真。道歉信
我喺Charon1999。呢個將會係我喺呢個論壇最後一次嘅發文。喺過去接近一個月，經過觀察同深切反思後，發現自己一直以嚟真係做錯好多嘢，而最錯嘅就係容讓我嘅保守及守舊繼續加害其他人。
曾經有資深嘅巴士迷講過，一個專業嘅巴士迷，係應該要爐火純青到聽到路線嘅名已經知道條路線有冇人坐，唔需要去比一啲數字又或者數據束縛住。因為好多嘢營運數字唔會反映到，而係要用地圖先至可以觀察到。然而我仍然停留喺收集同運用數據嘅低級層面，更加經常用呢啲冇用、多餘嘅數據作出洗版，影響一眾版友嘅思維，嘗試去令大家變成同我一樣咁保守嘅人。
除咗保守之外，仲有就係接受唔到新事物嘅守舊。其實將軍澳隧道嘅擠塞越來越嚴重，將部分路線改行山路係理所當然嘅事，然而我竟然仍然停留喺將軍澳隧道唔係太塞車嘅年代，並出言反對且侮辱796E改行山嘅版友，甚至更多更多其他版友。另一方面其實行將軍澳隧道係好方便嘅事，而我竟然為咗一己私慾而反對所有要求290/98C途經將軍澳隧道及觀塘道嘅版友。同時其實好多重組方案可能對市民有利，但係我就被一啲數字束縛住，而盲目反對95/98C重組、40延長到坑口、22和702合併及606/608重組之類的利民建議。同時我亦被新巴一啲所謂嘅營運數字欺騙，而忽略大量北角及砲台山居民嘅感受，更因此多次出悔辱ahken，助長新巴及城巴欺壓北角及砲台山居民。而且，因為我守舊同盲目反對嘅立場，更加令資深板友深圳比亞迪遭受不少不愉快事件，最終更被停板。更重要係本人明明眼見新巴及城巴Hea做，但竟反對由九巴接手南區路線之利民建議，助長巴士公司違反eric278常提及的反競爭條。本人實在深感抱歉。
一直以嚟我嘅守舊令到呢個論壇出現咗好多不和諧嘅事情，實在令我感到十分後悔及內疚。經過反思後，我完全明白到我嘅存在會令到呢個論壇嘅質素繼續下降。我明白到我需要更虛心去學習，以及刪除一切洗板文章，以確保本論壇良好的氣氛不會被我干擾。
最後請容許我為自己一直以來的保守、守舊及盲目反對而向大家再次致歉。
Charon1999謹啟 2018年10月3日
好行夾唔送！ 何必呢...
講真收集數據有無用? 其實肯定有。首先就算係資深巴迷，都無可能日日搭每一條線，上繁下繁非繁邊個站上落多，一年到晚趨勢有無改變，數據最少喺統計學角度上可以俾到某類結論，亦比經驗更為客觀，日後討論邊條線客量多唔多亦唔使口同鼻拗。
行山同行隧道，講真又係討論 100 版都未討論完果類問題，如果將來有版友入咗巴士公司做路線策劃，你覺得拗完 100 版之後佢意見會唔會變? 何必咁執着呢。
至於其他重組方案，咩 22 同 702 合併果堆，大家都知咩事啦。
新巴城巴係咩 hea 做，講真又係地區討論。荃葵人對九巴怨恨基本上已經到臨界點，同樣成日都有版友鬧 2A 722 縮水或者收車。咁可以點解決? 路線重組? 前排先啱啱講完新記連一條穩賺路線都數唔到，係咪又更深層次問題，唔係一般巴士迷可以解決到?
真係講道理的話，使乜下下話人小朋友。我引用王劍凡博士一個概念: 為求展現權力同地位，下下喺度擺款，呢種人其實真係好需要愛。:D 我行我素咪得,依家搞到好似好老套 其實我想講B2版我認為有用嘅之一係你嘅路線數據，幫助左我地深入了解到某些線(我有D建議系F1就參考左你D數據)，同時也希望你在某一個巴士討論區繼續活躍！
bjbus 發表於 2018-10-7 14:27
小朋友去小朋友討論區，資深巴迷留在資深論壇，分工合作，不是最好的嗎？
當小朋友長大，變成資深巴迷， ...
你都係小朋友，仲係低B果類(2歲)，返去你嘅BB討論區啦！‘資深’巴士迷
#疑似深圳比亚迪分身
其實小唔小咩朋友姐,大家都係人
樓主對比起一D灌水站友,已經算HIGH LEVEL好多了
總係感覺樓主發呢篇文並非只有表面意思，你自己都話係呢到駛乜咁認真
點都好，真係好似樓上所言，樓主嘅思路已經清晰過好多版友，分享多啲數據大家都開心
仲係收集數據係因為未達到資深巴迷境界，咁你可以朝呢個境界去架嘛(如果你想)，人唔修煉唔努力又何來成功？
仲有呢，我等緊你啲796X數據架，唔好走吖
頁:
[1]
2