巴士客高鐵西九龍站誤當西九龍中心 網民倡車頭加佐敦
本帖最後由 rheneaschoi 於 2018-9-21 12:50 編輯https://www.hk01.com/%E7%86%B1%E7%88%86%E8%A9%B1%E9%A1%8C/237786/%E6%90%AD%E9%8C%AF%E8%BB%8A-%E5%B7%B4%E5%A3%AB%E5%AE%A2%E9%AB%98%E9%90%B5%E8%A5%BF%E4%B9%9D%E9%BE%8D%E7%AB%99%E8%AA%A4%E7%95%B6%E8%A5%BF%E4%B9%9D%E9%BE%8D%E4%B8%AD%E5%BF%83-%E7%B6%B2%E6%B0%91%E5%80%A1%E8%BB%8A%E9%A0%AD%E5%8A%A0%E4%BD%90%E6%95%A6?utm_medium=Social&utm_source=fbpost_link&utm_campaign=hottopics
https://cdn.hk01.com/di/media/images/1886584/org/13a6247742685250021566230b257042.jpg/1bL7aiileqkoUAlUESwAGR9l5svO25hGQg2Yi0INmIs?v=w1280r16_9
廣深港高鐵將於9月23日通車，多條巴士路線將總站改至西九龍站巴士總站，車頭目的地顯示牌改為「西九龍站」。目擊事發經過的網民Yankit Ko接受《香港01》訪問時表示，一名烏龍乘客於上車後才發現自己誤當「西九龍站」為深水埗的西九龍中心，因而與車長爭執。
網民Yankit Ko在訪問中提到，事件發於生於昨日晚上7時許，一名女士於大埔登上一班前往尖沙咀的271號巴士後問車長，該班車會否到西九龍中心，更語氣態度略為囂張地說「咩㗎車唔係去西九龍中心咩？」，然後車長便指該巴士目的地為尖沙咀，不會經過西九龍中心。經過約1至2分鐘的爭執後，司機便建議女士在九龍轉乘其他巴士到深水埗，或是立即下車轉乘72號巴士，又指「平時你出深水埗都坐72㗎啦，無喇喇點會坐271呀」。最後該名女士於廣福邨下車，相信是換乘72號巴士。Yankit Ko指該名女士可能混淆了西九龍站及西九龍中心，認為九巴指示有欠清晰。
高鐵西九龍站位於東涌線九龍站及西鐵線柯士甸站之間，與西九龍中心的直線距離約為3公里。按Google Maps建議，如由西九龍站前往西九龍中心，需步行逾20分鐘先到佐敦站，再乘地鐵轉到深水埗站，車程約為40分鐘；單靠步行更需花約1小時。
因應高鐵即將通車，現時多條以佐敦區為巴士總站的巴士線，總站都已更改到西九龍站內，車頭目的地顯示牌亦相應更改為「西九龍站」。其他網民獲知事件，笑言有關誤會無可避免勢必有人中招，又指其實九巴近月曾為部分路線的目的地增加標註地區，如原本的「白田」就被改為「深水埗白田」，遂建議九巴西九龍站改為「佐敦西九龍站」，以免再有不熟路的乘客誤會。
咁我下次想去西九四小龍又去搭271先。。。。。根本人有問題。 高鐵又咁出名，西九龍中心又咁耐。如果佢係遊客都好啲，係大埔居民既話唔該叫佢檢討下自己啦。。。。睇黎通識科應該要加個日常生活知識課，我想做呢課導師收一千蚊一堂呀！香港太多冇基本知識既人 053h4 發表於 2018-9-21 12:48
難怪城巴係叫 高鐵西九龍站
呢個寫法確實係最合理
寫佐敦盞 confuse 班大陸友。理論上越快送佢哋到目的地越少麻煩
九巴應改總站名為"高鐵西九龍站" 今天仍然見好多271地點牌寫"九龍站"，暈 FBI2 發表於 2018-9-21 13:09
今天仍然見好多271地點牌寫"九龍站"，暈
OK 喎，咁都俾佢哋諗到
今朝我搭嗰架 63X 好似都仲係寫緊渡華路...
寫「高鐵總站」就最好
即係「機場」寫「機場」一樣 題外話，最離譜其實係 286X 「沙田顯徑」，邊忽去到沙田? 九巴改鐵路站名好有問題，先唔講高鐵，講輕鐵
兩鐵合併後，佢將屯門元朗用輕鐵站名都叫哂XX鐵路站/xxxxxx Railway Station，跟著就改稱XX站 xxxxxx Station
例如龍門站 Lung Mun Station，一來英文應該用Stop而唔係Station，二來好心加返輕鐵/Light Rail兩隻字喺前面，等人地一睇就知係輕鐵站
當鐵巴 城巴 嶼巴都有寫明輕鐵站嘅時候，都唔明點解九巴都要一意孤行