053h4 發表於 2020-7-15 09:18
1570定理，即使新城爛在骨子裡，只要九巴有一個反例子就要大書特書，想表現新城兩大巴士服務集團最好個間 ...
識得抄吓人哋點樣出POST，叻仔:victory:
無呀..見你講到新巴甩班10分鐘就好似「如獲至寶」咁，咁我咪又係問吓你依啲50分鐘嘅班次，又睇吓閣下有咩睇法姐...
同埋呢...彌敦道佐敦道放工時間塞車是常識吧...
但我真係睇唔到早繁過後有咩原因可以令到一條線做到50分鐘一班囉..
仲要係喺自己地頭開出嘅線啵...
灣仔甩我都仲諗到拉唔到車過去姐...
幫你諗埋原因：屯門公路朝早塞車嘛...
係WOR...但，依段時間嘅車正常08:30前就一定要私牌喺灣仔入嚟，載客嘅話就更早添，
即係分分鐘07:00就已經喺山景開緊出灣仔啦...
當日屯門公路07:00-08:00之間無意外紀錄，所以真係唔可以賴落依個原因到囉...
我立場一向都唔認為新城係最好:lol:lol只不過如果要對比的話，新城喺某啲方面又真係比起九巴做得好嘅... 053h4 發表於 2020-7-15 09:34
唔知你係咪滿意九巴服務啦，你好似住960/961服務範圍。
可能係為免九巴優質服務流向其他地區，咪無視新城 ...
首先第一樣嘢啦：唔滿意九巴服務嘅人都為數不少啦，依點絕對係事實嚟嘅！
其次，其實住邊區又真係無乜關係，閣下都唔係住屯門區啦，咪又係成日喺度「指手劃腳」、「說三道四」囉...
再者，九巴服務優質嘅話，咁理論上應該都會有好多支持者喺依度出嚟撐你架，
但，睇咗咁多篇文，撐你嘅人真係「寥寥可數」啵，
點解呢？點解呢？
交咨會數字嚟講呢，其實只供參考，
我之前都講過，搵區議員投訴就一定有用過交咨會..
區議員大鑼大鼓落去數車，巴士公司即刻開足數，
交咨會？唔知要等幾耐先可以開到FILE做嘢呢...
一間公司蝕錢，仲要蝕足三年，都仲可以履行承諾去服務市民；
反觀一間公司賺錢賺到盡，但就可以因為一句「保留實力」就反口覆舌，
喺唔通知政府及市民嘅情況下瘋狂減班，
依啲公司咪又係得啖笑囉！
閣下又有冇正視過依啲問題呢？
我唔係如獲至寶，只係突顯閣下「雙重標準」姐...
可能嗰位係你家人，所以等多十分鐘就覺得心痛我當然完全理解，
但當唔係你家人，而等車時間係10分鐘嘅四至五倍時，你就真係認為毫無問題？
頁:
1
[2]