如何 1 小時 15 分內由銅鑼灣去到機場
出發日 : 星期五下午放工繁忙時間出發地 : 聖保祿醫院附近
1) 如果行去大坑搭 A11
等車 + 搭車時間會唔會太忟 ??
2) 如果搭的士轉 AE
應該去香港站轉定先過海再去九龍 / 青衣轉好啲 ??
3) 如果 CALL 的士 / UBER 直入機場
應該點行先最快 ??
GIVEN THAT 有行李 所以唔想賽跑咁趕車
& 如果可行 有無可能 1 個鐘就去到
THX :handshake:handshake
搭得的士轉機鐵當然香港站轉，貪條紅隧夠塞咩？！ 根據港鐵嗰個行車時間由銅鑼灣去機場係40分鐘， 如果搭的士去香港站 會唔會遇到塞車好難講， 會不會考慮全程搭港鐵 AD15113 發表於 2018-11-18 22:09
根據港鐵嗰個行車時間由銅鑼灣去機場係40分鐘， 如果搭的士去香港站 會唔會遇到塞車好難講， 會不會考慮全 ...
聖保祿醫院離銅鑼灣站都幾遠
中環站落咗車又要行去香港站
抽住行李不太方便吧
國泰大廈門口(銅鑼灣道巴士站)試下截的士, 行大坑道天橋出告士打道避塞, 因為聖保祿醫院門口上車, 只可以轉入禮頓道, 塞硬, 最後搭去香港站(民祥街)轉機鐵會方便啲.
但如果係聖保祿對面, 即近住伊榮街, 就應該巴士站或富豪香港酒店截的士, 唔駛過番天橋.
Call的士或uber可以, 但至怕上到車又嫌短, 俾說話你聽, 感覺唔好就無謂.
行入大坑搭A11, 只要唔介意過馬路, 車程應該OK, 仲要睇住ETA夾唔夾到, 萬一行到去啱啱走車, 到時真係要搭的士, 咁就浪費左時間了.
同埋路面交通呢家嘢(特別係星期五), 的士會比巴士靈活, 條路有咩衫長褲短, 臨時改去第二度, 同的士佬講聲搞掂, 巴士就唔同.
至於行去銅鑼灣站搭港鐵, 可免則免, 如果拖喼要搵升降機條路麻煩, hand carry同人撞下撞下, 自己都唔好意思, 最重要係, 聖保祿行去港鐵站入口條路, 好似障礙賽一樣. 唔知樓主有幾多行李，如果選擇搭鐵，其實亦可以考慮行落天后站。無錯係有少少遠，不過勝在唔需要上落天橋，同埋銅鑼灣站設計上無天后站咁方便。
如果就啱時間，交通情況許可下可以選搭 81，咁就唔需要行咁遠。
預計需要 20 分鐘行到去天后站。如果喺香港站上機場快綫，搭鐵全程需時 42 分鐘，咁喺 1 小時 15 分鐘內會趕得切。如果怕貴，可以落到青衣先轉。青衣去機場 14 分鐘，天后去青衣 33 分鐘，加埋出入閘，1 小時 15 分鐘應該趕得切，不過就會有少少趕。基於你話唔想賽跑咁趕車，你自己衡量值唔值 ($65 同 $115 分別)。
頁:
[1]