tzuyu.taiwan 發表於 2019-9-30 09:15
所以話呢類雙接駁線一大弊病係脫班常現
原因係呢類雙接駁線屬流水線的一種，中途每個站都有上落客。
尤其是如果這類線是途經的地方是學校林立的屋邨，
一到上課下課繁忙時間就容易脫班，樓主講那三條線就係咁既情況。
以源和路為例，該條街計埋IVE有近10間學校，一到返放學時間就人山人海，
加上該條街亦是運動場和泳池的所在地，搞運動會時的情況仲嚴重d。
S3bl430 發表於 2019-9-30 10:07
其實80/81/83/88k出現左30幾年，沿線需求早已有所變化，趁顯徑站開通，應該要再執過堆線，依家明顯地80k/88 ...
沿線需求變化乃適齡的學童減少，以致上學通勤人數減少。
而8、90年代出世的人亦已長大成人，多數都去市區上班，
所以區內K線既客量減少，需求不及九十和千禧年代。
加上馬鐵通車和兩鐵合併先後出現，兩鐵合併後原九鐵經營的路線都加設學生優惠，吸引學生轉軚。
在這些因素影響下，區內巴士的需求減少。
執過堆線是需要，問題係點執先至影響最細呢？
(完全無人受影響係無可能)
先分析你講那四條線的服務範圍：
80K：第一城(銀城街)、源和路、沙中、美林、大圍、新翠隆亨
81K：穗禾苑、火炭(火炭路、山尾街)、源和路、沙中、沙角乙明博康、秦石新田圍
83K：黃泥頭廣源、小瀝源、第一城(小瀝源路)、大涌橋路(富豪、河畔)、沙中、源和路、第一城...(因為是循環線)
88K：顯徑隆亨新翠、大圍、美林、沙中、源和路、火炭(樂景街、火車站)
呢四條線中，大家既有自己的客源做緊，但同時有部分路段又做緊同一客源，例如80K和88K來回程係源和路至新翠/隆亨的一段、80K和83K回程沙中至第一城那一段等等。
而部分看似有獨市位的路段，實際上又有其他路線做相近既野甚至是有競爭關係。例如83K係去程係有小巴65A競爭(路線90%一樣)；沙中去秦石新田圍，81K和282做緊同一樣野(多數都係282，除非係好運中心一帶，一田就一定282)；沙中返博康，81K和288又係做相似既野(呢個就睇出發地點，一田應該都係288多，新城市一期和好運就81K，回程大家都係停正沙田圍馬鐵站門口；論擠迫既話，288係迫d)；將來火炭駿洋邨入伙，九巴又將會開辦285落沙中，又係同81K做緊相近既野(最少山尾街係)。
JF6839@88K 發表於 2019-9-29 11:26
試過係沙市呆等成粒鐘先有車
我見唔對路會行去乙明搭803/804