hihihi 發表於 2018-7-18 20:43
K76小弟唔清楚，要搵高人答你
K73返學返工時間爆到勁多班頂閘，狂開特車(如只往元朗西巴總特車)，下就由 ...
K73會唔會好似506咁返唔切總站呢?
深圳比亚迪 發表於 2018-7-19 01:32
為了表示公正，我不參與投票，
在這兒我分享一下自己看法。
我覺得九巴最無心經營，
其實留唔留古董巴對非巴迷有咩影響？
九巴近年的確有唔少嘢抵讚，例如最快出齊eta、搞月票、紅巴、上層人數顯示器等，呢啲嘢都係其他巴士公司做唔到／冇咁快做到嘅
唔好理佢做得好唔好，起碼肯做先，呢點絕對值得稱許
不過對於個人嚟講（唔知有冇版友有一樣諗法），對九巴印象大打折扣嘅一件事，唔係今年佢處理一連串風波嘅做法有幾差，而係佢同其他公司嘅競爭手段；當中最經典嘅例子，莫過於934A。本身件事其實冇咩問題，你見對家玩大930系，所以唔執輸，上荃景圍插旗，ok fine，冇問題。好啦，你成功阻止到對家拉930X上荃景圍，咁之後呢？居然走去延長條934正線嘅服務時間。喂大佬啊，條934玩來回大涌道直出，定線仲直接過234X，你expect有幾多客？點解你冇諗過連埋荃景圍，甚至非繁多客嘅荃灣站一帶串成一線？答案呼之欲出：你只係想阻止對家插旗，而唔係真心想改善自己喺區內嘅服務。結果就係，今時今日嘅荃景圍，繼續得兩繁各兩班過海車，唔少人非繁要行落愉城坐930X，而條半全日934就非繁繼續運凳，我真係恭喜你啊。
相似情況仲有條673，為咗插旗天后、SOGO，而不惜增加起碼10分鐘車程去倒走唔少舊客，一再突顯呢間公司只為地盤謀利，不為乘客謀福。九巴，你要記住，如果你做得冇咁明顯，比如話934正線非繁加停荃景圍，等荃景圍起碼有半全日過海巴士線，係冇人會鬧你架，因為你起碼開拓到新服務－理得你志在搶對家客。但你得一想二，又想慳皮，但同時又唔俾其他有心經營者插旗，實在冇得怪會俾人標籤成一間「生人霸死地」、競爭手法惡劣嘅公司