原帖由 914 於 2006-8-12 01:30 發表
講番66，66今時今日都仲有得救，不過真係要縮水去葵涌
似乎好多人都同意縮去葵涌，收7.8，靠平做番荃葵客。
雖然今時今日仲有人坐荃灣客坐66出九龍，
不過呢堆人其實俾晒59A都得既，
我提譏補番足晒d轉乘，
咁其實縮去葵涌，或者都有出路既。
既然講緊葵涌，我提議拉上葵盛西，因為葵盛至今
無任何轉乘優惠往新界西，66仲可以做埋
荃灣往葵盛既客，依家南豐中心，荃豐中心
呢兩個荃灣重要位置其實都係無車上葵盛的，
好多時在地鐵站果頭都要行番去沙咀道至有車
上葵盛，真係幾遠下。
至於點上葵盛，我提議過金龍中心後轉入興芳路，
跟37上葵盛西(即經埋東村)。回程則在葵盛西跟47x直出葵芳，
唔番東村，因為如果要經番東村，就要在葵興出，做唔番葵芳客。
原帖由 AV385 於 2006-8-11 23:50 發表
有d野轉車就係唔吸引,唔係使咩呢到要爭取條直達,個到要爭取要直達
有好多野都唔係用時間去做比較,當然搭車最緊要講時間,但方便都好重要,而且我唔覺得行下路會慢好多喎,向66未改經友愛前,我試過長沙灣66x同66一齊到,上66x向山景落左車都岩岩行過得完條輕鐵軌,望後面,部66都到啦,但我唔係想講話行下路快,或者呢個係個別事件啦...
我係想講一程車既吸引,近近地拎個深水埗做例子,部72由大角咀改去長沙灣有邊個人睇好,我都唔睇好,但而家呢,向長沙灣地鐵轉九鐵唔快過巴士,咁事實又點呢
又我冇話過66一定可以做到咁,但向一個資源唔係用多好多既情況下(係用多少少油),殺上去試下都無妨,唔掂咪落返黎囉,冇話冇人唔可以縮返短嫁wo,一日唔試過,邊個知結果,
睇落九龍塘係好似一個好少人既地方,但齋做下d學生,就已經夠回本啦,唔係齋講城大wo,附近仲有好多中小學嫁wo
不要忘記當時 66 有唔少車手, 我試過搭 57M 康都同部 66 吉偈水塘龍一齊由
葵芳出發, 果部 66 竟然仲快過我搭果部 57M 去到山景。果部康都行屯門公路
都係用 14 分鐘 (以一部極速得 ~70 km/h o既車算不錯喇), 屯門公路至山景亦
冇乜停過站同燈位。可想而知果部 66 快得厲害。不過呢兩年屯門公路o既巴士
速度漸趨「正常化」, 呢排我搭 66 在屯門公路o既車程快o既比一般o既係少不
足 1 分鐘。
72 果個例子我不太清楚, 不過我試過搭 72 由太和去長沙灣, 時間大約 55 分鐘。
東鐵由太和去九龍塘車程約 22 分鐘, 地鐵由九龍塘至長沙灣車程約 8 分鐘, 再
加上候車時間及轉車時間, 我估計由太和至長沙灣使用鐵路約需 40-45 分鐘。
從這個時間而言, 72 對太和的居民的確沒有甚麼吸引力。不過, 對 72 大埔區
沿線居民就有吸引力, 因為那些地方的乘客都要接駁一程車至東鐵站, 而且佢地
搭 72 的車程就少過 55 分鐘。
另一方面, 我上面提及 66 由又一城去屯門區第一個分站都要大約 1 小時, 更加
唔駛講到去更遠的屯門市中心、新墟、山景以及大興。雖然宜家有唔少屯門區
學生 (一般係大專生), 但係究竟有幾多人需要一程車直接由屯門往返九龍塘?
在上學時間, 我估都有一定數量o既學生會直接番學; 但係在放學之後, 呢個數目
就會大減, 部分學生去做 part time, 部分學生去其他地方逛街, 諸如此類...真真
正正在九龍塘直接番屯門o既人會比你想像中少得多。至於中學生數目我就唔清楚,
但應該不會多, 而小學生大多唔會搭巴士番屋企, 斷估學校都會安排校巴接送。
再加上車程上o既劣勢, 除了安定、友愛一帶o既居民以外, 其他地方都欠缺優勢,
66 延長至九龍塘一帶o既前景並不樂觀。
以現時朝早繁忙時間 66 接近坐滿的客量而言, 66 應該有一定的潛質去做好屯門中
至葵芳的市場。正如閣下先前的觀點, 只要佢執番好個班次, 佢要做番好並不困難。
再者, 在葵芳及九龍塘兩個地點取捨, 明顯地葵芳的客源比九龍塘為多。前往九龍塘
的乘客, 大多是學生客, 但前往葵芳的客, 就有一大堆上班一族、又有前往九龍塘的
轉車客。同時, 66 可以做地鐵接駁去抒緩 60M 的壓力, 讓乘客前往九龍塘及其他
屯門區的直線盲點。
原帖由 AV385 於 11/8/2006 23:50 發表
有d野轉車就係唔吸引,唔係使咩呢到要爭取條直達,個到要爭取要直達
有好多野都唔係用時間去做比較,當然搭車最緊要講時間,但方便都好重要,而且我唔覺得行下路會慢好多喎,向66未改經友愛前,我試過長沙灣66x同66一齊到,上66x向山景落左車都岩岩行過得完條輕鐵軌,望後面,部66都到啦,但我唔係想講話行下路快,或者呢個係個別事件啦...
我係想講一程車既吸引,近近地拎個深水做例子,部72由大角咀改去長沙灣有邊個人睇好,我都唔睇好,但而家呢,向長沙灣地鐵轉九鐵唔快過巴士,咁事實又點呢
又我冇話過66一定可以做到咁,但向一個資源唔係用多好多既情況下(係用多少少油),殺上去試下都無妨,唔掂咪落返黎囉,冇話冇人唔可以縮返短嫁wo,一日唔試過,邊個知結果,
睇落九龍塘係好似一個好少人既地方,但齋做下d學生,就已經夠回本啦,唔係齋講城大wo,附近仲有好多中小學嫁wo
你話轉車唔吸引，咁你係咪即係想66行曬整個屯門區先上屯門公路呢？
唔係的話咁咪即係大部份屯門居民都要搭一程車轉66先可以上到九龍塘啦..
咁咪即係同你所說的有抵觸囉
搭車唔係用時間做比較咁用咩來做比較呢？
車費？我轉東鐵平過你wor(有學生飛的話搭地鐵仲更加平)
一程車？上面咪講過只要佢肯行曬整個屯門區咪得囉
方便？我唔覺囉。說實在搭地鐵方便還是巴士方便呢？我相信以一個大學生/大專生來說，時間金錢遠勝於一切...人地搭地鐵有半價，點都平過你起碼$3.50的車費啦，請問66仲有咩地方係吸引呢？
你話想試下66殺上去，咁不如順便拉埋其他路線行曬整個屯門先上屯公啦，仲方便居民呀..
齋做學生客夠本？我唔覺囉，起碼九龍塘係兩鐵交匯，搭地鐵去66荃灣以南沿線都一定平過你搭一程66
仲可以點樣回本呢？