eternalflame 發表於 2020-8-4 02:49
我仲以為發展模式係講緊規劃去到落成係點樣添
你講嘅係交通模式同安排喎
愉景灣一開始就只有渡輪同區內巴 ...
不過新地規劃同發展珀麗灣果陣，唔知有冇參考過愉景灣？當時新地應該係打算將馬灣/珀麗灣發展為類似個愉景灣既小社區，因為而家睇落，兩者都似似地，但交通卻差天共地
本帖最後由 VA73@2A 於 2020-8-4 12:57 編輯
E500facelift 發表於 2020-8-4 05:26
不過新地規劃同發展珀麗灣果陣，唔知有冇參考過愉景灣？當時新地應該係打算將馬灣/珀麗灣發展為類似個愉 ...
愉景灣個發展除咗因為喺一個好大嘅平地發展,冇其他外人(例如原居民)住之外,佢d商業設施嘅設計都只集中喺碼頭同北邊,變相居民如果要去買嘢,就一定撘一程區內巴士落去,所以愉景灣淨係做區內巴士生意都已經發
相反,馬灣除咗有原居民住之外,珀麗灣只係發展馬灣島嘅其中一邊(珀麗灣+馬灣公園),商業設施亦都係屋苑範圍,珀麗灣居民同原居民根本可以行過去,唔使撘車去
只能夠講珀麗灣個設計只係似一個屋苑多個似一個小鎮
如果要改善珀麗灣既交通服務質素，外判可行？如船外判比港九小輪、巴士外判比冠忠or其他非專利公司，但唔介意左手交右手比陽光，始終珀麗灣客運服務差左d
E500facelift 發表於 2020-8-4 13:04
如果要改善珀麗灣既交通服務質素，外判可行？如船外判比港九小輪、巴士外判比冠忠or其他非專利公司，但唔介 ...
外判渡輪當然可以考慮,話唔定可以俾宜家可以提供好嘅服務
至於巴士方面,珀麗灣巴士以低地台、可以企人為主,以非專利巴士黎講,無一間可以做到珀麗灣嘅規模,如果新公司全部巴士都係用旅遊巴,只會有新問題出黎,外判巴士就有保留
發展商不同
完。
（馬後炮）當初政府起東涌綫時應該喺馬灣預留車站結構囉！
VA73@2A 發表於 2020-8-4 15:40
外判渡輪當然可以考慮,話唔定可以俾宜家可以提供好嘅服務
至於巴士方面,珀麗灣巴士以低地台、可以企人為 ...
新公司可以接手埋原珀麗灣車隊，另外如果由港九小輪做珀麗灣船，亦可以要埋果四艘船
E500facelift 發表於 2020-8-4 16:20
新公司可以接手埋原珀麗灣車隊，另外如果由港九小輪做珀麗灣船，亦可以要埋果四艘船 ...
港九小輪應該唔太想接
如果唔係2005年會賣晒d股份俾九巴控股(載通)
交通服務質素純粹係將貨就價。愉景灣肯俾多啲錢咪服務好，珀麗灣堆客又要馬兒好 又要馬兒不吃草，蝕本生意邊個想做
吳宗錡 發表於 2020-8-4 16:18
（馬後炮）當初政府起東涌綫時應該喺馬灣預留車站結構囉！
請問點留？青嶼幹線既設計係冇可能中途整一個分站