綠的服務範圍（馬料水？科大？）
喺運輸署網頁，綠的服務範圍冇特別另外寫沙田區嘅馬料水（中大 大學站 科學園）：https://www.td.gov.hk/tc/transport_in_hong_kong/public_transport/taxi/details_of_taxi_operating_areas_/index.html
但睇返wiki,綠的係可以服務沙田區馬料水嘅所有部份（包括中大同科學園）：
https://zh.m.wikipedia.org/zh-hk/香港的士
想問問咁綠的係可唔可以服務中大 大學站同科學園，係改咗例定點？點解運輸署官網冇特別寫？位於沙田區嘅大學站巴總直情有綠的站。
另問，科大係咪都屬於綠的範圍？只係因為冇咩肉食所以綠的先少入科大？
因為睇完運輸署將map (https://www.td.gov.hk/filemanager/tc/content_449/taxi%20boundary%20map%20201911%20chi.pdf)覺得唔夠仔細，要另外睇區議會分界map先估到係定唔係
374E附表7又剩係得文字冇地圖 (https://www.elegislation.gov.hk/hk/cap374E!zh-Hant-HK)， 好唔user friendly
本帖最後由 clivetock 於 2020-4-12 14:17 編輯
睇返374E附表7
(d)《區議會條例》(第547章)附表1第II部所劃定的沙田區之內的以下道路 ——(2005年第58號法律公告)
(i)大埔公路，以及由大埔公路與沙田路交匯處以北的大埔公路通往其他地方的區內通路，但不包括九肚山路及將大埔公路與源和路連接起來的2條連接路；
(ii)吐露港公路，以及由沙田馬場附近的吐露港公路與大埔公路的交匯處以北的吐露港公路通往其他地方的通路；中大、大學站同埋馬料水都入得
(c)《區議會條例》(第547章)附表1第II部所劃定的西貢區之內的以下道路 ——(2005年第58號法律公告)
(i)將軍澳新市鎮以外的所有道路，但不包括 ——
(A)飛鵝山道；
(B)清水灣道在它與新清水灣道的交匯處以西的路段；
(C)安達臣道；及
(D)由安達臣道在它與清水灣道的交匯處以南的路段通往其他地方的所有道路；及科大一樣得
咁點解運輸署官網（https://www.td.gov.hk/tc/transport_in_hong_kong/public_transport/taxi/details_of_taxi_operating_areas_/index.html）冇特別寫出嚟？
事關係我朋友無啦啦問我，話之前中大 大學站有特別寫出嚟，因為佢哋屬沙田區會另外寫出嚟，但而家唔知點解冇咗，所以佢問我係咪改咗例..... hp8961 發表於 2020-4-13 01:49
咁點解運輸署官網（https://www.td.gov.hk/tc/transport_in_hong_kong/public_transport/taxi/details_of_t ...
有關新界及大嶼山的士許可地區的詳細資料，已於香港法例第374E章《道路交通(車輛登記及領牌)規例》附表7上列明。
呢句咪講咗睇詳細資料喺邊到搵
itkenchau 發表於 2020-4-13 02:08
呢句咪講咗睇詳細資料喺邊到搵
我知，我嘅意思係點解冇好似其他地方咁（eg 馬鞍山區）寫「馬料水」出嚟。
因為我朋友話之前好似有寫出嚟，唔知點解而家無啦啦delete咗定本身冇。
就算本身冇，我都覺得應該起碼要寫「馬料水」，以代表中大大學站科學園等地方。因為嗰一版係summary,當然唔會咁仔細,但係起碼要列個地區下話？
頁:
[1]