新巴總站開車時間同ETA唔夾?
呢兩日去開藍灣半島, 留意到新巴82或者106呢兩條線實際開車時間同ETA都唔係好夾, 有時會比ETA早幾分鐘,82有時有車開但又唔見ETA有班次, 106有時明明無車都當有車開, 分站就顯示非實時時間,
如果睇ETA預時間搭車真係幾易俾佢跣倒. 究竟呢個係ETA問題定係個別路線運作上的問題? 非實時，一係無車一係就eta電腦比唔到信號返控制中心。有車開但無eta？係米遲左開車啊！ 如果站長紙未就住實際嘅班次改返岩記錄, 就會好易出現差異
因為而家系統係假設站長紙入面寫嘅開車時間同車隊編號同實際係一模一樣
但有時如果班車遲開，而又冇延後開車時間
就會假設班車有開，顯示非實時
如果果班車臨時換左另一部車，系統就會假設原本班車有開、顯示非實時
而臨時換入果部車就會變成加班車咁，報站同server同步之後會出現喺eta上面
所以通常見到非實時都係兩個可能性：架車遲開+換車而未改返站長紙，或者有車但係壞報站 非實時有三個原因︰
一，部車啱啱開，gps 資料未 update
二，部車 gps 報站壞咗 / 冧 server
三，其實無車開，但站長無改電腦站長紙
實際開車時間同 ETA 唔夾主要原因都係無改電腦站長紙 本帖最後由 JZ3968 於 2018-12-25 17:29 編輯
跟返舊文問多少少, 有次我在堅城等18X, 睇ETA見第二班車開出時間係會因應部車預計返到總站時間而自動調整,
但第一同第三班車個時間卻一直都係固定, 咩情況先會咁? JZ3968 發表於 2018-12-25 17:28
跟返舊文問多少少, 有次我在堅城等18X, 睇ETA見第二班車開出時間係會因應部車預計返到總站時間而自動調整,...
部車預計會過鐘就會將 ETA 時間延後，無過鐘開車時間自然唔會郁
呢個情況其實有時都牽涉到人為因素
包括有無實時輸入或更改車號? 預計或實際開出時間有無更改? 車長開出前有無輸入報站器?
就好似樓上話齋 部車預計會過鐘就會SHOW預計延誤的時間
但如果車務員工有安排其他巴士接替(例如跳飛機)
又有更改車號而將延誤的時間刪除改為準時開出就會無樓主所講的情況出現
當然 其他因素都會存在 所以 非實時 4個字形容 可有可無
要睇梗係睇有實時距離的班次 代表架車有開實時報站行車 相比非實時更可靠 053h4 發表於 2018-12-26 14:40
而家由於成個車隊都有ETA, 非實時通常都真係有車開，但時間只供參考。
非實時是系統根據過去行車時間而預計的
而且當中電腦作出了很多的假設 包括無考慮路面情況 現實中所有發生的事等等(相信大家都清楚 心知肚明)
就算真係有車開 系統提供的非實時到站時間 可以有相當的差異
科技係進步左 人卻反而退步........
多言了
頁:
[1]
2