華富邨巴士總站站坑問題
華富（南）巴士總站有3條坑加路邊站。1坑俾4同4X用，2坑俾42C、48同91A，3坑俾42，路邊站俾7、40、40M、40P、41A。點解42C唔同42放埋一齊，而要入2號坑？我見到當有42C到站嗰陣，站長要叫原本排42嗰邊嘅人過隔籬坑上車。42同42C共用車隊而且行聯合班次，照計應該放埋一齊無問題啦。至於7嘅服務時間係喺4之前，點解又唔將7放埋入4嘅站位？除此之外，後面有個中途站叫華富邨華泰樓，而家有33X、43M、48、73、94A、170、N170、970同A10使用。由此可以見到，48係停哂呢兩個距離極近嘅站，點解48要咁停，但係其它區內線43M、73、91A同94A又唔咁做？而91A更加同94A唔同站位，咁咪對要去鴨脷洲嘅乘客不便。
至於華富（北），73P又放咗喺路邊站，而唔係跟73一樣要扭入坑去數碼港。我睇返巴典歷史，以往2013年前73的確係同73P一齊放路邊站，而家73嗰條坑係俾M47用。點解調坑嗰陣將73同43M互換位置之後，又唔將73嘅輔助線73P一齊擺埋入坑？
1. 42坑經常泊滿兩架車，基本上42C唔可能入到，即使強行將個站牌插喺42坑，到時架車都係要入返中坑或者路邊上客
2. 至於7號服務時段，無記錯嘅話本身華南夜晚都要用嚟泊車，而且7號果班車只係早4號頭車5-8分鐘左右，又係唔可能入到站
3. 48華南嘅站係後期加嘅，無記錯改路之初無安排呢個站，但因為商場附近果幾座同埋華貴都突然無咗架車，所以先會隔咗兩三個月補返呢個站
4. 73P服務嘅時段，73係喺華北開出，所以又係入唔到坑
73P服務嘅時段，73應該已經啱啱過咗最後一班華富做終點嘅班次，之後已經係數碼港做總站，所以亦都唔應該出現入唔到坑嘅情況。另外，赤柱總站6A係中途站，但係多年來都同總站線6、6X同坑。 miklcct 發表於 2020-4-15 19:11
73P服務嘅時段，73應該已經啱啱過咗最後一班華富做終點嘅班次，之後已經係數碼港做總站，所以亦都唔應該出 ...
73朝早華北尾車係開8點，73P要喺8點後去到華北先可以入到呢條坑而73P講緊深灣開0725同0735，當佢行慢D，用20-25分鐘車程先去到華北（實際應該15分鐘已經去到），都只係尾班車啱啱好入坑而唔會畀73頂住，前題仲要架車真係慢到25分鐘先去到華北（官網指73P總行車時間約22分鐘）
至於6、6X嘅例子我諗係講緊42、42C，我唔太熟赤柱總站嘅運作（呢個站真係太亂:P），但係我相信赤柱嘅運作好難套入華南
通常42後車入站，前車係未開嘅，姐係同時間係兩架車泊緊坑，即使我當有一架車調咗去42C，站入面都仲有可能有架車喺度塞住，與其要考慮架42C點先趕得切喺前車入站前到，咁不如放喺隔離坑
其實樓主講呢幾個情況，我諗巴士公司都有考慮過，正路緊係將同一方向嘅放埋一齊啦，但呢個安排似乎係有細心研究過呢幾條線嘅實際運作
珀島魚蛋 發表於 2020-4-15 22:29
咁M47取消前73朝中華北入赤柱早咗到擺邊?
好似係跟970出域多利道 轉右擺而家落山方向果個站
miklcct 發表於 2020-4-15 19:11
73P服務嘅時段，73應該已經啱啱過咗最後一班華富做終點嘅班次，之後已經係數碼港做總站，所以亦都唔應該出 ...
係呀 0715赤柱村係往華北尾車 下班落數碼港
但0715呢班係華北開0800,即係尾車嚟呢
73P開0725 0735 慢極都係0738－0750過晒華富北
準巨你教我係咪咁都入到坑啦
珀島魚蛋 發表於 2020-4-15 22:29
咁M47取消前73朝中華北入赤柱早咗到擺邊?
M47總站喺華北總站對面，記憶中由80年47縮短到華富果陣已經泊站外，應該係因為班次比華北各線都少，泊街對其他車影響微
頁:
[1]
2