[更新日期未知] 九巴 郊野公園 站更名
本帖最後由 Tummy 於 2019-4-5 01:02 編輯郊野公園 > 大帽山郊野公園
祇有報站顯示已更新如右 - 「大帽山 > 郊野公園」「TAI MO SHAN|COUNTRY PARK」
廣播/app/站頭未見相關改動
YY487 發表於 2019-4-5 01:28
狗巴難得會撥亂反正，食錯咩藥？
有咩唔好？
反而咁先正常
用「荃錦坳」三個字咪得，使鬼整到咁長 miklcct 發表於 2019-4-5 07:14
用「荃錦坳」三個字咪得，使鬼整到咁長
呢個站都係for行山客
你覺得邊個名清楚啲？
本帖最後由 S3bl430 於 2019-4-5 16:59 編輯
我同意用荃錦坳囉(最多附註大帽山郊野公園遊客中心),
荃錦坳上大帽山頂要行1-1.5小時
咁同新巴叫大風坳/鶴咀道做鶴咀有異曲同工之妙
(都係老點d唔知頭唔知路既人行餐死先到真正的目的地)
行得山就要做好功課,如果因為一個站名改返做地名就會fake到行山客,
咁我覺得佢唔應該行山,我會怕佢係大帽山迷路囉
行龍脊要土地灣落山,行大浪西灣/嶂上要北潭凹落車,這對行山客是常識吧
我最初搭51上大帽山,都係做左功課先知個站叫郊野公園,
嚴格來說,個站唔可以叫大帽山郊野公園(作為分頁提示就得)
因為荃錦公路一邊係大欖郊野公園,另一邊係大帽山郊野公園 大帽山郊野公園幅員廣闊，東接大埔滘自然護理區，南邊與城門郊野公園接壤，西鄰荃錦公路及大欖郊野公園，北邊則為林村
以「大帽山郊野公園」作為站名實屬不妥，有誤導之嫌
該位置地名實為「荃錦坳」，亦廣為人知，作為站名最為適宜
其他站名則可考慮「荃錦營地」、「大帽山道」等等
正如路線94途經的巴士站，亦沒一個改名為「西貢東郊野公園」或「西貢西郊野公園」
本帖最後由 S3bl430 於 2019-4-6 00:20 編輯
先介紹自己,我自己熱愛行山,一年行山(影日出次數)會多過影巴士次數
平均1年行5-10次以上大帽山,包括半夜上山影日出雲海
以下的分享純粹從行山人士角度出法
可能大家屬於唔同群體,唔會明白行山人士對「荃錦坳」的熟悉程度
荃錦坳係行山界係幾廣為人知,係熱門行山起點/終點,(同北潭凹差唔多)，佢係麥徑8段和9段的交接點，可以上大帽山,亦都可以去大欖/繼續行麥9,10
跑山界甚至用「雙坳」(北潭凹至荃錦坳)黎形客麥理浩徑最甘既路段(麥3-麥8)
至於一般市民,坐51沿荃錦公路上荃錦坳,臨到「郊野公路」巴士站係會見到有塊「大帽山郊野公園遊客中心」既顯眼水牌
亦都唔難認得出上大帽山個入口
[再唔係就用Google gps map大法...]
如果「荃錦坳」真係會令人疑惑果度係邊度,
可以學龍運車介紹「東涌消防局」咁(報站會有「前往東薈城、或東涌鐵路站、請於下站下車」的補充資訊)
加上「前往大帽山/荃錦營地/麥徑8段/9段/甲龍古道、請於下站下車」的提示,我認為已經足夠有餘
巴士站名係用黎辨別所在位置,用「郊野公園/大帽山/大帽山郊野公園」介紹荃錦坳的巴士站,雖然是約定俗成,但始終有誤導之嫌
P.S.講行山易落錯車的話,大嶼山巴士應該整多d依d提示,尤其是部份旅遊巴是沒有報站的
有次行狗牙嶺上鳳凰山,本來要係"石壁警崗"落車,結果司機飛站去左"沙咀"(要行返去石壁水塘另一邊)
又另一次行狗嶺涌分流,本來要係"沙咀"落車,但被誤導在"沙咀懲教所"落左車
幸好通常都順利可以在伯公坳落車 本帖最後由 paul2357paul 於 2019-4-8 17:31 編輯
LM1933@641 發表於 2019-4-5 19:27
大帽山郊野公園幅員廣闊，東接大埔滘自然護理區，南邊與城門郊野公園接壤，西鄰荃錦公路及大欖郊野公園，北 ...
但51既重點範圍的確係來往大帽山，並非例如荃灣來往八鄉果D。
就當俾個機會果個最主要出入大帽山既巴士站冠到大帽山個名囉，有乜問題？:handshake
你問一般市民去大帽山搭咩車，大部分識嘅都會答你51；但講荃錦坳，一般市民除左聯想起荃錦公路之外，真係未必識
倒不如調轉報站出大帽山郊野公園，錄音播埋前往荃錦坳請於此站落車，方便一般市民就算睇apps都可以知有邊個站係大帽山郊野公園
頁:
[1]
2