hippohippohippo 發表於 2019-3-21 17:26
分別(4) 扶手
1949年：不多, 下層天花有橫杆, 上層完全無扶手, 要靠扶著椅背行走
2019年：多了直杆, 但取消 ...
1949年邊有電鐘？係拉繩！想落車咪行去車門講聲有落囉！嗰時有售票員同守閘，有人想落車，守閘拉一下繩，駕駛艙頂槌仔敲一下，下個站停，唔敲係唔停的，即係飛站。開關車門都係守閘負責，順帶一提，摺門都係60年代之後先有，原本係用趟閘的。上晒車關閘（有時未必關閘，而係個守閘好型咁扳住度閘，隻腳保持隨時用力伸展狀態;P），拉繩兩下，槌仔敲兩下，司機開車。
到六十年代先有電鐘，門頂一個，車中間一個咁大把，但唔係俾乘客用，係守閘按鐘通知司機，一下停，兩下開車。嗰時個鐘聲原本係非常清脆的，但十架有十架個司機都在鐘入面攝報紙整到鐘聲沙啞，同拉繩敲槌仔聲音差不多。
多幾個電鐘制係一人巴士之後嘅事咯！
現存的所謂1949年巴士根本不是原裝版，正如編號120電車一樣根本不是原裝版，大家太認真便輸了！
頁:
1
[2]