大家嘅愛線係乜，同埋搭得多唔多？
我有三條巴士嘅愛線，分別係6（只限不經馬坑班次）、6A同73。前兩者我以前都間中會搭，喺繁忙時間金鐘入赤柱會盡量搭返6同6A，因為快過6X好多，但係近期就幾乎無搭過啦。而後者73已經成為咗我嘅終極愛線，除咗因為佢入赤柱唔經馬坑之外，佢嘅車費係赤柱路線之中最平，而且有大量特平雙向分段收費。我而家去赤柱會搭73、去淺水灣會搭73、去深水灣會搭73、去黃竹坑會搭73、去香港仔會搭73、去華富會搭73、去數碼港都會搭73。大部分要喺南區嘅日子，我喺區內搭巴士都係搭73。喺南區整兩個地方，我大多數情況都係搭73。要來往區外而又無直達車，就搭73喺香港仔隧道口轉車。尤其係南區往區外，73嘅短途分段，赤柱往黃竹坑新圍$4.9、淺水灣往黃竹坑新圍$2.9呢個超抵價已經可以令我唔考慮其它任何路線，見到收$8.9（赤柱起）／$7.3（淺水灣起）嘅專綫小巴52從來唔會上。
我搭73越搭越多，而家一個月已經搭成超過20程，而且預期重會增加，以而家嘅情況計，一星期搭8程應該走唔甩，有部分日子甚至可能一日4程73，全部都係分段收費。
73來往數碼港同赤柱幾乎係直達，入一入華富同行出面相差唔遠，而我另外兩條愛線6同6A亦都係直達線。由中環入赤柱，最短直接就係行6同6A嗰條路。
頁:
[1]