因為佢地有時往往令人誤會
令人覺得自己有機會追到佢r
但你一表露心跡果陣
好彩既佢只係拒絕你
唔好彩既佢甚至會從此疏遠你
(我以前都遇過呢個case)
我唔敢講呢d 女仔
係咪專登咁做而令到一d 男仔肯做佢既觀音兵
但遇到呢d 女仔
真係要清醒d 先好
呢個情況就如同打牌果陣
渣住一舖牌面好大
但就係人都知你做乜野牌
兼且自摸既機會又好渺茫既叫糊牌一樣
人地一定唔肯打你果章既牌之餘
遲下如果自己摸正人地又係有機會食糊既牌
如果你仲唔肯棄糊
到時盞輸得仲甘...
有時太渺茫甚至接近零既機會
你都要睇下值唔值得再繼續博
否則放棄可能係明智之舉 咦，霍兄，同我個 case 有點兒似喎。
我就咁睇，既然 A 已經有男朋友的話，我覺得你都係唔好
差隻腳落去喇，話哂拆散人地都唔係一件好事吧。
反而朋友我覺得可以 keep 住落去，做唔成情侶都可以做
好友吧？
至於好唔好 keep on waiting 呢個問題，我覺得隨緣吧，
係你既最終始終係你既，唔係你既花幾多的氣力都係徒然。
不過如果真係等的話，你要有心理準備要浪費很多青春
去等。其實你可以試下大包圍，識下其他異性，同佢地
相處下，去 prepare 下一段戀愛的。雖然一開始真係幾難
接受到，但可以慢慢來。
咁其實講到 sociable 呢樣野，好老實講一男一女單獨約會
又唔代表係Ｄ乜，就算係普通朋友都可以單獨約會吧？
我都識一個同學 (同佢唔太 friend)，佢份人都幾 sociable，
同其他男同學攬頭攬頸咁，不過佢係有男朋友的。
所以我又唔覺得同異性單獨約會係咩大事。 我都認同唔應該叉隻腳埋去~~
你鍾意個女仔都想佢幸福快樂,又何苦要個女仔為難呢!!?
當然未必可以一下子放棄啦,
所以我覺得最好就係畀個底線自己,
例如等到年尾都無進展就算喇!!!
我有幾個女仔fd都好sociable,
未拍拖之前不時分別約佢地單獨去行街,食飯,打波,睇戲,
煲電話粥,佢地偶然會翹下我隻手,亦試過去旅行時同房~~
當然有樓主所講齊齊第一次去買六合彩,遊叮叮河,送返屋企...
(宜家佢地有男朋友,我有女朋友就無喇:$,只會間中傾電話)
雖然不時有人傳我鍾意呢個,追緊果個,(講到我鬼咁花心...:L)
但我地都好清楚大家只係好朋友關係,
佢地唔會刻意覺得我係異性就有所避諱,
對我好信任,就好似對同性朋友咁!!!
所以我唔排除個女仔只係當樓主係好朋友,好知己...不妨睇定d!! 哈哈, 我好耐都無「出山」啦 ;)
呢d似係似唔係的感情, 其實好危險
貿貿然進取的最後結果可以好大劑
唔咪話乜野, 而係因為大家都尷尬
同埋表左白之後如果唔ok, 第日真係好難再相處
戀愛唔咪話「大方」就「大方」, 你估方力申就一定大方?
我最近有個女仔朋友
她係有男朋友的
點知有一排她們關係極差, 分手邊緣
有日她竟然同我講話想嫁俾我
果陣時她唔知我的戀愛狀況如何
然而因為當時的氣氛同語調太認真
大家後味都無言以對
結果宜家大家關係即刻疏晒
我又唔好意思, 她就更加唔好意思
我覺得你可以再知多少少先
唔咪話「拖」
祝你好運, 食飯先
:) 認同2ac的講法，
其實你同佢本來係點樣的關係，
到依家都好難弄得清楚，
所以不如好好咁維持住現在的朋友關係啦...
咁反而大家會開心一點。 原帖由 fokck 於 2006-7-5 10:03 發表
感情問題：自己已經對佢有好感，但佢有左男朋友
大家好！好耐無上過黎呢度問野喇 =)
話說我響去年某個由某大學搞既 summer camp 識左位 A 小姐，
佢同我同年，但唔同學校，佢讀左十幾年女校，同我今年都 ...
一次生,兩次熟,三次就.............好似撬車咁撬!
拍拖呢樣野,睇開D就手到拿來啦... 原帖由 FBI2 於 2006-7-8 20:34 發表
一次生,兩次熟,三次就.............好似撬車咁撬!
拍拖呢樣野,睇開D就手到拿來啦...
er...睇你點睇啦
我個人始終唔贊成做第三者 原帖由 JX9097 於 2006-7-8 21:18 發表
er...睇你點睇啦
我個人始終唔贊成做第三者
我做第三者和感情有第三者都試過,很明白'戴綠帽'那種難受程度.
因此,我將感情看得很開,亦因此桃花係咁來.
頁:
1
[2]