薈晴、薈朗好唔好住?
去馬鞍山實地考察過，發現環境都算幾好，離休憩設施亦唔遠 (海傍、馬鞍山公園)，人亦唔算多。飲食方面，馬鞍山望落唔算多野食，不過對面頌安有間譚仔、McDonald's，行返去馬鞍山站附近亦有多少少選擇，例如 Pepper Lunch。不過如果想再多野食，遠少少好似已經要第一城甚至沙市。
交通方面，離鐵路站唔遠，對面頌安亦有 $2 機，過海巴士都有 3 條。
基於打算一個人住，而且望落租金唔貴，唔知好唔好住呢? 有無版友住緊/住喺附近?
頌安仲有吉野家，海栢有MOS burger + 譚仔，MOSTown(新港城)有KFC+ Italian Tomato，首係無咁沙漠啦~
住馬鞍山可幾踩單車啲配套係幾好嘅，薈晴、薈朗行過去圖書館同游泳池都唔遠~
薈晴、薈朗對住運動場有好有唔好，如果你鐘意跑步就會好開心
交通方面，過海線邊止3條？不過平日過海線就真係得3條，680 681 682
680系 681系 682系 98x系 大部份線都經你個位，係馬鞍山交通最齊嘅位置 本帖最後由 hkbw 於 2018-11-28 15:12 編輯
即係咁, 係馬鞍山及附近住都住左30年, 從上面版友既睇法, 睇落薈晴、薈朗個位置好似唔錯, 巴士線幾多, 鐵路站又好似唔遠(其實兩個盤都係兩個鐵路站既中間, 薈朗好少少, 近馬鞍山站一D), 睇落好似幾吸引, 但其實我就真係覺得呢兩個盤係馬鞍山來講真係非常一般.
1. 地點, 好似好方便, 係正十字路口隔離~ 薈晴個大十字路口應該係全馬鞍山數一數二最繁忙既十字路口, 如果單位向著呢個路口, 低層唔駛講, 高層仲附送埋馬鐵嘈音...日頭返學就後面三間學校...會係咩環境, 唔難估計...星期六日後面聖堂都唔少人架..
2. 薈朗就好少少, 個十字路口冇咁繁忙, 不過換來既就係後面健康院同埋搭車要行得遠少少, 要去到新港城個邊先有巴士鐵路搭, 錦英開既巴士線就可以係健康院門口搭既..
3. 兩個盤一落街就要擔遮..對比大部份馬鞍山盤唔係有天橋接駁去商場, 就係有邨巴到門口, 老實講, 當然就爭咁截...
視乎你要比較係D乜..如果你拎TKO來比較既, 咁呢個盤的確好少少既..
同埋, 日後仲有好多隱憂...淨係馬鞍山路難以擴闊已經係一大問題..而且來緊仲有好多任宅落成, 但商場就應該係咁多, 唔會再多落去....
所以..睇你諗著住幾耐啦...同埋..兩個盤D租盤..都唔平....係面積細, 所以金額細...
頁:
[1]