053h4 發表於 2019-3-3 22:45
無謂委過於人啦。而家小巴牌無價無市，車行托著而已。
大陸的士都因為滴滴，的士而減低車隊管理費增加司 ...
不過如果您立論成立，我最後嗰句似乎仍然適用
238X 發表於 2019-3-3 22:35
呢個就直情係結構性以至國家層面問題
根本以而家中國環境，乜鬼都迫哂喺香港，有咩唔係炒賣品？
同意無大振蕩唔會郁到個制度，但唔係暴動個隻，係打仗。
053h4 發表於 2019-3-6 19:48
為左個小巴牌炮打小巴牌主？
去到咁高層面目標當然唔係咁細，不過呢啲再講落去就離題。
053h4 發表於 2019-3-6 19:48
為左個小巴牌炮打小巴牌主？
誤會了，我意思係要有外部嘅戰爭，香港可能直接或簡接參與其中，
無可避免民生各方面都受影響，股市樓市等大跌，的士小巴牌都會受牽連，
到戰後，政府以重建/重振經濟為名，大幅改變各方面政策，
包括修改小巴的士牌照等，到時牌主就無聲好出了。
係呀，離晒題，但我係想表達我嘅無奈，講來講去就係牌照價值同有效期問題，
的士服務差如是，小巴路線規劃、小巴載客量、小巴服務質素如是，
全部都係因為一個市民、甚至政府都無SAY嘅牌照制度出問題，
專利巴士尚且有收回專營權嘅先例，
但服務得再差嘅小巴、非專利巴士同的士呢？
無，無任何制度上嘅措施去令佢地SUFFER，
咁再好嘅建議都只會喺畀少數有心嘅經營者實行到，
其他多數嘅「小投資者」繼續錢照袋。
053h4 發表於 2019-3-7 18:33
本人都好無奈
的士小巴係本人認為有必要根本改革的交通服務
另外, 其實好認真咁講, 小巴線係咪條條線用緊佢聲稱的車輛去營運, 本身就應該要交數, 計番每部車的日平均時數
巴士公司都可以公開數據, 小巴唔得?
小巴識計糧計工時, 點解唔公開得? 呢個正正係我反對無條件加到19座嘅原因，
小巴業界做左啲咩改善去賺取呢額外三個位嘅收入？
無，車就識換、位就會加，但連啲爛左十世嘅車站站牌都唔識換！
當然，我覺得最錯嘅係政府，小巴佬在商言商，唔會做多野，
係個政府唔識得去睇實佢地，畀佢地亂來，
如果佢識做，一早就裝晒數人嘅工具喺車上面，載幾多人一目了然啦。