土木土程署路政署運輸署對於例如架空道路工程職責範圍
本帖最後由 paul2357paul 於 2019-1-25 06:44 編輯可歎的是，這應該是屬於政出多門既瘟牀之一，因為據我既認知應該會有咁既效果:
路程署淨係負責例如整個工程宏觀上的目標，土木工程署淨係負責例如結構設計方面，而運輸署淨係理到路面具體使用規則包括行車線具體設計。
因此面對例如只係林士街天橋全段路面變哂西行行車線，讓租庇利街隧道上橋車流有條專線用呢類冇乜工程難度既處理都會變成三署責任互卸而無法成事。
本帖最後由 s3n370 於 2019-1-25 09:57 編輯
又黎日賣過百份嘅文筆？
唔講文章有幾多問題先，大塞車明顯係屬交通運輸範疇。
咁好明顯係其中一個部門嘅管轄範圍，關其他人乜事先？
各大部門嘅職能，架構均能容易在佢地嘅網頁搵到。
見閣下咁關注各大基建，好應該了解多D架喎。
小弟唔止講過一次，閣下嘅創作力量同幻想，
日賣過百份需要你！
去佐應徵未呀？
樓主如有高見，不妨直接向相關部門提出，唔知邊個做的話，cc晒畀全部囉。
土木工程拓展署唔係只係負責結構，新發展區開拓同道路建設都關佢事，例如屯門54區、白石角、啟德嘅路都係由土木工程拓展署負責 本帖最後由 s3n370 於 2019-1-28 09:27 編輯
jpoon 發表於 2019-1-27 19:54
土木工程拓展署唔係只係負責結構，新發展區開拓同道路建設都關佢事，例如屯門54區、白石角、啟德嘅路都係由 ...
土木工程拓展署唔會睇其他政府工程嘅結構。
一般黎講係由開展工程嘅相關部門審核。
事實上，政府除佐工務部門，
好多諗都諗唔到嘅非工務部門，都有一小隊建築專業人士負責自己部門工程。
舉D較少見嘅例子，
郵政署現正招聘合約結構工程師(以及其他相關專業人士)，
估計係負責新郵政總局工程審核行政工作。
社署津貼科轄下有一隊建築師為首，
包括結構工程師嘅工程隊伍，
估計係管理社署轄下大樓設施嘅工程事宜。
頁:
[1]