麗港城去海洋公園(早繁)
要9:30前到海洋公園，我暫時剩係諗到1. 621去太古廣場轉鐵
2. 藍田站671去香港仔隧道再行過去
請問邊個方法比較快同穩陣(無禁易塞車)，或者各位師兄有無其他更好嘅建議
本帖最後由 tonychow 於 2018-11-14 12:19 編輯
如果一切順利，搭 0845 觀塘碼頭開渡輪，0900 左右應該會到北角碼頭。花 5 分鐘步行前往北角站 (琴行街直去，過咗巴總之後轉右入渣華道，過馬路去北角站 A1 出口)，搭鐵去海洋公園需時 20 分鐘。不過呢個方案得最多 5 分鐘 buffer 時間，都幾趕下，最好閒日試一次趕唔趕得切先。
如果唔想咁趕，可以搭早半個鐘渡輪班次，全程費用 $12.6，亦唔會塞車，不過搭 0815 渡輪班次即係要 0800 (視乎你住邊座，部分座數離觀碼都幾遠) 麗港城出發，0900 前到海洋公園，都幾早下，當然你亦可以留喺北角食個早餐先。
當然亦可以全程保鐵，全程車費較費，但如果日日搭，可買都會票 (大約 $10.6 一程)。
另外如果有多時間唔想落地底，其實亦可以等 77 或 99 ($6.2)，不過時間較無保障。如果都係唔想遲到，唔建議搭巴士。
6 系巴士要塞東隧，要穩定就唔建議搭，車費亦唔係特別平。 上月曾搭乘671由觀塘游泳池前往黃竹坑道勝利工廠大廈, 維園道轉入景隆街巴士站有些許阻塞, 總用時亦只係30分鐘.
若搭乘8:25鑽石山站開出的671, 東隧擠塞已屆尾聲, 相信可以趕及9:30前抵達海洋公園.
略嫌時間太緊迫的話, 可搭乘早一班車, 8:05由鑽石山站開出班次試試車程.
出發前請check城巴ETA抵達觀塘游泳池或藍田站的大約時間, 通常會於鑽石山站開出後約25分鐘到達.
如果想保險D, 直接搭港鐵入去, 或者621往金鐘站轉港鐵不失為好選擇, 621可選乘8:35班次(尾班車).
頁:
[1]