康寧道、觀塘道交界燈位問題
請問觀塘道西行（近駿業里巴士站）與康寧道交界果個位，既然觀塘道4線都係向前，而康寧道又只有兩線轉右，係咪有必要4線都停果枝燈呢？如果其中假設最少2條線可以直行（唔入燈位），駿業里個巴士站應該可以拉長D，唔知對觀塘道塞車問題有無幫助？
咁改嘅話大部份車就會想用左邊兩條線去直行，變相後面四條線會收窄去前面兩條線，最後可能仲係繼續塞車，情況無改善到。
假如左邊兩條線改做直行無燈巴士線嘅話，巴士未必多到令吉出嚟嘅左二線有太大分流作用，變相車龍入面佔多數嘅私家車需要收窄到右邊兩條線，最後又係會繼續塞車，問題甚至會加劇。
相信有關部門都諗過呢個問題，咁多年都無做到應該都係覺得對改善塞車無太大作用，反而四線改做直行而唔畀車轉右入康寧道對改善塞車有更大幫助，所以而家已經做咗。 駿業里巴士站路線, 大部份都係大老山 屯門 元朗 嶼北路線, 應該揀一D路線唔停駿業里, 改停前少少的創紀之城九龍路線巴士站, 跟61R 671同站.
例如89C 89D 252X 258P 267X 268A 268C A22搬前, 駿業里依然有大老山 欖隧 機場線, 而家有ETA, 可以睇定邊架車到站, 先決定行去邊個站上車.
咁樣搬完之後, 去第一城 馬鞍山 元朗已經肯定係去創紀之城6期等車, 做到分流駿業里巴士站人流同車流, 特別係條車海級89D, 可以改落隧道, 無論對乘客 巴士公司 其他道路使用者(包括行人和駕駛者), 一定係德政.
以上61R 671「創紀之城」巴士站正名為「創紀之城6期」.
跟住, 14X搬前去跟1A同站, 14 15搬前去跟93K同站, 11D取消停創紀之城, 有駿業里同牛頭角站就夠, 令原本站位唔駛咁逼.
89C 89D原本創紀之城站, 同74X 74E 74F 74P 274X交換, 拉番勻個站距.
當74X移後至創紀之城1期, 上客後就可以跟296C上橋去定富街, 勵業街燈位都慳埋, 而89C 89D就改停創紀之城6期同美亞, 站距同而家差唔多.
如果駿業里入第一城 馬鞍山 元朗有客唔想行多一個站位, 原站搭80X 83X去大老山或者69C 269C去大欖隧道轉車, 都可以去到目的地, 唔需要再同一區路線停同一個站.
康寧道轉落觀塘道車速可以好高, 特別係不久將來裕民坊取消後, 由物華街直衝落黎, 巴士 小巴無論轉左轉右都係靠晒呢個路口, 有咩冬瓜豆腐就好麻煩! 本帖最後由 ViviTse 於 2020-7-13 19:08 編輯
EX-TL 發表於 2020-7-13 17:26
駿業里巴士站路線, 大部份都係大老山 屯門 元朗 嶼北路線, 應該揀一D路線唔停駿業里, 改停前少少的創紀之城 ...
話時話，89D其實係經觀迴，定係經下通道？
印象中officially係下通道(wiki好似咁講?)，但見唔少司機都行觀迴（可能易埋站D）
ViviTse 發表於 2020-7-13 17:38
話時話，89D其實係經觀迴，定係經下通道？
印象中officially係下通道(?)，但見唔少司機都行觀迴（可能易 ...
駿業里巴士站, 89D及後面的站位, 官方路線係行迴旋處, 只有80X 258D A22站位可以落隧道, 偷雞另作別論. ViviTse 發表於 2020-7-13 17:38
話時話，89D其實係經觀迴，定係經下通道？
印象中officially係下通道(wiki好似咁講?)，但見唔少司機都行觀 ...
從某車長聽返黎，簽紙係返新界係行迴旋處的，官方走線啊！落隧道係車長追時間啊！車長自己孭鑊的 回個正題：
問題係好近就有巧明街分岔路，然後唔遠處會分開成勵業街、7幹天橋同5幹天橋
如果照樓主所說左兩線變成永久通行線的話，康寧道轉出嘅車將會需要好段距離穿過唔會停嘅觀塘道左兩線，先去到巧明街。而呢啲車越遲切線，就越容易擋到觀塘道左二線。而當巧明道都塞車嘅話，咁果段觀塘道西行基本上癱瘓。到時康寧道想過交通燈都唔得，因為燈後都係塞。而當時嘅觀塘道左二線都想食燈都好行7/5幹天橋都好都過唔到康寧道想去巧明街/勵業街啲車，然後塞埋落裕民坊等等。
好，當你畫下線唔俾康寧道去巧明街，依然有康寧道想去勵業街同觀塘道想去7/5幹天橋嘅車嘅衝突。咁叫weaving，就好似龍翔道西行同窩打老道之間嘅衝突，一條點線要同時處理康寧道去勵業街同觀塘道去7/5幹呢兩個高車流量嘅走法。當你呢個境界右邊又有車想去左邊，左邊又有車想去右邊，基本上後面都會慢車。結果因為車流量多，康寧道又塞返去燈位，觀塘道又慢車，結果都係不如跟返而家咁好過。而且你想將康寧道去巧明街推落迴旋處嘅話，結果都係加劇迴旋處，而又要同APM停車場車龍爭路 本帖最後由 DIH 於 2020-7-14 13:17 編輯
會唔會索性唔畀康寧道右轉觀塘道重好，有關車輛改經牛頭角道及雅麗道，觀塘道來回都可以少一支燈。
同時，西行近迴旋處一堆站，盡量改經隧道或塞入APM。
DIH 發表於 2020-7-14 13:09
會唔會索性唔畀康寧道右轉觀塘道重好，有關車輛改經牛頭角道及雅麗道，觀塘道來回都可以少一支燈。
同時， ...
康寧道至雅麗道一段牛頭角道肯定食唔到咁大量車流
完全唔可行
DIH 發表於 2020-7-14 13:09
會唔會索性唔畀康寧道右轉觀塘道重好，有關車輛改經牛頭角道及雅麗道，觀塘道來回都可以少一支燈。
同時， ...
重建完成，裕民坊全封，物華街三線落山，將來全個協和街落創紀車流塞晒去依個路口。