從前有一個9uper
本帖最後由 XA2Plus 於 2019-5-4 19:26 編輯睇嚟有啲嘢都係應該係呢個版講會好少少。以下內容大家鍾意點解就自己解啦。
循例講句如有雷同實屬不幸
1. 《從前有一個部門》
就話說從前有間公司，咁入面就分咗好幾個唔同嘅部門，就去做唔同嘅嘢嘅。其中一個部門之前出咗啲事，所以解僱咗一堆人，導致人手不足。咁公司年中都會接唔少項目返嚟，再安排比每個部門去做。有一日個部門就自己同上一層嘅部門申請去啟動一份Project。
咁佢上面嗰中層部門已經提醒咗佢，而家人手不足最好唔好做咁多嘢。咁佢承諾係絕對唔會出現問題，佢可以好妥善咁安排人手，絕對唔會產生影響。
然而呢個計劃只係正式實施咗唔夠三日已經開始出現問題，人手嚴重不足嘅情況更影響到其它本來好正常嘅Project。
就係咁樣，中層嘅部門開始陸續咁收到低層部門同其他人嘅投訴。有部門就投訴點解佢係人手不足嘅情況之下仍然可以強行做各樣嘢出嚟，但自己人手充足就冇機會去做，甚至質疑中層部門係咪偏袒某部門。其他人作出嘅投訴，中層部門都仲可以用「我哋會繼續督促」呢個藉口去推搪。咁但係其他低層部門嘅投訴，又實在唔能夠搵呢啲理由。再加上事件越鬧越大，開始驚動到小部分嘅高層，亦都已經逐步施壓比中層部門要求解決呢個問題。
喺呢個咁苦惱嘅時候，呢個低層部門竟然質疑自己對上嗰級嘅中層部門嘅措施，並且反對佢將一個新計劃比另一個部門，更加質疑中層部門嘅做法是否欠缺公允。
本來已經苦惱嘅中層部門聽完之後直頭係好似火山爆發咁樣，並且決定係一切可行嘅方法之內，制止低層部門再次作反。
故事去到呢度就暫且告一段落，有咩更新就日後再講。但係喺度奉勸一句，麻煩諗清楚自己係咩身份。以下犯上呢個舉動已經夠低能，仲要唔睇下自己係咩情況，比人針對都係報應。你諗清楚你有冇呢個條件去同中層作出控訴先啦 :) 2. 《從前有一個大埔人》
就話説，喺某公司人手不足下，有一個人仍強拉咗一條A入邨
之後，一如某東方小城，開A就抽E
因人手不足的情況一日比一日嚴重，為保機場路線惟有就拉疏條E去20-25
然要強拉A入邨嘅一個人就改為投訴E太疏
重點係E收完A仍然少人;P
暫時見到E好快會正常翻，而代價就顯然係由3乜開刀
感謝大埔
頁:
[1]