列舉冷氣強勁的巴士車輛
本帖最後由 Jacob 於 2018-5-29 22:15 編輯自AL同G牌AV之後，好耐未試過大熱天時上車有雪房既感覺。
今晚搭中85B@LP1113，係車站熱到死死下，一上車要閂風口，上層車頭玻璃起水珠。
呢架蛋好有以前AL既感覺，冷氣抽氣同風口唔算太嘈，但個車箱又夠曬凍 唔似得有啲車，風口死吹爛吹都唔涼。
唔知有無錯區，同埋或者好無聊，但如果有涼爽心水車既，都可以報告下，係呢個大熱天時互助一下。 我唯一覺得真係冷氣強勁巴士係AL1(DX2437) LJ7006年代既AVD1個空調係夏天都凍到騰騰震 舊車行分體, 理論上凍過怡家組合式一機過, 等於家用同匹數同 BTU 都好, 分體一定凍過窗口機.
家陣新車同組合式一機過, 又以理論及紙上談兵吹水咁講, Konvekta 行雙大泵出黎既制冷效能係高過 Denso 行三個泵.
近日同朋友傾開呢排多吾多 Port 冷氣, 佢話死舊車多, 一係 Konvekta 一係 Neoplan 一係超豪, 新車返而少, 38xx 都有 Port 冷氣比代理跟.
舊車計行殘左既 Konvekta 好惡整, Denso 制冷量吾及 Konvekta 但維修容易, 特別行到殘哂 Denso 都係易整.
另外呢個星期座左幾架新城 B9 同樣夠凍, 過去 2 年座新城 B9 夠風但打出黎溫度吾夠低. 本帖最後由 051039 於 2018-5-29 23:41 編輯
舊車，講緊九巴3+2年代（G牌ADS除外）
冷氣又凍又靜
到歐一尾水同歐二高地台車個冷氣又嘈又唔涼
就算到而家新車雖然又大風又涼，但都做唔番以前咁靜
低地台車計，都普躉普遍唔掂，矮躉少坐，但冇咩唔夠冷氣嘅印象
豬我覺得同水箱擺樓梯/隔熱唔好有關，基本上夏天豬要坐上層中後排，新巴好少少夠大風，下層中軸位都坐得下
Amn隔熱差，下層高地台位夏天唔坐得，但上層係凍嘅
老闆都中規中矩，用康偈下層尾唔太熱，用男人偈夏天就唔好坐下層尾同尾軸
歐三B9下層尾係柴油熱坐墊，基本上冬天先坐得，冷氣都好似係一般般
歐四五躉偈唔算太熱，夏天坐下層尾都可以
歐五B9雖然冷氣夠，但係始終副偈熱，下層尾都係柴暖墊
Mmc副偈熱過歐四五躉少少，但冷氣一樣勁，下層尾都可以坐下
A95副偈熱，下層尾會有熱風噴出，夏天忌坐
AVBWL1雖然下層尾冇熱風噴出，但同A95一樣熱，忌坐
2800偈熱冷氣偏弱，仲有得坐先算啦
Dart由歐二，歐三到歐五，車尾都係熱，勿坐
新城Youngman尾排係柴油暖墊
tridents 發表於 2018-5-29 23:06
舊車行分體, 理論上凍過怡家組合式一機過, 等於家用同匹數同 BTU 都好, 分體一定凍過窗口機.
家陣新車同 ...
愚問，其實有邊啲車係用Konvekta冷氣？
EN1504-201 發表於 2018-5-30 02:39
愚問，其實有邊啲車係用Konvekta冷氣？
6028, 6029, 12xx, 部份超豪.
朋友曾經分享過佢地伙記維修經驗, 就係 Denso 制冷量不及 Konvekta, 但搵食車都係用 Denso 好, 原因係易跟易整設計簡單, Long 車擺廠時間短, 冷熱鈣片摺左仍易處理. 頭批83XX冷氣勁弱