barking 發表於 2018-7-15 17:31
你見各區商場一旦有座椅都被無業遊民佔用就知咩事。如果進入候車室先八達通收費，例如$3，並於登上巴士回贈 ...
我冧到會有兩蚊客坐成個下晝先上車翻歸……
OT講兩句
其實現時咁多巴士總站裏面，我覺得寶琳總站同埋荃灣西嗰總站設計得幾好嘅。
寶琳總站個設計係商場直接有扶手電梯落去巴士站坑位，咁如果稍作改動，例如喺商場上面扶手電梯嗰幾個入口位增設一個顯示屏，展示班車幾時到，咁嘅話就可以方便乘客係商場候車，等到巴士就到嘅時候先落去下面上車。
而荃灣西站佢個好處係做到人車分隔，啲人唔需要喺總站裏面左行右行去搵，只需要喺中間嗰行人路位置行走。如果中間行人路再闊少許，興建一個空調候車室嘅話，將會係一個幾好嘅巴士總站設計。
而上面話要杜絕長者喺裏面佔據坐位呢個問題，其實全香港都有呢個問題，主要原因係因為唔係個個長者這個經濟能力喺屋企開冷氣，又或者營造一個舒適嘅環境。而香港嘅公園同埋商場提供嘅座位都一般比較少，所以先有呢個問題。咁其中一個辦法就係放一啲好似地鐵站咁嘅金屬位，基本上除非好攰如果唔係都唔會考慮嗰啲，咁某程度上應該可以解決到個問題。
當然最根本的解決辦法就係興建多啲公園同埋多啲嘅公共設施，等長者可以有個地方去而非週街坐。咁當然喺度討論依一樣嘢都冇乜用，再加上香港政府亦唔會理會呢班長者嘅問題。
荃灣西站啲行人路真係麻麻，可能啲工程完晒會有改善。總站設計對客嚟講最好，應該唔會冇沙田市中心份
本帖最後由 transbus 於 2018-7-16 10:13 編輯
Charon1999 發表於 2018-7-16 09:22
OT講兩句
其實現時咁多巴士總站裏面，我覺得寶琳總站同埋荃灣西嗰總站設計得幾好嘅。
新都城係恆基嘅，睇怕唔會有yoho等車咁理想，涼冷氣睇時間。
至於老人涼商場冷氣，
老年窮俾唔起固然係其中一個因素，但係結構性問題。
另一種，係抱著阿公俾$唔使自己出嘅心態，
落商場有冷氣聯誼，唔使自己嘔電費，幾抵?
即係話支持加車費，
你地俾貴養我享$2搭車嗰啲老嘢哩。
其實撇除空調, 智能巴士站個功能其實可以係宜家0既商場試左先. 譬如新城市/APM...起碼攞左個經驗, 睇下D客睇到通知先落去, 究竟行唔行得切或者有無其他技術問題
其實有冇冧過商場等車依様野係有出現過，形點一
Charon1999 發表於 2018-7-16 09:22
OT講兩句
其實現時咁多巴士總站裏面，我覺得寶琳總站同埋荃灣西嗰總站設計得幾好嘅。
但係兩個焗到痴線，啲廢氣又多._.
barking 發表於 2018-7-15 17:31
你見各區商場一旦有座椅都被無業遊民佔用就知咩事。如果進入候車室先八達通收費，例如$3，並於登上巴士回贈 ...
三蚊涼成日冷氣，抵呀