長榮航空 B787 BR856/BR851 經濟艙體驗
*因應排版及照片問題，內容會同香討版有出入，敬請留意*如果反應好會將過往幾次同將來嘅飛行報告放喺度
長榮航空 B787 BR856/BR851 經濟艙體驗
日期：15NOV2018
時間：1735—1920
航班：BR856
機型：Boeing 787-9 B-17881
今次單純係無計畫嘅快閃台北之行，只係因為長榮航空官網推出787首航港臺航線限定優惠$780，（連稅$1167），喺財政預算緊拙下唔小心就買咗張來回機票。
對於長榮航空，以前讀書年代不論係遊學團定同家人去台灣旅遊時長榮航空從來都唔係首選，作為5星航空公司，服務自然遠超於同藉航空公司中華航空，同國泰航空一樣遙不可及。即使筆者近年有一定經濟能力亦無將長榮航空作為選項之一，除票價優勢不大外最重要嘅係服務品質倒退新聞屢見不鮮。今次會係第一次亦係最後一次坐長榮航空，之後就會主要搭OneWorld嘅航班。
長榮航空目前只有2架787-9，全數採用GEnx引擎，同之前坐過嘅日本航空J865J一樣，暫時無法同用勞斯萊斯Trent 1000引擎嘅787-9比較，全機只有26個商務艙客位同278個經濟艙客位，經濟艙座椅配置為3-3-3，比同公司A330-200載多咗但就少過A330-300少少，而且唔似日本航空咁有豪華經濟艙配置，實在令人費解。
眾所週知商務艙係由BMW集團旗下嘅設計公司團隊設計，經濟艙係唔包括在內，根據官方所講係由波音長期合作的國際知名設計公司Teague負責經濟艙內裝規劃，“整體設計搭配商務艙的色系，營造出高雅、精緻的現代氛圍。”。感覺上配色唔似配合商務艙，反而有種無清潔過嘅絲絨座椅，或者係有網友所講嘅發霉浴簾咁，喺第一印像已經扣咗好多分。
座椅係德國RECARO提供，型號理論上同國泰3-4-3 77W差不多，感覺相當薄身同狹窄，整體感覺比較貼近公版設計，無一啲比較貼心嘅設計例如杯架同流動裝置放置位咁，呢部份都係比較失望。
前面座位下方係有AC插頭
屏方面採用12吋輕觸式屏幕，下方設有一個USB插位可供乘客為流動裝置充電，耳機插口依然係傳統飛機插而非更通用嘅3.5mm，相對地係落後咗少少。雜誌本身唔係放呢度，只係因為我自己個耳機同耳機盒太大先咁放
燈光方面用白光本身要鬧，但take off前到landing嘅燈光都會有變化，色調上都係令人感到舒服嘅，同中華航空77W/359用暖色比我覺得後者稍勝
*登機時
*預備起飛到準備降落前
*降落時
AVOD方面用嘅係新一代Sky Gallery，反應算唔錯，介面比中華航空嘅靚，內容算幾多下，電影多係近期落畫，有啲意外有大樂師呢套港片。特別推介呢個網路電視節目《木曜4超玩》嘅一日系列，能夠令航空公司選擇推介畀乘客代表呢個節目可以同地面廣播電視台嘅綜藝節目有得揮。
耳機本身係就咁放喺座椅上，長榮呢隻係入耳式就點都舒服過國泰嗰種頭戴式耳機，因為一向用自己耳機所以音質係點我唔在乎
坐過幾間航空公司，長榮呢個安全影片叫做比較突出好多，但我個人就唔係好鐘意
WiFi基本有提供我都會畀錢用，預先買1小時不限用量通行證要$89，明明都係T-Mobile提供但長榮呢個連遊戲都入唔到之餘有6成時間連上討論區都上唔到，比上次中華航空更差
重頭戲，輕（凍）食（餐）看似比國泰早機垃圾雞卷好，但實際上完全唔知係咩配搭，叉燒+椰菜+旬絲+香草麵包，難食到我覺得不如索性cut埋個餐唔好派啦仲衰過中華航空，依家好難唔明點解長榮越來越差
回程BR851 簡短報告
因為BRFIRST787優惠限制，只能夠喺0705同0805兩班揀一班，應該係繼去年4月後又再一次天未光又要起身趕回程。
首先不論登機閘喺T1/T2，請記得長榮航空登記櫃臺喺T2，本來用咗Online Check-in可以直接入閘，但手提行李袋成7KG重都係託運好啲，地勤都係會出返張紙本登機證畀你
你以為T2 Check-in就喺T2上機？地勤提醒你由T2去B系閘口有排你行，不過我時間多仲可以食埋早餐先行去
呢個餐寒酸絕對超越國泰，我只係食咗小食同要杯咖啡就算
總結一下今次行程嘅體驗
1.空中服務員笑容絕對好過國泰而且都係一樣專業
2.3-3-3座位坐落無國泰A350嗰種明顯窄，但比起日本航空2-4-2安排依然係比較差
3.餐飲方面本來就有心理準備但無諗過係咁令人失望
下回預告：
如果反應好會再喺度出下一篇飛行報告
lokwah2a 發表於 2018-12-1 15:56
長榮的飛機餐早到晚都是那個紙盒大蛋糕，只是聽說旁邊那份輕食好味，我又不覺得。長榮唯一一定要選擇的原因 ...
可能我當黑，見人哋啲飛行報告係派蛋糕但我兩程都係劣過因捲 本帖最後由 pochi94914 於 2018-12-1 19:19 編輯
3-3-3座位坐落無國泰A350嗰種明顯窄
但明明787比A359窄;P
餐飲方面本來就有心理準備但無諗過係咁令人失望
因卷/因港台熱餐比長榮狗餅（真係似）好
因卷我覺得未至於難食到索性唔食但肯定唔會好食，至少CX/KA仲會畀包紙包飲品你，長榮係你唔問就扮唔知 座位pattern唔係幾開胃.. 中秋搭BR856 個意粉凍ga... 全程冇crew 拎茶水供應!!
回程BR867, 個餐不相伯仲. 我寧願食廚叉餐肉包 :'(
頁:
[1]