leo_ku 發表於 2020-2-23 19:35
真是想問下呢班人，究竟出少陣街係咪會死？
上星期四去大澳，人流仲好過假日
106116_1023 發表於 2020-2-24 00:50
會唔會有人在新娘潭坐入去烏蛟騰再坐番出大埔？
因為出大埔唔停新娘潭
尋日唔少人仲以為新娘潭係總站,照上左車,之後去到烏蛟騰唔落車,總知就情況混亂
新任北區區議會主席亦有在場視察,佢話會聯絡九巴解決新娘潭回程無站同唔夠車既問題
其實仲有唔少人係知道275R延長左去鳥蛟騰特登入去果邊欣賞大東北,
另外正如版友所講唔少人以前係烏蛟騰因為等唔到小巴而行上新娘潭上275R,
不過尋日九巴都有加開班次,正常無咁密車,由8點半頭車開始到12點每班車都係爆滿入烏蛟騰,
我咁耐都係第一次見,以前係新娘潭頂盡10點鐘左右已經開始少人
n281 發表於 2020-2-24 15:35
上星期四去大澳，人流仲好過假日
冇辦法啦, 典型香港人係咁, 香港人又多, 當大家諗有疫情又有假期, 梗係去郊外行吓, 當一個人咁諗, 一百人又咁諗, 一萬個人又係咁諗嘅時候, 傳統郊遊地方一定多人過市區.
我自己繼續無間斷推輪椅長者人士周末出街, 前日去郊區, 由錦田市行去峻巒, 沿錦田河畔行足一個鐘, 車又少, 人仲少, 入到峻巒售樓處有人強制度體溫, 大廳極少人, 涼完食完嘢走人, 全程輕輕鬆鬆, 有太陽曬, 有靚河景, 但冇人享受.
上周六去九龍公園, 坐喺太極園除低口罩用wifi更新手機, 坐左大半粒鐘頭, 夾埋十個人都冇, 之後繼續行公園, 就好似冇疫症時行山咁少人, 喺噴泉停留左15分鐘, 期間得5個人行過, 泳池關閉, 門口除左麥記多人食嘢, 同埋旁邊花圃工人之外, 人流極稀疏.
行完公園落地鐵站行過去K11 MUSEA, 靜過乜, 由星光大道行番入梳士巴利道完全冇人.
再之前個禮拜由灣仔利東街行去金鐘夏慤花園, 不知幾安全, 利東街fusion冇人搶米搶麵搶消毒用品, 推住輪椅行太原街完全冇難度, 又唔阻人, 坐喺修頓睇打波, 再沿電車路行去警總旁邊夏慤花園, 用window shopping速度去行, 非常舒服, 花園入面更加少人, 賞花賞鳥拍照打卡完全冇人騷擾, 空氣異常清新.
再數多一兩個禮拜, 2月2號去鯉魚門, 1月27號去大埔梅樹坑, 兩地都係有山有水, 有花草樹木, 但人流又係唔多.
其實各區大小公園遊樂場都唔係多人用, 我又唔明啲人點解淨係諗去郊外聯誼, 即使聚餐有風險, 買啲嘢食喺公園坐一兩個鐘一樣得, 在外用餐都唔係咁得人驚.
RH7685 發表於 2020-2-24 14:58
空曠地方唔需要用口罩主要係因為周圍都冇人
但尋日個情況大帽山 烏蛟騰 魔鬼山直頭旺過旺角
上落山都要 ...
可以唔講嘢, 但唔可以唔呼吸, 行山有時就係要用口呼吸, 你前面用口呼吸, 有水氣呼出, 即使後面用鼻呼吸, 一樣有機會吸入細菌.
所以呢個時勢結伴行山係有益身心, 我有保留.
去旺角行街仲小人過去行山
EX-TL 發表於 2020-2-24 16:42
冇辦法啦, 典型香港人係咁, 香港人又多, 當大家諗有疫情又有假期, 梗係去郊外行吓, 當一個人咁諗, 一百人 ...
尋日坐的士,的士佬話上大埔公路松仔園都要塞車,佢話開左幾十年的士,吐露港開左都未見過大埔公路上面全部私家車係道等車位整到塞車
另外275R點加班都冇用,汀角路塞到痴晒線,有司傅話下午一單75K要塞成2個鐘,更唔好話275R只用得單層, 大家行同一條路...