PG 家長指引 政府宣傳片 回顧
當我仲係細路既時候, 最怕睇政府宣傳片,因為佢地既鏡頭同埋旁白都營造 恐怖既氣氛和意像.
另外不少宣傳片拍攝都好認真, 例如撞車, 燒屋等等.
車禍害人 影響一生 個女仔俾架車咁撞法, 唔死都重傷...?
高空擲物 死狀恐怖(雖然係扮...), 成部電視機掟落街...
阻塞通路 逃生無門 拍個少少鏡頭要燒左成個廚房...
練靶場 警告 又有紅色, 又有骷髏骨頭, 睇完夜晚發惡夢都似.
家居防火-廚房 不算太恐怖, 但係最尾俾火灼傷果下就真係攞人命.
(以上影片轉載自youtube)
我仲記得幼稚園果陣去沙田交通安全城, 播左一段交通空全宣傳片,
鏡頭影住一個拎住袋橙既阿伯 胡亂過馬路,
點知俾架私家車撞到離地彈開十米左右, 再撻落地...
唔知各位有冇一些印象深刻的政府廣告呢? 原帖由 virus 於 2006-10-2 18:14 發表
點可以唔提「獨留兒童在家」，
即係講一個細路被獨留在家，
有火警都走唔到，透過大門信箱孔向外望的廣告?
前幾日半夜三點貪得意開來睇，真係嚇左一嚇!
以前細個果陣我都睇過果個廣告，
果個細路對眼好似有少少兇神惡煞咁...
睇落有d驚...:L
呢個網有晒d廣告
http://come.to/hkad 在八十年代，當時廣管局未推出「節目級別分類」之類的政策，更遑論是規管政府宣傳片的內容。
政府宣傳片的內容，比現在更為大膽和驚嚇。
我記得以下一些在現時觀眾眼中認為是「驚嚇類別」的政府宣傳片：
(1)切勿在沒有救生員當值的游泳場所游泳
這個曾經在80年代的健康教育科教育電視播過。
當中有一幕，是一隻道具人腳模型，踩過水底一支露出鐵釘的木板後流血，效果逼真。
(2)禁毒處的《針筒注射毒品會致命》宣傳片
這個又是使用電影特技效果，模擬針筒注射毒品後的人類血管情況。
片末以一隻人臂轉換成骷髏的骨骼，表達注射毒品會致命。
(3)《污染毒害環境，你無法可避》動畫宣傳片
它是以一棵綠油油的大樹，因環境污染而枯萎，再變成呼吸污濁空氣的人類肺部。
當中的背景配樂，最為驚嚇。
(4)《燙傷可以致命》宣傳片
主要對象為兒童的家長。
「切勿讓家中兒童進入廚房」—謂一位母親因煲電話粥，叫男童關掉爐火；
但男童不慎，將燙熱的湯煲倒瀉。主要驚嚇位是緊張背景音樂和剪接技巧。 原帖由 Seiko 於 2006-10-2 18:04 發表
練靶場 警告 又有紅色, 又有骷髏骨頭, 睇完夜晚發惡夢都似.
恐怖至極,見到骷髏骨頭心都寒埋,最驚今晚發惡夢
而家已經轉為電台廣播,好過用電視,無咁得人驚
仲有愛滋病廣告,見到個金字塔又係心都寒埋,好驚
除電視廣告外,平面都一樣咁嚇人
印像最深刻的係 「麻疹可以致命」
個人頭都幾恐怖下 原帖由 UCR683 於 2006-10-2 20:16 發表
(4)《燙傷可以致命》宣傳片
主要對象為兒童的家長。
「切勿讓家中兒童進入廚房」—謂一位母親因煲電話粥，叫男童關掉爐火；
但男童不慎，將燙熱的湯煲倒瀉。主要驚嚇位是緊張背景音樂和剪接技巧。
另一個版本更是令人憂心
開始時母親正開熱水準備跟嬰兒洗澡
但因為水太熱而...
感覺同樣是由BGM帶出來,但不是上述版本的緊張
是另一種"恐怖"的感覺(個人意見) 原帖由 CardCaptor 於 2006-10-3 00:47 發表
另一個版本更是令人憂心
開始時母親正開熱水準備跟嬰兒洗澡
但因為水太熱而...
感覺同樣是由BGM帶出來,但不是上述版本的緊張
是另一種"恐怖"的感覺(個人意見)
係咪亞媽要個仔關水喉(亞仔，閂水喉呀！)，個仔就一路擰個水龍頭，
點知跟住一放個BB落去就...
果個版本？！
以前d政府廣告睇親都總會覺得好驚，
相信係以前電腦無咁先進先會用d真野去拍 原帖由 Seiko 於 2006-10-2 18:04 發表
當我仲係細路既時候, 最怕睇政府宣傳片,
因為佢地既鏡頭同埋旁白都營造 恐怖既氣氛和意像.
另外不少宣傳片拍攝都好認真, 例如撞車, 燒屋等等.
車禍害人 影響一生 個女仔俾架車咁撞法, 唔死都重傷...?
...
以前在公共圖書館睇過, 多數係交通安全廣告...
果陣連鏗鏘集都係咁...
p.s 第一段撞車片未段係的士司機~
[ 本帖最後由 AA48@43A 於 2006-10-3 01:21 編輯 ] 原帖由 大聲公 於 2006-10-3 00:56 發表
以前d政府廣告睇親都總會覺得好驚，
相信係以前電腦無咁先進先會用d真野去拍
我覺得唔係, 直接表達的手法對當時擁有大部份教育程度低的香港較有效. 原帖由 U-157星之Kelvin 於 2006-10-2 23:27 發表
恐怖至極,見到骷髏骨頭心都寒埋,最驚今晚發惡夢
而家已經轉為電台廣播,好過用電視,無咁得人驚
仲有愛滋病廣告,見到個金字塔又係心都寒埋,好驚
除電視廣告外,平面都一樣咁嚇人
印像最深刻的係 「麻疹可 ...
係呀...平面的威力一樣大...
以前有本書叫"Hong Kong in poster-A history of public service advertising"的書輯錄一些平面廣告, 成半本書都好嚇人...其中一張印陡象深刻係舉報色狼, 一個女仔的大頭close up, 色狼隻手按住女仔個口, 而個女仔睜大隻眼同流眼淚, 睇完個人震晒...