本帖最後由 ksmbh 於 2018-10-1 18:52 編輯
其實細心去plan轉乘優惠總車資已經可以唔用裝額外八仔機做到方便乘客用最快方法轉車到目的地
問題反而係部分轉車站(如大老山)繁時容量有限
再多客轉車排長龍情況嚴重...
本帖最後由 miklcct 於 2018-10-1 19:31 編輯
ksmbh 發表於 2018-10-1 18:51
其實細心去plan轉乘優惠總車資已經可以唔用裝額外八仔機做到方便乘客用最快方法轉車到目的地
問題反而係部 ...
係呀，不過垃圾九巴設BBI亂咁來，舉例3D/3M係一例，最近開辦嘅W3又係另一例。
我提出過一套整BBI嘅方式，係可以喺唔改變現有收費結構下造到鼓勵轉車見車就上，步驟如下：
1. 固定所有分段收費區間，巴士途經該等地方須提供劃一分段收費（以相同途經道路及目的地計，唔同路可以唔同價，例如特快貴過流水都無問題）
2. 於相同分段收費區間全部提供「補差價」式轉乘優惠，以同一分段收費區間計算，唯長轉短不設回水（首程使用短途分段者除外）
為免總車資變得不合理，路線必須設合理分段收費（尤其到終點站前幾個站），以免可以轉乘相同車資的路線延續行程。例如在此系統下，於西貢乘搭92（車費$6.8）於坪石轉乘26會導致免費轉車（因為92及26於坪石之差價為0），而同時由彩雲邨乘搭92落山須收取$6.8亦屬不合理，所以在此系統下，91、91M及92線須增設彩雲邨$4.2之分段收費，令坪石轉車總車費與現時一致，亦同時鼓勵彩雲邨之乘客乘搭過路車落山轉車，善用路線落客後剩餘運力。路線之終點站亦會設有名義收費（例如263往沙田站之沙田站總站），以供轉車計算差價使用。
上面嘅方法亦都可以避免轉車站逼爆嘅情況，因為任何車站都係轉車站，喺相同路線組合下，乘客會識用差價最少嘅車站轉車（尤其係城隧線，邊度轉車都係0差價轉車，咁乘客自己會識走位，唔需要喺隧道口逼車）。
kitarolo 發表於 2018-10-1 16:07
好多人話俾全費無資格
批評特惠價/曬證/月票客
長線短用,問題巴士唔似鐵路
短途車都係資源。如果可以長途車頭段尾段未上晒客或者落緊客嘅路段做短途，就可以將短途車資源慳返出嚟改善整體服務。本身要上客/落客嘅站位同時做埋落客/上客應該唔會用好多時間。只不過問題係如果長途搭埋流水之後客量再增長嘅話難去改走線。
10598C 發表於 2018-10-1 14:54
講到底，都係巴士公司唔肯落車門擺多一部八達通機，有嘅話，大把線可以重整，成件事已經唔同左 ...
我都有諗過，但乘客會否亂拍呢？
ky927 發表於 2018-10-1 17:13
其實以宜家嘅科技，根本落車門唔多一部機都得；可以係落車站、落車點嘅商戶；甚至大廈入門嘅拍八達通，已 ...
首先要搵其他商戶搞已經係一個問題
其次，始終人人落車去嘅地方都唔同，好難叫人去一個地點做回贈
而前閘拍卡，好明顯一個問題，人多嘅時候點樣拍卡？
ATENU135 發表於 2018-10-1 20:48
我都有諗過，但乘客會否亂拍呢？
可以係sense到巴士開落車門先比人拍嘅
況且台灣都做緊類似嘅野，唔覺得香港會有幾難，係嘅話唯有歸咎於人嘅素質
ATENU135 發表於 2018-10-1 20:48
我都有諗過，但乘客會否亂拍呢？
新加坡、韓國巴士落車門卡機係臨到站先可以拍，已經杜絕大部分提早拍卡嘅機會
兩地上落車拍卡分段收費已實行多年，唔見得有咩大問題
臨到站故意拍卡唔落車，係非常突兀嘅事
而且呢個年代車廂有CCTV，咸魚搏大霧都可以被斷正，無得抵賴，如果係慣犯直頭可以事後用八達通號碼報警拉人
如果喺香港行呢套雙向收費系統，巴士公司最擔心嘅係大量貴價流水線要減價
但其實視乎情況，未必輸晒
舉例如果15、16行雙向分段，16M三架車嘅資源就可以即時省回，對公司未必無so
新加坡D線大部份都係流水線，上落車拍卡緊係得，因為本身都大上大落
香港就不同，如果條條距區長途線都搞上落車拍卡，上上落落都浪費哂時間，同埋中途客難以上車。例如58M良景開，可能朝早有1/3人係市中心落，但依1/3人可能就令到建生，虹橋上唔到車。
係時候重溫一下
#20 估唔到咁快就四年啦
http://www.hkitalk.net/HKiTalk2/thread-821084-2-1.html
而家都係影都無，至少你裝落64K雙向多客綫都係好嫁
最應該就係換八達通機既時候就係搞新野既最好時機
不過而家連鐵巴都換埋，想搞到幾難
結果呢幾件淨係搞垃圾紅巴 哈哈哈
S3BL343@66 發表於 2018-10-1 23:11
新加坡D線大部份都係流水線，上落車拍卡緊係得，因為本身都大上大落
香港就不同，如果條條距區長途線都搞上 ...
咁58M呢個例子本身市中心已經上唔到車，有人落只係將上唔到車嘅問題打散到唔同車站，更加唔會出現970咁連續10班車飛站嘅情況（等多幾班點都上到，因為班班車有人落）。