為止，才回復香港之頻道，大陸廣告商眼見自己之廣告不能供內地觀眾接收，便紛紛停止在香港電視台落廣告，令以大陸廣告市場為主的亞視更大受打擊，香港市場又非其主導，正所謂「兩頭唔到岸」，非常悲哀，究竟亞視有何辦法可補救？
歡迎各板友加入討論。 亞視很多靠大陸廣告生存，講國語和簡體字的廣告多過本地﹗
好多藝員和主持人都係內地人，主題和立場都係親近大陸。
香港人睇開無線，一向都係睇唔慣亞視，口味始終唔太0岩。 原帖由 ricky 於 2006-6-17 23:13 發表
亞視很多靠大陸廣告生存，講國語和簡體字的廣告多過本地﹗
好多藝員和主持人都係內地人，主題和立場都係親近大陸。
香港人睇開無線，一向都係睇唔慣亞視，口味始終唔太0岩。
澳洲財團為大股東年代已經唔多人睇麗的架喎
基本上TVB一開, 麗的已經捱打 原帖由 guia 於 2006-6-17 23:39 發表
澳洲財團為大股東年代已經唔多人睇麗的架喎
基本上TVB一開, 麗的已經捱打
咁係因為麗的以前係收$$
無線一開,唔使錢wo...
梗係飛哂過去o架
咁就形成咗慣性收視
亦因為慣性收視
所以某程度上導致亞視親近大陸
(因為無乜人睇亞視-->老細做唔住-->轉老細-->老細因為其本身政治立場-->影響到亞視立場)
香港人就更加唔會睇...... 唔係播,亞視晚間多d廣告wo
早上下午就無乜
(可能個day問題)
其實亞視靠特約和衍X行d廣告都應該回到本
同埋亞視開始轉型,做資訊節目為主
但香港人總是提不起興趣,可惜可惜! 現時播馬時間的安排是
由馬會買下亞視當日下午的整個時段, 故沒商業廣告與合約未必無關
亞視長年打唔贏無線
除左慣性收視
我覺得係根本上成個台既人既做野手法都好有問題
而家個老細塵永其我最憎, 佢一來向左, 搞到個台好大陸化,
二來佢D言論獲獲新鮮獲獲甘, 一買個台返黎果陣已經話自己諗住做二奶台,
之後既言論仲次次都係打擊員工士氣既, 永遠都唔諗有無機會贏無線
亞視都有輝煌的時刻既, 並唔係完全未好過, 個為期很短 原帖由 peterchu 於 2006-6-18 13:57 發表
現時播馬時間的安排是
由馬會買下亞視當日下午的整個時段, 故沒商業廣告與合約未必無關
亞視長年打唔贏無線
除左慣性收視
我覺得係根本上成個台既人既做野手法都好有問題
而家個老細塵永其我最憎, 佢一來 ...
阿塵生我真係覺得幾反感...
自從佢入主亞視之後
我覺得亞視整體水平比林百欣時代仲要差
頁:
[1]