九巴排隊指示牌上有682?
本帖最後由 KW2523 於 2018-5-13 22:57 編輯攝於馬市巴總,字體同格式跟足九記,唔知係唔係對家俾錢九記油上去
請問有冇其他例子?
如果錯版,抱歉及請移往合適地方,感謝
呢個係少數九巴幫新巴獨營線立站牌嘅巴士站之一 本帖最後由 Ravenclaw 於 2018-5-14 01:18 編輯
DELETE 680A都唔關九巴事啦，整埋682又有咩所謂:lol 本帖最後由 lsc04d11 於 2018-5-14 07:02 編輯
驚鬼你搭新巴排錯隊然後走去鬧九巴司機! 其實馬鞍山呢個情況好多年，起碼九巴冇幫佢加其他分682分支宣傳，自己680，980就好似好多分支咁
城巴屯門公園總站都試過有城巴banner 叫大家轉60x,961
不過可能已經冇左，因為加左b3x轉962x
作為馬鞍山居民的我表示，其實從682開辦/轉全日開始已經有，係出呢個帖文既樓主應該係非馬鞍山人或者剛剛搬入馬鞍山不久未見過而已。類似既case仲有680A(按：680分支之一，此線的開車時間剛好係680新巴時段)，係新界沿線各站。兩線都係九巴無份做既。
其他區既麻煩各位版友補充。 通常682系條人龍都長過680系，用指示分開排隊可以避免乘客捐出黎又上唔到車，唔係前面站長室會有好多乘客招呼
九記站長室門口亦貼住新巴熱線電話提醒乘客 個牌已經有咗好多年，同埋唔知樓主有冇發現，站頭地下係有埋黃線，分番開搭 680系/980系 嘅人，同搭 682 系嘅人，不過 680系/980系 嗰條線係近幾個月先至有，之前一直得 682系 條線，680系/980系 雖然冇黃線，但熟客一般都識得自動自覺排喺近馬路嗰邊（即係站牌下面），而且繁時兩系列路線都多人等車，兩條人龍好明顯。不過非繁時冇咁多人排隊，有啲 682 生客見到有人喺近馬路嗰邊站牌下面排緊隊，就會唔理三七廿一跟住嚟排，完全 ignore 旁邊地下條 682 黃線同埋牆上面嘅告示，到有 680 埋站，佢哋又呆企喺度，塞住排佢後面嘅 680 乘客。調番轉嘅都有，明明要搭 680，見到有人企喺 682 條黃線度，自己就跟住排。去到前幾個月，九巴終於連 680系/980系 都畫埋黃線，但我已經唔使再搭 682 返工，唔知亂排隊嘅情況有冇改善。 AVW28 發表於 2018-5-14 07:43
作為馬鞍山居民的我表示，其實從682開辦/轉全日開始已經有，係出呢個帖文既樓主應該係非馬鞍山人或者剛剛搬 ...
106A都係, 九龍區站牌由九巴負責.
頁:
[1]
2