浸鹹水遇溺記 第十一回 AF1781 AF188 初嚐 European Business 的故事
https://3.bp.blogspot.com/-6p1nA7T5zQ0/XEpuO8mQbFI/AAAAAAAAHqE/ANj3G3-9KKIula9ylZDgTX850huZNfKjQCLcBGAs/s1600/AF01.JPG
"一六年中,小弟獲悉已被英國大學收錄時,小弟許左個願望-就係嘗試搭唔同既航空公司,家長話邊間公司安全, 邊間公司可以儲 Miles 呀,全部都唔係小弟既concern"
今次旅程則比較特別 - 本身小弟係 Air France 網站買英國來回香港既機票時, 發現去程係可以用經濟艙價格加 £250 左右買商務艙位。 小弟二話不說就買左呢張飛, 踏上呢個半商務半經濟既 LHR-CDG-HKG-CDG-BRS 既 Air France Multi-City Trip。實話實說, 本身小弟對今次旅程係有幾高期望既 - 話說小弟之前睇過唔少關於歐洲傳統航空公司既商務艙飛行報告, 而當中亦不乏表揚法航商務艙既報告既。 究竟最後小弟既期望有無被滿足呢? 咁就敬請各位睇小弟既 浸鹹水遇溺記 第十一回 啦~~
--- Flight Info ---
15/12
AF1781 LHR -> CDG
A320-200 F-HEPJ
LHR 1535 (1605)
CDG 1755 (1745)
AF188 CDG -> HKG
B777-300ER F-GZNC
CDG 2325 (2340)
HKG 1835 (1840) (+1)
--- London Heathrow T4 (LHR) ---
小弟當日由 Nottingham 乘 East Midlands Trains 抵達 London St. Pancras 之後, 便轉乘 Tube 前往 Heathrow T4。 Air France 係 T4 既 Check-In Counter 同 KLM 係共用既 - 經濟艙既乘客係要自助預辦登機, 而商務艙同有 SkyPriority 既乘客則有一個 Counter。 今日負責 Check-In 既職員非常詳盡咁介紹曬小弟乘搭商務艙既 Benefits, 包括可以行保安檢查既 Fast Track, 以及係 LHR & CDG 入 Skyteam/Air France 既貴賓室。
唯 Heathrow T4 既 Fast Track 感覺上係有少少伏 - 由於當日 Fast Track 只有一部 X-Ray 機運作, 同時亦有多名攞卡塔爾外交護照既人仕出現, 當日小弟係等左十幾分鐘先過到個 Security Check - 反觀正常既安全檢查係開足四部機同完全見唔到人龍, 睇黎今日既 Fast Track 都唔係快得去邊~~
今日係小弟第一次黎 Heathrow 既 Terminal 4。 雖然佢係明顯地比 Terminal 3 & 5 舊, 不過配上天花板既裝飾, 整體上個客運大樓係俾到人一個好舒服既感覺。 係商舖方面, 除左報紙商同 Coffee Shop 之外 Terminal 4 亦有大量既名牌店舖同多個 Airline Lounge。
Air France 商務艙既乘客係可以係希斯路機場使用 T4 Skyteam Lounge 既 - 雖然佢個貴賓室個樓底唔係高, 不過佢個樓面空間唔細, 帶有一個幾柔和既效果。 當日個貴賓室都唔係太滿, 而係報紙方面, 佢提供既報紙大部份都係以英文, 法文同荷蘭文為主 - 其他語言既報紙, 例如星島日報等, 都可供取閱。
係食物方面, 佢提供既食物選擇係令小弟稍為失望 - 佢只係提供蕃茄醬通粉同印度咖哩兩個 Mains - 個 Butterchicken 係非常好食 (辣多少少就真係 Perfect 啦~), 唯個選擇係非常有限。 係冷盤同甜品上, 佢都係提供歐陸式選擇為主, 有沙律, 芝士及果仁等。 另外, 佢係 Lounge 尾部係設有一個 Open Bar, 而酒水款式都算齊既。
係 Skyteam Lounge 打發左少少時間之後, 小弟就行左上 Gate 15 樓上既 Viewpoint - 呢個位係可以睇 09R/27L 既運作, 同時亦會見到長期停泊 LHR 既 Condorde G-BOAB。 當日雖然天氣陰暗, 不過都算係勉強影到幾張 09R 起飛既相。
https://2.bp.blogspot.com/-FqtM4lGrHZI/XEpuWXDOKoI/AAAAAAAAHqI/9lS3VVh2AyUbTF5nwJtzE0Pq_0kducWhgCLcBGAs/s1600/AF02.jpg
當日小弟乘搭 East Midlands Trains First Class 由 Nottingham 前往 London St. Pancras, 之後轉乘地鐵前往 Heathrow T4, 為小弟今日既航程打開序幕。
(小弟都有為 East Midlands Trains 既頭等艙寫一份飛行報告 - 有興趣既讀者可以呢度睇 傳送門 )
https://1.bp.blogspot.com/-gkN_1BBQs5o/XEpuWZOJEkI/AAAAAAAAHqM/f0Cb8WCAEWQ_Dh8H_VjoOSNDkXUltMeMwCLcBGAs/s1600/AF03.jpg
Check-In - Air France 同 KLM 係 Heathrow 既預辦登機櫃檯係共用既 - 左邊經濟艙既乘客係需要自行辦理登機手續再前往櫃檯把行李機艙, 而右邊既櫃檯則供商務艙乘客使用。
https://2.bp.blogspot.com/-FMNCp3Ahesk/XEpuzGs58oI/AAAAAAAAHqc/qPS53YuJff4yn_ZgHKEWdNMvHYEgbAaLwCLcBGAs/s1600/AF04.jpg
Heathrow T4 - 雖然 Heathrow 既四號客運大樓係無 T3 或 T5 咁現代或豪華, 不過 T4 既 Airside 都算係非常實用既。 儘管佢樓面面積比較細, 不過佢係有唔同既商舖同大量候機空間既。
https://3.bp.blogspot.com/-ceX_pSu_Pfc/XEpu9oTv6-I/AAAAAAAAHqg/8OXA_qwhzx0MDIY-WVFybqBAUp_k_WCbQCLcBGAs/s1600/AF05.jpg
Skyteam Lounge, Heathrow T4 - 呢個貴賓室係開放俾所有有 Skyteam Status 及乘 Skyteam 聯盟中航空公司商務艙既乘客
https://1.bp.blogspot.com/-6ojEfgYATU8/XEpu-S4CG8I/AAAAAAAAHqk/U6jOJMRZWiIchieybTAE9HIBiJyPielzgCLcBGAs/s1600/AF06.jpg
Skyteam Lounge, Heathrow T4 - 整體上小弟係對呢個貴賓室有少少失望 - 樓面少同樓底比較低之外, 呢個貴賓室係要同 Aeroflot 同 Delta 等航空公司共用 - 相信呢個貴賓室係繁忙時間係會極之爆滿既。 雖然個貴賓室提供既食物種類係非常少, 不過佢既食物質數係幾高既, 同時佢係有個齊各類酒水既 Open Bar。
https://4.bp.blogspot.com/-Gr5VNvctoUw/XEpvGl2DOgI/AAAAAAAAHqs/K3sDwVRpf9oHn0Q0zeIFVWGuipfI6oGdACLcBGAs/s1600/AF07.jpg
London Heathrow T4 既 Viewpoint - 呢個係位於十五號閘上面, 09R/27L 跑道既 Movement 都會見得一清二楚。
--- AF1781 LHR->CDG ---
由於 Inbound Flight 本身已經係延誤左三十分鐘, 登機時間已經推遲左二十分鐘 - 加上當日係 Heathrow 等一個乘客再等左十分鐘, 今日班機係延誤左三十分鐘起飛 - 個 Captain 今日係特登走出機艙 Address d 乘客, 而做完 Safety Briefing 之後, 機組人員隨即派發一支水及濕紙巾。
雖然所有法航既 LHR-CDG 航班既預定航班飛行時間都係 1h20, 不過實際上航程只需要四十分鐘左右 - 唯基於 LHR 同 CDG 呢兩個極為繁忙既機場都常常出現延誤, 航空公司係特意把 Block Time 拉長, 以降低延誤可能對其後航班做成既影響。
講翻張櫈先 - 雖然今日小弟係坐 Business, 不過歐洲既 "Domestic Business" 櫈係同 Economy 既櫈係一樣, 而兩者之間既唯一分別就係航空公司係會把商務艙既 B 同 E 位禁售, 變相每位 Business 既乘客係有 1.5 張 Economy Seat。 呢個設計亦代表航空公司可以輕易地按需求把商務艙加大或縮小 - 可以增加篇配航機既彈性之外亦可以 (原則上) 賣無限張商務艙既飛。 當日既 Business Cabin 由 Row 1 延伸到 Row 10, 代表當日既 Configuration 為 J40Y114。
張櫈坐落都幾舒服既 - 同大部份歐洲既短途機一樣, 佢都係用仿真皮做 Seat Cover - 唔易骯髒之外亦容易保養。 個座距有34吋, 而座位闊度則有18吋, 個位係有 AC Power 提供, 而佢係有個 USB 充電位設於 Armrest 之內。 小弟係非常鐘意佢當日提供既枕頭 - 雖然係呢個四十分鐘既航班上佢未必咁有用, 不過佢個花真係好靚~~
由於今日既航班時間為下午三點, 今日 AF1781 派既餐係一個極之 light 既冷盤。 個 Meal 有紅蘿蔔配希臘式芝士醬, 義大利式麵包配酸菜及芝士以及腰果碎配蘋果蓉。 整體上, 用小食標準黎講呢個餐係可以接受既 - 味道上, 呢個餐對小弟既味覺細胞帶黎一個好大既衝擊, 唯份量上今餐真係少得好可憐。 小弟係非常鐘意今餐既腰果碎配蘋果蓉 - 話說 "Apple Crumble" 係英國係一個好受歡迎既菜色黎, 不過英式版本又加 Custard 又狂加糖, 變相個甜品又膩又唔脆 - 反觀呢個法式 Apple Crumble 又清甜又有口感, 俾到小弟一個好清新既感覺。
係餐飲上小弟係對個服務係有少少失望既 - 小弟身旁既乘客點左一杯 latte, 而機組人員係落一個沖包開水, 而唔係新鮮整出黎。 小弟亦叫左一杯 café au lait 黎飲 - 小弟之前都聽過法式咖啡係比較濃, 不過當小弟加左包 creamer 落杯嘢之後, 杯咖啡係依然無轉過色... 小弟係呢刻真係唔肯定究竟法國人夜晚駛唔駛瞓覺既 O.O
不久之後, 航機就開始降低飛行高度, 並準備係巴黎降落。 係一個稍為 Turbulent 既 Approach 之後, 客機於 1745 係戴高樂機場降落, 為小弟既 European Business 初體驗畫上一個句號。
https://3.bp.blogspot.com/-a8nIXzyAdOc/XEpv3z402fI/AAAAAAAAHrU/NahakO1Fb5UKOT3aFaIAsDkCnq73MYO0ACLcBGAs/s1600/AF11.jpg
Seat 4A - 雖然今日小弟係坐 Business, 不過歐洲既 "Domestic Business" 櫈係同 Economy 既櫈係一樣, 而兩者之間既唯一分別就係航空公司係會把商務艙既 B 同 E 位禁售, 變相每位 Business 既乘客係有 1.5 張 Economy Seat。 呢個設計亦代表航空公司可以輕易地按需求把商務艙加大或縮小 - 可以增加篇配航機既彈性之外亦可以 (原則上) 賣無限張商務艙既飛。 當日既 Business Cabin 由 Row 1 延伸到 Row 10, 代表當日既 Configuration 為 J40Y114。
https://4.bp.blogspot.com/-XpxejDjOmLk/XEpveKmpZiI/AAAAAAAAHrA/1eDTepSjggIqzTv-PUU1yYB0x4gq04rxQCLcBGAs/s1600/AF10.jpg
今日 AF1781 既餐單
Emmental Cheese Foccacia and Pickled Daikon
Carrots and Ktipiti Cream
Pistachio Crumble on an Apple Compote
如圖所見, 佢既份量係極之少既。 同時, 佢係連麵包都無派 - 唔知佢擺塊碟係圖既右下方做咩呢?
https://3.bp.blogspot.com/-3YG3hSGIVUo/XEpvjynZUBI/AAAAAAAAHrE/VM9EZZ5CqAo_5X3BnYDRQlQMnIni2VsWQCLcBGAs/s1600/AF08.jpg
Air France A320 既安全卡 - 留意安全卡上方係同時印上 Air France 及 JOON 既標誌 - 咁咩係 JOON 呢?
對乘客黎講, 呢個只係又一個 Full Fare 既 Low Cost Carrier
對機組黎講, 呢個只係又一個註定虧損失敗既法航分支
甚至 AF-KLM 既投資者亦係對呢間公司既定位同 Business Model 感到毫無頭緒
唯對法航高層黎講, JOON 係一個叫工會返回談判桌既工具 - 如果工會繼續盲目威脅罷工, 法航既高層係會把航線轉移俾 JOON 營運, 並用全新合約聘請機組人員, 直至工會肯降低 (係管理層眼中) 不合理既工資及福利要求。 某程度上 JOON 都算係完成左佢既使命, 而 JOON 既現有既航線係不久既將來係會重新使用法航既名義營運。
https://4.bp.blogspot.com/-KBqykvPKPaA/XEpvdm6AbXI/AAAAAAAAHq8/F8pwbEfetgY5zMzOX2yWi5T41cIvfpmqwCLcBGAs/s1600/AF09.jpg
雖然小弟係非常鐘意呢個枕頭設計, 可惜呢個唔係卡塔爾航空既 QSuite, 呢個枕頭係唔可以私有化既~~
--- Paris Charles de Gaulle (CDG) ---
到達戴高樂機場後, 小弟重新通過安全檢查後便前往位於 Terminal 2E (K) 既 Air France Lounge。 由於小弟既 Inbound Flight AF1781 都係用 Terminal 2E (K), 小弟當日原則上只需要搭電梯上一層已經到個貴賓室。
Air France 係 Terminal 2E (K) 既貴賓室既規模係非常大 - 佢係 2E (K) 係用左一層半既舖位。 配上大量 Sofa Chair 同 Restaurant Seating, 佢個 Capacity 係非常之高 - 就算當晚有多班前往亞洲既航班由 2E (K) 出發, 貴賓室當晚都依然有位剩既。另外, 法航既貴賓室係有提供梳洗設施既 - 貴賓室後方係有一排 Shower Room, 而呢d房間係有提供毛巾, 剃髮刀, 牙刷等基本 Amenties。 佢個房既清潔係做得好, 唯個風筒個輸出有少少弱。
同倫敦既 Skyteam Lounge 一樣, 佢既食物係非常高質, 唯佢提供既食物種類係非常之少。 當日既 Dinner Option 係七點開始提供, 唯佢只有五個 Option - 南瓜湯, 糙米飯, 白汁雞, 蛋黃蝦 同雜椒濕炒飯。 呢五個選項都幾好食, 而佢提供既甜品, 尤其個 Custard Tart 同 Chocolate Square, 真係正到無得彈。 係飲品方面, 佢係有提供果汁, 咖啡同酒水 - 佢甚至有一部橙汁機, 唯佢既橙汁係同一般樽裝既一樣味。 同時, 佢既酒水係 Free Bar 任酙, 而大部份既 Spirits 同 Mixers 都有提供, 當日甚至有一家四口攞兩支香檳坐埋一檯慢慢隊, 唯小弟唔係太嗜酒, 當晚只係攞左罐 Heineken 就坐埋一邊算~~
順帶一提, Air France 正為旗下既貴賓室做翻新 - 最新既 Air France Lounge 係 2E (J), 而相信小弟今日去既 2E (K) 貴賓室係不久既將來都會被翻新。
https://4.bp.blogspot.com/-4hndAqGTaPo/XEpwMSt2ieI/AAAAAAAAHrc/JOpnQFw990Y8kHg0KZvCd8WDqvJWM_YpQCLcBGAs/s1600/AF12.jpg
Paris Charles de Gaulle Terminal 2E - 小弟係幾欣賞呢個設計既 - 呢個彎曲天花既設計配上木紋配置, 整個空間感覺上係好舒服~~
https://2.bp.blogspot.com/-diioKIi0A6w/XEpwPcins0I/AAAAAAAAHrg/pIzDImovPLYOa-lkdgOoPCR_rxhrjh5jQCLcBGAs/s1600/AF13.jpg
假如 London Heathrow 係一個有商舖既機場, 咁 Paris Charles de Gaulle 係一個有跑道既商場~~
https://3.bp.blogspot.com/-l4Oe5X1rnsA/XEpwh2AVKqI/AAAAAAAAHrs/A48w-0GEca8p8P7Fjuhd9KjKRmAJxK2NQCLcBGAs/s1600/AF14.jpg
法航商務艙貴賓室 - CDG Terminal 2E - 呢個貴賓室係非常大, 佔用兩層鋪面既空間之外, 佢亦有一個 Business Centre 同 Day Bed 提供。
https://1.bp.blogspot.com/-i5YWkZsAQPQ/XEpw0z_csRI/AAAAAAAAHr4/JeU77k-XQWcBCHFWyyzxX12y3S_JsjRAQCLcBGAs/s1600/AF15.jpg
法航商務艙貴賓室 - CDG Terminal 2E - 同倫敦既 Skyteam Lounge 一樣, 佢既食物係非常高質, 唯佢提供既食物種類係非常之少。 當日既 Dinner Option 係七點開始提供, 唯佢只有五個 Option - 南瓜湯, 糙米飯, 白汁雞, 蛋黃蝦 同雜椒濕炒飯。 呢五個選項都幾好食, 而佢提供既甜品, 尤其個 Custard Tart 同 Chocolate Square, 真係正到無得彈~~
https://1.bp.blogspot.com/-fZoBSsfFD2A/XEpwqbDdAuI/AAAAAAAAHrw/iCJSrKDTYPok7x3y3CHclQP8zwCkAXf1wCLcBGAs/s1600/AF16.jpg
Air France Business Class Lounge's Shower Room - 呢間房係非常簡潔同實用 - 除左個椰子味洗頭水係令小弟黑人問號左一陣之外, 小弟係幾鐘意呢個設計既
--- AF188 CDG->HKG ---
係貴賓室坐咗陣之後, 小弟就走左去 Gate 35 等候上機。 坐頭等艙, 商務艙同有 Skypriority 既乘客獲優先登機, 而經濟艙既登機次序係按座位既前後決定, 坐機尾既乘客係可以登機先既。登機亦係一件非常輕鬆既事黎 - 個 Purser 親自由 2L 帶小弟去今日既座位 10A, 而機組人員隨後亦派發 Welcoming Drink 及 Hot Towel。 座位上已經擺放唔少 Amenties - 有一對拖鞋, 毛氈, 枕頭 以及一個掛外套用既衣架 - 機組人員係起飛之前亦主動把乘客既外套係 Galley 既衣櫃掛起。 今日既 Pushback 都算準時 - 係 taxiway 排隊起飛後, 今日既航班於 23:40 起飛, 並往西北方向進發。
起飛不久後, 機組人員便向個乘客派發 Amenity Kit - 乘客係可以揀個 Kit Pouch 既顏色, 而每個 Kit 入面都有眼罩, 紙巾, 耳塞, 牙刷, 牙膏, 原子筆, 眼鏡布, Face Cream, Lip Balm 同一包潔手液。 同時, 個眼鏡布同原子筆係有 Air France Branding, 而塊眼鏡布既花紋係真心靚~~
飛機到達巡航高度之後, 機組人員便開始準備 Dinner Service。 舖好檯布後, 機組人員便開始派發一個有頭盤, 芝士, 沙律同甜品既盤。 食咗頭盤之後, 機組人員便派發今日既主餐 - 今日有港式咕嚕肉飯, 海鮮配扁豆, 以及全素既蘑菇濕飯可供選擇, 而小弟則揀左個第二個選擇。
今日既頭盤係非常好食 - 今日既 entree 有煙三文魚, 鴨肝同沙律, 而個煙三文魚係非常香口。 鴨肝配上蘋果醬呢個組合係做得好好 - 食得出個 Duck Foie Gras 既 Richness 同時亦有個蘋果醬平衡, 食落係唔會覺得過份油膩。 今日既 Main "Sauteed Squid and Shrimp with Green Lentils" 係好香口, 餐入面既海鮮係完全無雪藏味, 而個綠扁豆係做到好淋, 食落去好似 Risotto 之餘, 仲吸曬個醬汁既味。 芝士方面佢係有 Cantal AOP Cheese 同 Goat's Cheese 配一粒乾杏 - 雖然羊奶製既芝士絕對唔係小弟杯茶, 不過佢既 Cantal Fromage 夾麵包係幾好食既。 甜品方面, 小弟係非常鐘意法航既 "Chocolate & Caramel Baton Cake" - 濃厚既巧克力味配上有層次既餛料 - 用呢個蛋糕作晚餐既結尾真係最適合不過~~
法航既 Meal Service 係同國泰舊式既商務艙有幾分相似 - 國泰既舊式 Meal Service 係頭盤, 沙律同麵包一次過擺檯, 而法航既派餐方法係用一個膠盤一次過上曬頭盤, 沙律, 餐包同甜品。 首先, 無得揀甜品呢度小弟係覺得有非常可惜 - 今日既芝士同 Baton Cake 係非常好食, 不過無得揀 Fruit Platter 或 Sorbet 呢度則對小弟黎講有啲失望。 同時, 甜品同頭盤及沙律一齊上呢點小弟係極度唔理解 - 唔美觀之餘又用咗個檯面空間 - 如果甜品係收左個 Main 之後再連一個 Nightcap 派, 個用餐流程係唔會咁急促, 而整體上個 Dining Experience 會好好多。 同時, 法航用膠盤派商務艙餐呢點小弟係有少少睇唔過眼既 - 個膠盤尺寸又細, 同時個顏色攪到個膠盤睇落好似好舊, 認真成個擺設真係令人失望咯. 當然, 法航既做法做係可以減低機組人員既工作量同降低用餐時間。 當然, 小弟都理解呢啲 Red Eye Flight 上面係有唔少乘客係想盡快食完嘢之後睡覺, 不過咁樣為左速度而犧牲咗個賣相既話小弟係覺得非常可惜既。
係座椅方面, Air France 同國泰一樣, 係其商務艙既座位上使用 Zodiac (現時品牌已經被 Safran 收購) 既產品, 並採用一個 Reverse Herringbone Configuration。 座位係可以以180° 攤平, 而座位係以 30° 既角度朝向窗口既。 座位亦設有少量既儲存空間 - 小弟左邊係有一個裝耳機既櫃, 而檯面下面則設有一個雜誌架以及放置水樽及安全卡既空間。 當然, 個座位既 Footwell 係可以存放少量物品, 而頭頂既 Bin Locker 係有大量空間放 Cabin Baggage 既。 (註: 同國泰既 Armrest 設計唔同, Air France 既 Armrest 係實心既, 而 Cathay 既 Armrest 係有一個放水樽既暗格) 同時, 座位係有一個 USB 充電位同一個 Universal Power Plug, 而呢兩個電源都係設於個雜誌架旁。
整體上呢張櫈係幾舒服既 - 由於張櫈既 Footwell 係幾深, 攤平張櫈黎瞓時係依然有唔少 legroom 既。 (小弟身高一米八, 相信就算讀者有兩米高都唔會係問題~~) 配上當日提供既枕頭及毛氈, 小弟當晚都瞓左大約六個小時。
雖然小弟係幾鐘意 Zodiac Cirrus 呢個 Seat Product, 唯呢個設計同保養上係有多個缺點。 首先, 安全卡既擺位係極之奇怪, 佢係雜誌架下面既牆身整左個插安全卡既位 - 本身個位置已經有少少難 Access, 而當座位完全攤平既時候, 乘客係攞唔到安全卡既。 點解 Air France 唔將個安全卡擺係 Magazine Rack 度呢? 第二, 調教座位既控制係放左係一個非常奇怪既位置 - 調教座位既四粒制係設於 Arm Level - 乘客既手臂係好容易誤碰呢個 Seat Control。 小弟當日食晚飯時亦兩次唔小心碰到呢個制 - 如果 Seat Control 係放係另一個位置 (例如 Cathay 咁放係個 IFE Remote 旁邊) 其實呢個問題係唔會發生。 係座位既保養方面法航亦令小弟稍為失望既 - 雖然法航係從 2014 年開始使用呢個商務艙座位設計, (i.e. 張櫈最老都應該係四歲左右) 不過張櫈有唔少金屬面已經有氧化既跡象。 同時,當晚座位既 USB Port 係壞左既 - 幸好小弟當晚係有帶三腳插, 可以用 Universal Power Point 為手機充電。
Air France 提供既 Inflight Entertainment 無論係內容同操作上都做得好好 - 係操控上, 商務艙座位既系統係可以用大螢幕既觸碰式控制, 亦可以用擺係身旁既遙控控制。 個遙控係有一個迷你觸碰式螢幕, 而呢個亦可以控制大螢幕上既顯示。 唯呢個螢幕原則上係需要係起飛降落時收起, 雖然當晚大部份乘客都無理會呢點。 呢個亦變相閣下係可以同時播兩樣嘢, 例如係大螢幕播電影時, 係個手制上既細螢幕播航程資料等。 小弟係極之鐘意呢個功能 - 雖然小弟係唔會一眼關七咁同時睇兩部電影, 不過係可以唔駛中斷個電影查閱佢既 Movie Catalogue 呢點小弟係非常欣賞。
係內容上, 佢提供既電影選擇都算齊全既 - 佢唔少電影都有英文, 德文同西班牙文版本, 而大部份 blockbuster 都有外語字幕。 佢既電視劇都以法國本土節目為多, 而英文既電視劇則有 Sherlock (BBC版 Season 3) 同 Family Guy 等。 雖然佢係無 Live TV 呢個選擇, 不過佢既 Moving Map 係 Interactive 既, 同時佢係有一個 Nose Gear View 可以播放。唯小弟覺得佢既螢幕光暗度唔係好夠暗 - 航班係起飛後兩小時至降落前兩小時都係調暗機艙燈光 - 係呢段時間就算小弟著左個 Reading Light, 個螢幕都係有少少"燦"眼既。
Air France 係機上係有提供 Wi-Fi 服務既 - 乘客係可以免費用 Whatsapp, Messenger 等通信軟件, 而上網則可以按速度同時間買 Plan - 全程上網要 €18, 而全程無限速上網則要 €30。 小弟當晚只係用佢既免費 "Message" plan, 雖然佢係 send 唔到圖片, 不過係 fl370 依然 Whatsapp text 到係香港既朋友的確係一件開心事黎~~
不過小弟有一樣嘢有少少大惑不解 - 當日就算小弟係一個商務艙乘客, 當日係機上上網係依然要收錢。現時各航空公司對提供機上上網服務既取態都非常不一 - 唔少傳統航空公司 (SQ, CX 等) 都會為機上上網收費, 而有唔少航空公司 (EK, AY 等) 會為商務艙及頭等艙既乘客提供免費上網服務。 (法航頭等艙係有無限上網用)。 更有唔少航空公司, 例如 Jetblue 及 Norwegian 等, 會為經濟艙乘客提供免費機上上網服務。 究竟 Inflight Connectivity 應該係一個 Necessity, 一個 Amenity 定一個 Luxury 呢?
當日小弟係降落前四個小時就醒咗, 係小弟開著個 IFE 之際, 機組人員已經行左埋黎問我要唔要茶水或餅乾。 見個 Breakfast Service 仲有一個半鐘先開始, 小弟就要左份 Mini Burger 同埋一份生果。 雖然個 Mini Tuna & Chicken Burger 係等左成十幾分鐘先整到出黎, 不過呢個小食係非常香口同鬆脆, 係 100% 滿足左小弟既口隱~~
另外, Air France 係個 Main Business Cabin 同頭等艙後面既 Mini Business Cabin 之間既 Galley 設有一個 Self Service Drink & Snack Bar - 呢度有餅乾同水果可以任攞, 而 Drink Bar 提供既飲品則以非酒精類飲品為主。 呢度亦有個 Crew Member 長期駐守 - 有咩問題機組人員都好踴躍幫手既。
Breakfast Service 於降落前兩個小時派發 (嚴格黎講係 Afternoon Tea?) - 今日既早餐有俺列, 腸仔及薯餅, 法式薄餅配紅莓醬或歐式 Cold Platter 三個選擇提供, 而小弟則揀左前者。 同時, 早餐亦有生果拼盤, 乳酪同法式包點提供。 今日既早餐係幾好食 - 雖然份奄列係一般, 不過佢既牛仔肉香腸係幾重肉味。 另外, 佢提供既生果拼盤係有西柚, 提子同橙 - 值得一提既係佢啲橙係用 Bitter Orange - 雖然個橙係有少許苦澀味, 不過食落去個感覺係有少少清新之餘食落亦有少少解渴既效果。 同時, Air France 航班上提供既牛油係非常抵讚 - 佢係提供一大條牛油條, 而陣牛油味係非常之香, 塗上法式包點食係真係好正~~
食完早餐之後, 飛機已經進入廣東上空, 而機組人員亦開始準備降落。 機組人員派發今個航班最後一塊 Hot Towel 後, 亦向各乘客派翻係起飛前代為掛起既外套。 同時, 個 Purser 亦籍呢個機會同各商務艙既乘客握手道謝同攞乘客既意見。餘下既航程都相當順利 - 入境後, 小弟等左五分鐘左右已經攞翻行李。 再過多十分鐘, 小弟已經係部 A21 上面, 以時速七十公里係青嶼幹線上面飛馳, 亦代表小弟既法航商務艙旅程告一段落。
https://2.bp.blogspot.com/-qfpUoEXqH0Q/XEpw68oukpI/AAAAAAAAHsA/Pg8qrth5FmMWMPH121n20Jtr94WttP5ZACLcBGAs/s1600/AF17.jpg
小弟今次航班既座位 - Seat 10A - 同國泰既商務艙一樣, 佢係用一個 Personalized 既 Zodiac Cirrus。 整體上呢張櫈係幾舒服既 - 由於張櫈既 Footwell 係幾深, 攤平張櫈黎瞓時係依然有唔少 legroom 既。 (小弟身高一米八, 相信就算讀者有兩米高都唔會係問題~~) 配上當日提供既枕頭及毛氈, 小弟當晚都瞓左大約六個小時。
https://4.bp.blogspot.com/-wJEfyUP33yc/XEpxA3-93EI/AAAAAAAAHsE/Ku4fKNdOieQo4Z1nWnXzpzWKgjQvjxhAACLcBGAs/s1600/AF18.jpg
Air France 既 Inflight Entertainment - 佢既電影選擇係幾廣既, 英文既電影係有各大荷里活製作, 而廣東話既電影則有洩密者門同大師兄等。 同時, 大部份外語電影都係有中文字幕既。
https://4.bp.blogspot.com/-8XhqalCMUQY/XEpxNoSwk3I/AAAAAAAAHsQ/6N9FQkaSdtEetsMAZBEVsAZYFUUtyOJpwCLcBGAs/s1600/AF19.jpg
Air France 既 Moving Map 係互動式既 - 個顯示係幾高像數既 (印象中呢個係 Panasonic 既系統?) 同時乘客係可以睇安裝係 Nose Gear 既 Camera Feed.
https://1.bp.blogspot.com/-qBwsbFT1UsE/XEpyHFVgTJI/AAAAAAAAHtA/u7qEqdixC8Y8w8XNlvsEu0bB_F_tRsaEgCLcBGAs/s1600/AF26.jpg
Zodiac Cirrus 既 Tray Table - 呢張檯係極之實淨同實用, 唯座位既控制係擺係檯面左邊, 用緊張檯既時候係極之容易唔小心掂到既
https://1.bp.blogspot.com/-cbM9tTCEjsQ/XEpxW34YszI/AAAAAAAAHsU/1n_S8l2Nf7MmNSTSUH4HmlthE9X0DjhnQCLcBGAs/s1600/AF20.jpg
今日晚餐既餐單如下
Gormet Appetizer - Duck Foie Gras, Smoked Salmon, Tarragon Cream and Mixed Green Salad
Hot Dishes - Sauteed Shrimo & Squid, with Green Lentils and Orange Blanc Sauce
Cheese - Goat's Cheese, Cantal Cheese & Dried Apricot
Dessert - Chocolate & Caramel Baton Cake
今日既頭盤係非常好食 - 鴨肝配上蘋果醬呢個組合係做得好好。 食得出個 Duck Foie Gras 既 Richness 同時亦有個蘋果醬平衡, 食落係唔會覺得過份油膩。 今日既主菜係好香口, 餐入面既海鮮係完全無雪藏味, 而個綠扁豆係做到好淋, 食落去好似意大利濕飯之餘, 仲吸曬個醬汁既味。 芝士方面佢係有 Cantal AOP Cheese 同 Goat's Cheese 配一粒乾杏 - 雖然羊奶製既芝士絕對唔係小弟杯茶, 不過佢既 Cantal Fromage 夾麵包係幾好食既。 甜品方面, 小弟係非常鐘意法航既 "Chocolate & Caramel Baton Cake" - 濃厚既巧克力味配上有層次既餛料 - 用呢個蛋糕作晚餐既結尾真係最適合不過~~
https://1.bp.blogspot.com/-o5FOYOPNdBI/XEpxXeztGGI/AAAAAAAAHsY/jHC0Ib-roY8GCmvfwyqMFA1ntn2UC-HlgCLcBGAs/s1600/AF21.jpg
Maybe I'm way too impulsive
You are so much subjective
Maybe the life's just too brutal
And the world is too distractive
Whatever by GDJYB
https://4.bp.blogspot.com/-cFsFPp5VcW4/XEpx3e9WD-I/AAAAAAAAHsw/ziMWUOjWPQIvF2N__pUps3pU5w_k55eaQCLcBGAs/s1600/AF22.jpg
Air France 係個 Main Business Cabin 同頭等艙後面既 Mini Business Cabin 之間既 Galley 設有一個 Self Service Drink & Snack Bar。 呢度有餅乾同水果可以任攞, 而 Drink Bar 提供既飲品則以非酒精類飲品為主。
https://3.bp.blogspot.com/-J4I72MwdPSo/XEpxwJGn9aI/AAAAAAAAHss/w8NoBB2AMV45pWn8pWQN3oWvD7BKkXuqwCLcBGAs/s1600/AF23.jpg
今日既早餐餐單如下
Fresh Fruit Salad
Organic Curd Cheese
Croissants, Bread, Brioche, Butter & Jam
Plain Omelet, Veal Sausage & Grated Potato Cake
雖然個賣相一般, 不過整體上個早餐係幾好食既 - 個牛仔腸係幾重肉味, 而個法式包點係有陣極之香既牛油味。
https://2.bp.blogspot.com/-iadkzg6nGfg/XEpx-SgzIMI/AAAAAAAAHs0/pcKi45dFV4knaY-8jc5f48t7ArjOv-j2ACLcBGAs/s1600/AF24.jpg
Air France 既安全卡應該係小弟見過既其中一個最細既一個 - 雖然佢既字數係比較少, 不過佢都算帶出到個信息~~
--- Verdict ---
航班係香港著陸後, 小弟同機組人員道謝後, 便連同其他商務艙既乘客一齊走上登機橋, 走入 HSBC 廣告既懷抱, 並為 AF185 呢個十一小時既航班畫上一個... 問號?
用餐方面, 法航當晚既膳食係極之高質素同非常好食, 唯佢既用膳流程係極之急促, 呢點無疑中係令小弟對 Air France 既印象扣左幾分。 法航係座椅上亦有問題 - Zodiac Cirrus 呢個 seating product 絕對係一張 5* 既櫈黎, 又有私隱度又瞓得舒服, 唯 Air France 版本既座椅控制既擺位係真係令小弟懷疑究竟個 Designer 有無試坐過佢自己既設計。
同時, 唔知點解今日航班上既機組人員感覺上係有d陌生 - 機組人員作歡迎致詞時亦特意提到 "今日航班上所有機組人員係識法文,英文及西班牙文, 而我地亦有識葡萄牙文, 廣東話, 普通話及意大利文既機組人員。" 無疑法國係一個出名死都唔講英文既國家黎, 不過當小弟係用餐時同機組人員英文 Small Talk, 個機組兩次都只係微笑點頭就帶過 - 小弟當晚真係好深深體驗到咩叫 "France is in the Air, Ohhhhhhhhh~"。
整體上小弟係對呢個法航商務艙體驗感到滿意既 -雖然小弟覺得法航既商務艙係差一個 'Finishing Touch', 不過無疑佢整體上依然係一個 'Solid Product', 對比其他歐洲 Legacy Carrier 既商務艙, 相信法航既產品對比之下都唔會輸蝕。 如果閣下係來往西歐, 同時法航既價格心怡既話, 法航既商務艙係值得一試既。
AF1781 同 AF188 就講到呢度啦 - 下次小弟會乘 AF188 經濟艙由香港前往巴黎, 並轉乘 BM1882 由巴黎前往英格蘭西部城市 Bristol, 並乘坐由 bmi regional 營運既 ERJ-145 - stay tuned~~
https://1.bp.blogspot.com/-8dXPzq0KNy0/XEpyLosqeXI/AAAAAAAAHtE/HsnqybxHMNsnYsxd5pbqPbAR1sNWzTACQCLcBGAs/s1600/AF27.jpg
如果閣下鐘意小弟既飛行報告既話, 不妨睇埋小弟之前寫落既 '浸鹹水遇溺記' 飛行報告~~
第一回 LX139 LX460 HKG-ZRH-LCY 巧遇 Avro RJ100 的故事第二回 BE1429 SOU-EMA 一個乘搭 Repositioning Flight 的故事第三回 KL888 KL1515 HKG-AMS-NWI 尋找 Fokker 70 的故事第四回 KL1426 KL887 BHX-AMS-HKG 被 Avro RJ 尋找的故事第五回 OS58 OS455 HKG-VIE-LHR 不怕神一般的對手, 只怕鹹魚般的乘客?第六回 探訪退役協和號 G-BOAF 的故事番外篇 CX416 HKG-ICN 商務艙 冬日拜訪漢城記第七回 BE7671 NCL-BHD-IOM 尋找 Jetstream 41 的故事 - 不日推出第八回 BA3287 IOM-LCY 一個避完稅走去翻學既故事 - 不日推出第九回 LX467 LX138 LCY-ZRH-HKG 尋找 CSeries 的故事第十回 LH797 LH926 HKG-FRA-LCY 初嘗漢莎航空 番外篇 HX690 HKG-CTS 一個唔搭因航遭天譴的故事
~~全篇完~~
去過兩次法國，感覺法國人相當重視飲食，飲食文化非常深厚。
法航餐膳質素高，完全唔令我驚訝。
不過一次過上晒甜品同頭盤，似乎都係比起正式 3-course dinner 差少少
（反而想睇頭盤相片）
不過樓主點解早餐唔試下法式薄餅配紅莓醬？Omelette 幾乎間間航空公司都有得食⋯
CDG 小弟用過兩次，兩次都係 Terminal 1 而唔係樓主用既 Terminal 2。
感覺建築的確幾有特色，但空間感欠奉，而且唔太方便轉機
頭盤係非常好食既
其實今次係小弟第一次食鴨肝，不過佢個鴨油味係極之香濃 - 無論係夾麵包當 pate 食或就咁食都係非常香口
CDG 唔太方便轉機呢點小弟都同意既 - 首先由於佢既 Terminal 2 係再細分唔同 terminals, 當晚就算佢係有好清楚指出個 terminal 係點去 d客都可能去錯。小弟回程時候 CDG-BRS 係由 bmi Regional 營運，而就算當日航班係有 AF 航班篇號原來兩間航空公司係無 interline agreement - 小弟係要係 T2E 入境巴黎再走去 T3 辦理行李寄艙手續 - 幸好小弟回程既 connection 係有四小時, 慢慢辦理入境手續之後仲有唔少時間可以行 T2 同 T1 既 landside.
關於早餐方面... 其實小弟都有少少後悔唔叫 crepe 食 xd
頁:
[1]