溫馨提示發瘟記
相信大家都應該曾經響九巴車廂既報站機，聽過‘照顧小孩老人’既廣播架啦？話說前一輪我同一位朋友飲完‘天幕下的咖啡’之後，就一齊走去搭車返屋企。
響車站等左無耐，我地就上左部圓碌碌，一齊碌番美孚。
好慶幸地，樓上有唔少位剩。於是我地坐埋一齊之後，就開始吹水喇…
…點知當架車過左個路口之後：
‘各位乘客，請照顧同行之小童及老人…’
(如果原句有錯，麻煩大家指正。:) )
當時我地都不以為意。之但係呢句溫馨提示，居然由彌敦道一路重播到大埔道…
"我係咪應該毒啞部報站機呢？"
我同我朋友講完笑之後，就四週圍望下，結果唔覺眼有任何小朋友或者老人家響附近。
之後我朋友回應我："可能樓下好多人呢…"
好過癮地，部報站機係可以一路報站(而且全無錯漏)，
同時一路重覆‘提醒’大家‘照顧小孩老人’。
如是者，一路由元州街，‘提’到美孚都未停過…:L
…而當我地落車既時候，樓下車廂係無任何小朋友或者老人家響度既。
結果我朋友臨上樓之前，就笑笑口問左我一條問題：
"你估係咪頭先個司機時運低呢可？";P
類似既情況，唔知大家又有無遇過呢？ 那位車長應該按報站鍵（7）太久了。應輕按一下便可。 82M有個司機，非常喜歡按這些「溫馨提示」
而且仲要每次都係一套六款連續一次過出齊(係咪有code可以一次過出?)
每程車都要按四五套，即係最多出30次的「溫馨提示」
煩到嘔... 原帖由 petcity 於 2006-10-2 22:45 發表
而家有d直頭跟住個站出，結果有時架車冇人都會
請各位盡量行入車?
果d係o係條路線報站度加埋落去
所以次次一報站就出埋果句野 我諗係司機噤到個七字攝住左，變左長噤......... 我試過吐香口膠出車外, 跟住個報站就播... 請保持車廂清潔... :L 原帖由 asv2 於 02 Oct 2006 23:32 發表
我諗係司機噤到個七字攝住左，變左長噤.........
亦 有 機 會 係 個 報 站 機 short 左 ...
我 見 過 GS8098 每 個 站 之 後 都 報 " 請 緊 握 扶 手 " :L 原帖由 cklee2000 於 2006-10-2 23:42 發表
我試過吐香口膠出車外, 跟住個報站就播... 請保持車廂清潔... :L
熱狗乎..
咁你都算保持車廂清潔丫 :P 原帖由 alexero 於 2006-10-2 22:42 發表
82M有個司機，非常喜歡按這些「溫馨提示」
而且仲要每次都係一套六款連續一次過出齊(係咪有code可以一次過出?)
每程車都要按四五套，即係最多出30次的「溫馨提示」
煩到嘔...
你係咪講巨龍車牌4 個數字o個個呢??
我試過一次由沙角坐到第一城~~
我坐o係導航位睇住佢係咁按~~
差唔多俾佢出齊咁滯~~
但我o個次就唔係連續一次過~~
不過每報一個站前後都有~~
最記得明明冇人吸煙都話嚴禁吸煙...