[分享] 合法洗頭艇之旅
本帖最後由 S3BL417 於 2018-6-19 16:06 編輯位於香港以南有一堆島仔，稱為「萬山群島」，當年香港聞名的「洗頭艇」就係由香港的長洲坐去外伶仃島，今次旅程就係用「合法」的方式去外伶仃島、同埋去埋桂山島。
而目前最直接的方法，就只有經珠海的香洲港坐船去。
基本上香洲港全部既船都係去萬山群島的唔同地方，但有定期客運的只有桂山島、外伶仃島、東澳島、萬山島同埋擔桿島。至於去其他更小既島就只好「夾」人地既貨船，例如去廟灣島。
當日見到有貨船去東澳島同萬山島，都一樣可以「夾」船，主要原因多數係因為定期航班不足應付需求
船票，首先坐去外伶仃島，最平果個位都要120人仔
定期航班路線圖
去外伶仃島的航班係旺季有一日5班，淡季就一日2班，中途需停桂山島，5班船分別由2間公司營運
候船室
排隊位一樣有分居民通道，就係最左邊果條
當日航班係由珠海高速客輪營運
聽講海琴係全中國最快？
中間會穿過港珠澳大橋
全程架船都好拋下，超多人嘔，啲職員派嘔吐袋派到停唔到
最後用左75分鐘到達外伶仃島
外伶仃島碼頭好簡陋，就係咁既樣
一有船到就好熱鬧
__________________________________________
第二程就坐船去桂山島
呢班船係由另一間公司營運 (我唔知叫咩名)
終點都係返去珠海香洲港，中途會停桂山島。
搭去桂山島都要70人仔
船艙
途中見到大小蜘洲
經過半小時多啲就去到桂山島
碼頭睇落似新起，而且仲起緊，唔係叫桂山島碼頭而係叫萬山港口岸
上網查過資料原來呢度曾經開過去香港既跨境航線，不過而家唔知點解又停左
桂山島比外伶仃島大好多，有馬路，不過因為唔算係旅遊熱點，所以人流比外伶仃島更少。
__________________________________________
最後就係搭返去珠海
呢度坐返珠海就要85人仔
碼頭入面的跨境航線候船室，睇到應該係做緊工程
回程班次就坐返珠海高速客輪，不過唔係海琴而係海洋
但就無影到相了。 本帖最後由 barca_399 於 2018-6-20 01:04 編輯
蛇口港已有定期班次到外伶仃/ 桂山.
各島碼頭比以前靚左好多~
香港南部去萬山比較近，應該加開直航渡輪前往 本帖最後由 proschebus 於 2018-6-29 16:27 編輯
深圳比亚迪 發表於 2018-6-20 17:36
香港南部去萬山比較近，應該加開直航渡輪前往
最初「展拓香港界址專條」萬山群島是包括在內,不過因離香港島太遠,難以管理,英國人放棄
如果劃作香港,應該是由中環搭船去:victory: proschebus 發表於 2018-6-29 16:26
最初「展拓香港界址專條」萬山群島是包括在內,不過因離香港島太遠,難以管理,英國人放棄
如果劃作香港,應該 ...
現在香港特區政府可否以當年的條約依法收回萬山群島的管治權
深圳比亚迪 發表於 2018-6-29 16:29
現在香港特區政府可否以當年的條約依法收回萬山群島的管治權
中國收回左香港，阿媽認返個仔香港(阿仔)又憑咩收返你老母啲野?
你已經無哂話事權
currypig 發表於 2018-7-2 01:41
中國收回左香港，阿媽認返個仔香港(阿仔)又憑咩收返你老母啲野?
你已經無哂話事權
你確定而家嗰中蟈真係香港老母？香港係清殖民地時期被割讓，要俾都唔係俾返共剷黨。
BTW有啲咁啲老母邊個真係會傻到咁去認 根據報導，2016年7月桂山島曾經開過航線去香港中港城，不過半年就摺埋
http://www.hkcd.com/content_p/2016-06/28/content_34865.html
http://www.cksp.com.hk/zh-HK/new_message/route_information/afdb0c8659baa4cb0159bab3f6fb0022 proschebus 發表於 2018-6-29 16:26
最初「展拓香港界址專條」萬山群島是包括在內,不過因離香港島太遠,難以管理,英國人放棄
如果劃作香港,應該 ...
如果當年劃作香港, 可能係坐油麻地小輪去, 但慢船行3個鐘得唔得?
我諗如果萬山群島係香港, 可能好似台灣咁, 用ATR-72之類的螺旋槳飛機飛行內陸航班, 而群島中最大的島有機場, 島與島之間有船來往.
廟灣島可從桂山坐艇去。。我由香港坐洗頭艇去约1小時，上島仲要收上島费。現在珠海大力發展海島旅遊，旺季船票一票難求
頁:
[1]
2