有荃灣區議員建議改革巴士收費結構
https://www.districtcouncils.gov.hk/tw/doc/2016_2019/tc/dc_meetings_doc/14789/TWDC_Paper_No_97_1819.pdf其實伍議員說的也不無道理，好像106這些路線，路線已經長，更擔當東區流水線的角色。
不過旺區路線真的可免則免，只會加劇路面負荷。 以前覺得好合理，但而家諗埋行車時間就難以認同了。
一般而言，距離越短、越流水嘅線，上落車時間對總行車時間影響越大。佢哋每公里車費一般較長途線貴。
如果玩完全按里程，我諗巴士公司只會加長途線車費去令佢啲分段收費同短途線看齊。伍生因住弄巧反拙 ;P 所以咪話香港落後囉，重係停留喺70年代嘅收費模式，令到大量垃圾線唔能夠好好利用。即使整體上加價都好，只要短途線有得減都已經對乘客好有利。 本帖最後由 arfung 於 2018-11-20 14:42 編輯
其實議員的構思合理，該區亦受單向分段影響，居民多給了不少車資亦係事實。
尤其52X由屯門到青龍頭深井，確有不少人通勤而焗比12個8。
不過巴士公司是既得利益者，會否咁易同意兼通過相關改革？
但我同意以青公路線作試點看看效益如何。
全線執行就要從長計議了。
其實一路都覺得雙向分段會增加行車時間根本就係偽命題
宜家回程都有區內分段, 單向分段多人上車咪一樣阻到車程
重要既係確保雙向分段既線有剩餘運載力去兼顧長短途客
最適用就係d客量麻麻, 競爭對手多既線去增加客量同收入而補貼到非繁服務
而唔係叫你條條線都要加雙向分段 唔全面做都好都起碼郊區路線應該要做！好似香港大學去瑪麗醫院咁短嘅路段，唔計過海車，全部都要俾足中環去南區嘅價；反而相反方向，瑪麗醫院只係開車無幾耐就已經分段。以路程計，起碼要喺李陞小學加個分段先合理啦。又或者我尋晚喺南風道要去金鐘，成條路得架41A（76收咗車），只係搭兩個站上山頂駁返6號落金鐘都要收足6.9，但又獨市焗俾。新界都一樣，搭64K，即使只係喺錦上路搭上嘉道理農場，一通過上村就要俾足8.4。如果要由嘉道理農場搭去打石湖更加係天價，只係而家64K同54有BBI先好少少。
頁:
[1]