原帖由 SSBT 於 2006-9-9 18:30 發表
由粉嶺火車站行去祥華巴士站要八分鐘咁耐？！
東鐵一故障，
北區就冇乜車可以出到九龍，
交通癱瘓…
點解大埔墟至羅湖班次會係十分鐘咁耐架？…
北區無K _ _ S開?
叫人自己行返出去搭九巴?
原帖由 SSBT 於 2006-9-9 18:30 發表
由粉嶺火車站行去祥華巴士站要八分鐘咁耐？！
東鐵一故障，
北區就冇乜車可以出到九龍，
交通癱瘓…
點解大埔墟至羅湖班次會係十分鐘咁耐架？
一來有幾可故障成咁
二來仲有73/73A/70/270A, 雖然慢, 但係突發事故係要將就下架喇
為左一年冇幾次的特大故障而開巴士線,
微蝕的東鐵本地線唔係好承受得起,
始終北區係東鐵客倉,
冇咁一半北區客的話九鐵分分鐘要政府注資營運
正常東鐵呢個時段係4-5分鐘一班,
10分鐘一班算係咁喇
睇住香港鐵路故障ｄ班次都仲同墨爾本繁忙時間差唔多,
真係招人妒忌
不過antony 兄見到那班直通車在駛經太和站時也遇上麻煩
好像是死火
原帖由 sg 於 2006-9-9 20:37 發表
小弟今天又撞過正著,
我兩點係由馬鞍山想搭馬鐵出尖東,
到大圍轉車時先聽到有廣播話大學站北行電纜故障,
跟住就見到有架東鐵翻新列車埋站並如常運作,
直至紅磡, 列車入到紅磡站月台後就一直停係度停左超過 ...
根本就唔關尖東事啦
如果尖東站兩個月台都有車
紅磡P2北行又動不了
咁你o係紅磡P3班車又點會落到尖東呀
尖東隧道內亦只可以有一班車o係度
唔係隧道內抽風就會變左個congested mode
(如果有車o係隧道不動超過120秒,congested mode o既抽風就會啟動)
明知北行方向唔會行得到
我係控制室都會放班車入隧道啦
原帖由 sg 於 2006-9-9 20:37 發表
奇怪一問, 點解一暴雨行雷,東西兩鐵就耐不耐會壞 ?
反而地鐵架空路段/機鐵則好少有咁0既情況發生。
都唔係架，
東涌線同機鐵行雷暴雨都會故障架，
成日都係成條線停曬用巴士緊急接駁.
西鐵而家都穩定左好多la,行雷暴雨都冇事...
反而東鐵我覺得信號系統較舊同埋有較多不同類型列車行走，
遇上事故時較麻煩複雜:L
原帖由 antony 於 2006-9-9 19:46 發表
小弟覺得九鐵的危機應變直的十分差，廣播中並沒有提及過任何實際的時間承諾，車長訓練又不足，作出了很多沒有禮貌的廣播。
有沒有禮貌我就唔清楚, 不過連英文廣播都冇就真係離譜。
聽番 d 行內人講, 如果一知道發生電纜故障呢類大鑊o野, 就要預起碼
1 小時去搞掂。以今日o既情況, 應該要將列車在火炭做調頭。但聽一
名朋友講, 佢 2 點左右在旺角上車, 竟然要成 40 分鐘先去到九龍塘,
似乎東鐵果邊o既應變出現o左問題。
幸好今日我返學上一點半, 唔係我就好大機會食到應一應。
我一點七在上水搭火車出九龍,
由入閘到落月台好似平常咁,
月台show2分鐘有車去尖東,
之後約5分鐘,廣播話「列車現正駛進本站，乘客請勿超越黃線」
以為有車來...點知原來係無開燈拒載列車,
抽車等左約1-2個字未動過,似係等信號,
而且抽吉車後面,明顯見有另一抽車排更隊.
之後有個女仔口震震開廣播話信號故障,...(等了幾秒)
(只係話)北行列車服務現正受到影响.....
部吉車開左後,後面果抽車係去載客去尖東,以為無事
幸而我係有位坐,見部車粉嶺已迫唔入,
之後部車一路行下等下去到大埔墟
我抽車入左中間條坑...
到大埔墟後,我聽到沙沙廣播車長話什麼列車...故障
此時我見到對面有抽吉車中門大開,
而當時有乘客已衝去對面,我即刻唔想咁多,即衝去對面
這時正下暴雨,大埔墟南行月台千人雨下狂奔,場面係混亂的
我都搵到位坐,
當時係1357,我開收音機(881)
聽到至知東鐵服務暫停,叫人搭其他交通工具
之後部車一路行下等下去到大埔滘隧道後一出,
部車以極慢速度過一個位,
過果個位時全車浪一野,好似路軌斷左一節/路軌一高一低,
我真怕列車出軌
之後部車一路行下等下去九龍,每個站停左1-2個字
未試過搭火車搭得咁難忘...
好彩我係坐住等,又放左工不趕時間....
[ 本帖最後由 cx734 於 2006-9-9 22:53 編輯 ]
其實會唔會係因為星期六,
九鐵d人諗住唔會有大事發生, 疏於防範,
以致應變得這麼差?
原帖由 JZ3968 於 2006-9-9 22:56 發表
其實會唔會係因為星期六,
九鐵d人諗住唔會有大事發生, 疏於防範,
以致應變得這麼差?
大把人中午唔洗返
反而中到應一應...
若係平日呢個時間點會有咁多人搭先...
原帖由 60M 於 2006-9-9 23:09 發表
大把人中午唔洗返
反而中到應一應...
若係平日呢個時間點會有咁多人搭先...
東鐵以我經驗星期六中、下午出九龍方向係多人坐，
班次係比較疏.
上水已經有人要企
講個我坐東鐵最耐既經驗，大約4年前...
朝早6點9、10左右係上水搭火車(MLR車)出紅磡轉車番學(撞正旅行日)，
一直去到大埔墟都好平常，
見到大埔墟中間月台有班吉車(SP1900)就走過去搭。
班SP-1900後一、兩班車就開...
之後開始慢起上來並有廣播訊號故障.
班SP-1900去到紅磡已經8點半，
d上班一族個個打曬電話並跑去搭隧巴，
而我番到學校好彩我果班就等埋我成為全校最後一班出發:time:
果次搭左成一個鐘零九個字火車，
最耐的一次:lol