天水圍去房委會總部
本帖最後由 AVBWU291 於 2021-1-16 20:00 編輯平日，由頌富商場(T Town)出發，朝早十點左右到房委會總部，請問點搭最好？淨係去一次半次，亦冇任何巴士/鐵路月票
265B轉18
265M轉268X旺角轉九巴8
269B尖咀轉九巴8
輕鐵、西鐵，紅磡轉小巴
全程鐵路，何文田站行過去/再轉小巴
搭單問下，旺角落車行上去可唔可行？
先謝各位
若果唔怕行，旺角站或紅磡站往房署總部大約4個圈(1.6k)左右。
正常20分左右行完，隨時快過等駁腳。
何文田站雖然較近，但計及額外地鐵車程及車站深度，
旺角站落車再行過去，仲快過甚至平過搭多兩個站去何文田。
小弟過去近二十年都要定期去果到公務甚至係返工，
絕少搭程駁腳上去，風雨天熱都不改。
講番正題，若交通暢順同想搭巴士，265B轉268X，
旺角站落車後沿亞皆老街，梭椏道，培正道步往房署。
仲可以路經公開大學拍九巴優惠站。
怕交通阻滯，不如西鐵到紅磡，再經大酒店及何文田站升降機步行上去。
唔想行可轉綠小8號，密車亦好少可塞車。
鐵路搭落旺角東站最近, 東鐵綫北行近車尾B出口, 行人天橋落染布房街轉亞皆老街背向旺角, 到油站轉入梭椏道上培正道.
巴士方面, 265M欖隧轉268X旺角站落車最快.
若然第二程轉68X 69X, 由西洋菜南街或旺角站步行至先達巴士站有2A到站, 可跳上2A享用免費BBI.
搭一個站嘉道理道落車, 行後過對面穿梭椏道上培正道. EX-TL 發表於 2021-1-17 15:45
鐵路搭落旺角東站最近, 東鐵綫北行近車尾B出口, 行人天橋落染布房街轉亞皆老街背向旺角, 到油站轉入梭椏道 ...
所以都係行上去好過搭車上去？
除非ETA顯示E21A好快有車, $3.5 OK嘅, 但18 41 45 小巴就no囉, 性價比問題, 行路直接, 巴士之字形咁行, 燈位又唔順. EX-TL 發表於 2021-1-17 15:45
鐵路搭落旺角東站最近, 東鐵綫北行近車尾B出口, 行人天橋落染布房街轉亞皆老街背向旺角, 到油站轉入梭椏道 ...
旺角火車站雖然比紅磡車站略近（步程差距只係二百餘米），
但同旺角站 vs. 何文田站一樣，轉多程車的時間，比行多呢段路的時間更多。
頁:
[1]