leo_ku 發表於 2021-2-18 09:38
你打咁大篇文為左講點解咁塞車之外仲有咩用？倒不如叫東九龍線盡快上馬，拉總站去西貢仲好啦。 ...
都係要分析返個原因和建議既利弊既，治本方法當然好似你咁講係起鐵路入西貢分流(隔離城市都一樣起緊地鐵入大小梅沙)，但等到政府研究完再上報中央再處理反對聲音再拍板再收地去起都唔知要等幾耐(呢度起碼要十年先搞到)。
冷靜少少，不如睇下武肺完左，
西貢又有幾多人先啦。
相信都依然會唔少人，但絕對唔會好似而家咁樣囉。
沙田站對出一段幹線
交通夠有問題啦,T4無影
係做緊擴闊但問心杯水車薪
水就抽完,有人話起鐵入西貢
最最最大限度都係西貢市中心
做總站啫,唔係想塞入北潭涌甚至
黃石碼頭嘛……咁匡湖居/科大應否
設站? 定係九龍直接穿山到西貢碼頭?
本帖最後由 AVW28 於 2021-2-18 10:27 編輯
要講起鐵入西貢，係架！講就好易，但鬼唔知阿媽係女人咩？我已經唔講交垃圾會討論呢部分，因為要拗都可以好多野拗。撇開錢既問題，定線可以拗一大餐(馬鐵延線vs東九龍線vs將軍澳線延線 etc.)，設站可以拗一大餐(如淨係西貢市中心，定係中途整埋科大、匡湖居、或者泥涌、企嶺下等等)，一抽用幾多卡車又可以拗一大餐(好似輕鐵咁2卡 vs 南港島線咁3卡 vs 初期馬鐵咁4卡 vs 市區線8卡 vs 甚至火車9卡)，甚至連鐵站出口的位置都一樣可以拗一大餐。過往又唔係無例子！(見沙中線)
(唔好意思！離哂題了！)
leo_ku 發表於 2021-2-18 08:34
生態價值唔會因為有鐵有樓而消失，你唔講下沙田馬鞍山未發展那陣？
咁又離譜咗啲，沙田馬鞍山以前係咪好有生態價值就唔知，但而家應該冇乜，講緊新巿鎮部份
本帖最後由 iankerr 於 2021-2-18 12:35 編輯
改善交通其實唔係淨係得增加容量一個方法。
條公路擴闊完，
然後就更多私家車揸入去
結果就係繼續塞。
起鐵路然後引入更多人流
西貢居民又係咪真係想咁？
西貢一句多人交通差就要起鐵路，
咁長洲人潮迫爆船係咪就要起條大橋駁過去呢？
生態價值會唔會因起鐵起樓而無左可以討論，
但起鐵起樓然後更多人入去踩冧西貢就相信一定會發生。
（個人主張控制私家車數量多於一味擴闊/擴建道路網以改善交通）
AVW28 發表於 2021-2-18 09:30
你都講得岩，但問題係點解d人會集中哂落西貢市中心？呢個除左係習慣外，就係補給、配套和所去目的地的問 ...
擴闊條路只會助長更多車塞車
唔處理好車輛增長同公交優先，點起點加車都無用
本帖最後由 DIH 於 2021-2-18 12:51 編輯
西貢公路係會擴闊，不過唔知等到幾時：
https://www.hyd.gov.hk/tc/road_a ... s/6806th/index.html
每邊兩線已經會好好多，巴士小巴埋站唔使塞住後面，有壞車慢車可以爬頭，略為拉直亦會提升車速。正如南邊圍迴旋處至安秀道呢一段本身都唔會點塞車，當中一段清水灣道食晒西貢南北流量都冇事。現時該段路有塞車係來自南邊圍迴旋處匯線或西貢消防局，九龍段來自坪石。
天空之神 發表於 2021-2-18 12:40
擴闊條路只會助長更多車塞車
唔處理好車輛增長同公交優先，點起點加車都無用
...
我都明白，讀書時期地理科都有讀到點解決啦，不過講黎講去咪又一樣拉返去政府度。
班坐冷氣房既高級官員，個個唔係鐵路教教徒，就係有車階級，點會肯去限制私家車增長和搞「公交優先」？
搞得呢樣野咪等於搞到自己，呢十幾廿年都唔係無眼睇架！巴士配額制已經係咁！有乜理由繁忙地區實施配額制淨係限巴士先得架？
其他非營業車輛又唔見佢限？