直銷中心經營手法有問題！
銅鑼灣，元朗.....等等的直銷中心！所有貨品職員話免費送貨及安裝。事實平過其他公司，原來其實相反，送到的屋企要你付送貨費、安裝費及人工費。送貨工人無禮貌及講粗囗。 原帖由 martwin2 於 2006-10-27 21:42 發表銅鑼灣，元朗.....等等的直銷中心！所有貨品職員話免費送貨及安裝。事實平過其他公司，原來其實相反，送到的屋企要你付送貨費、安裝費及人工費。送貨工人無禮貌及講粗囗。
我買過2次都冇以上情況喎,:o
不過一次買個組合櫃差一個配件
拖左一個月, 搞到我要日日打電話鏟佢r
先肯上門補回該配件:@ 原帖由 guia 於 2006-10-27 10:41 PM 發表
我買過2次都冇以上情況喎,:o
不過一次買個組合櫃差一個配件
拖左一個月, 搞到我要日日打電話鏟佢r
先肯上門補回該配件:@
我都曾經試過有相似經歷
上年我間房裝修
係直銷訂傢俬
有三個吊櫃 + 一張書檯 + 一張床連衣櫃
因為間房個入口細
最尾果張床 + 衣櫃果組
係皇室堡設計果個切開左佢為五件
然後上到黎再叫師傅嵌
結果送到黎，唔見光既地方無焗油
送漏件不在講
一開五果件，上到黎果個嵌果陣
大部分螺絲位都鑽爆左
嵌果兩個哥仔又唔睇預先製好既螺絲位
係咪都轉，轉穿晒 d 板
佢地兩個堅稱自己係送貨並非裝工
果組野更加係嵌到歪黎歪斜
經過消委會方面代為交涉
加上我早就為有問題既組件影左相
事隔左個半月先至肯承諾整果組新既
送貨日期一拖再拖
結果送到上黎，請埋真正既裝工上黎
都係搞唔掂
最後對家話賠三千
即刻無名火起，三個吊櫃 + 書檯夠膽收一萬 :@
又再透過消委會交涉，最後賠左七千
前後搞左五個幾月
事後去左渣華道 d 設計公司做
八折既價錢，快四分一既時間
（兩周已安排送貨）
準時送貨，雖然都係有漏件
但係好主動咁約補裝
兼且個設計 ... 穩陣，料夠
原半諗住書檯係床下面，直銷堅稱做唔到
黎到件野就知道點解
因為佢只係用半分厚既木板
之後果間就做到，因為人地用一分板
自此之後，每次行過觀塘、旺角、皇室堡
我都會係個派直銷傳單既人面前
毫不留情咁數呢間野 DSC，我都賴過野。
屋企一床一櫃都係佢度買，電視櫃櫃桶送到黎有明顯
膠水跡，要佢換，一換就兩個星期。
床呢，張梯所有角落都爆晒油，床身甩油處處，又係
叫佢黎換同整，一等等左足足個半月，不斷打電話，
不斷約時間，不斷俾對方放飛機，最後有人上黎，換
左張梯兼補油，但就夜晚11.45先上到黎，仲要講粗口，
我冇出聲，當時係七月幾，把幾火將冷氣都熄埋，講
粗口丫拿？熱到佢死我先舒服返少少。
張床用到而家，年年發毛同埋有一隻隻昆蟲，發毛仲要
係發到成幅變綠色個種，抹都抹到我頭痛，呢間咁既野，
真係搵李愛好過啦。
頁:
[1]