671 中午出九龍
近來搬左入黃竹坑做野，幾次1300-1400時段搭車入去，香港仔隧道站前見到對頭671出九龍，係真係吉。係連$2客都無。671係咪客量懸殊得咁緊要？相對171好似開左南港島線後，影響比想像中輕微。朝早171A/P 無乜機會親眼見，想問下師兄呢兩條現在客量如何？謝謝
671 係觀塘道上車，就算唔塞車，都坐到斷頸先到海怡半島，試問邊個仲會搭佢？ 671 客量一向都咁飄忽, 無論係繁忙時間定非繁忙時間都係, 成日見到晏晝出九龍就成日滿, 但相隔30分鐘嘅下一班, 就吉車遊街, 都要睇下佢執雞食唔成功, 如果繁忙時間619/601 班班持續爆滿頂閘飛站， 671就可以執到好多雞， 甚至乎頂閘，非繁忙時間就一向都咁低， 所以城巴好少派12米畀671 671下繁去九龍頂閘係正常，多人喺藍田站落車
至於速度問題，呢度討論過，就算改走線都唔會快幾多 唔同時段冇番咁上下固定客源, 671南區客都唔會多得去邊, 南港島綫通車一回事, 香隧出灣仔有塞車風險, 都幾影響客量, 放工啲人唔想企足全程鐵就會搭671, 就算塞車都會搭, 樓主講嘅時段九龍往港島客量反而係唔差, 通常城巴出95系坐得滿窗口位, 好大程度九龍東返南區/過北角 銅鑼灣有客源基礎, 而且少塞車. 非繁的客源係銅鑼灣至北角一段。
dennis28a 發表於 2019-12-12 22:49
671 係觀塘道上車，就算唔塞車，都坐到斷頸先到海怡半島，試問邊個仲會搭佢？ ...
試過星期日由四美街搭到海怡商場，全程無塞車，車程係一粒鐘兩個字，問心真係抵坐，起碼平過鐵。;P
飄忽執雞就係，有時未必非繁吉車。
有次非繁時（下午4時左右）我坐佢由東隧廣場落北角，要罰企。
頁:
[1]
2