搶車龔似乎搞到間城巴港島啲線亂晒龍
搶車龔破壞OD1，所以畀佢喺九龍新界搶車算。港島區就畀正常少少嘅梁孫偉管
運輸處就系吾想1間公司系1區獨大。但估吾到城巴會被賣回同一集團姐。港島變番1間做就無制平衡。
PK9394 發表於 2021-3-4 07:17
運輸處就系吾想1間公司系1區獨大。但估吾到城巴會被賣回同一集團姐。港島變番1間做就無制平衡。 ...
獨唔獨大係睇運豬署點管，就唔係睇係咪一間公司響一個區，多過一間公司反而係惡性競爭。
君不見以前港島鬥到塞哂車，依家九龍搞到有人無車搭，有車無人搭？當年城記賣翻比新創建整合資源其實對整個區都好，係白痴運豬署又要響九龍區製造混戰。時至今日最好就善水賣埋比老九做一次大整合，而運豬署就應該要執翻好啲監察制度同路線規劃。
GK3258 發表於 2021-3-4 08:09
獨唔獨大係睇運豬署點管，就唔係睇係咪一間公司響一個區，多過一間公司反而係惡性競爭。
君不見以前港島 ...
因為政府唔會比一巴獨大導致政府無左議價能力。
其實港島九龍同過海線比晒新城做，新界及新界出市區比九巴做，兩巴大致相同規模先最有利。
幾好呀,遲做好過唔做,不嬲整合資源先係最緊要
長遠睇都係要合併架啦
如果仲慢慢研究94A就死得啦zzzz
正如我之前都講過，
唔係當年新城鬥爭，
將軍澳同西九綫肯定係城巴負責。
依家正正就應驗咗我所講嘅嘢了。
LN9267 發表於 2021-3-3 22:43
近年他經常去新界那邊區議會答問題，就知道端倪。
龔生管OD2，所以去新界區會好正常。而家只係接手埋城OD1同新記喺新界、九龍嘅營運
但奇怪嘅係，港島咁細都要2個專營權，九龍新界咁鬼大就1個權做哂
AVBWU291 發表於 2021-3-4 09:06
但奇怪嘅係，港島咁細都要2個專營權，九龍新界咁鬼大就1個權做哂
歷史原因，當年為左整治中巴，政府將中巴26條線公開招標。
又為左避免壟斷，一早唔比九巴投標，而當時城巴係港島搞村巴反應又好，所以比左城巴。
到左95年，政府再將14條巴士直接比左城巴，再過3年直情唔續牌，將88條線公開招標，最後新巴贏左。
之後新巴城巴就係港島不斷用車海戰術搶客，搞到港島大擠塞，造成運輸署實施「配額制度」，限制左開新線既誘因。
可惜到左2003年，周大福收購埋城巴，同新巴同一公司，變相港島得返一個巴士專營權。
其實九龍新界都唔係九巴玩哂，將軍澳係新巴，啟德係城巴。