開源道更改行車方向(涉及多線九巴改道)
來源: 運輸署通告觀塘開源道更改行車方向
由2006年11月5日起, 開源道由觀塘道至成業街一段將改為單程南行。
受新交通管理措施影響, 九巴11D, 15A, 15P, 23, 28A, 40, 74A, 74X, 80全日需由敬業街改經茶果嶺道, 鯉魚門道及觀塘道返回原有路線。
原有平日早晚繁忙時段及假日全日改經開源道之措施將永久取消, 沿線車站不受影響。
報告完畢! 原帖由 eric278 於 2006-11-2 17:08 發表
來源: 運輸署通告
?
由2006年11月5日起, 開源道由觀塘道至成業街一段將改為單程南行。
受新交通管理措施影響, 九巴11D, 15A, 15P, 23, 28A, 40, 74A, 74X, 80全日需由敬業街改經茶果嶺道, 鯉魚門道及觀塘道 ...
即係觀塘法院之地鐵站一段會更為擠塞?!
今次真係麻煩了..好改唔改... 佢咁搞即係將成個工業區出觀塘道既車迫埋一齊啫:L
除非經巧明街+創紀一期通道
(不過巧明街依家都塞到喊:L )
真係無野搵野黎搞:@ 睇下到時觀工出面車輛動彈不得既情況有幾嚴重先;P
睇怕佢咁改都係想迴旋處暢通d，但其實根本就係開源道果支燈太耐
d車塞返出迴旋處姐，仲拖埋觀工果度落水添 唉...以後搭23又有排塞喇=.="
既然改咗行車路線,咁就要求23喺茶果嶺道加站喇
起碼唔使吓吓行到落敬業街咁遠 我就咁睇，宜家觀塘迴旋處塞係因為成業街燈位，而燈位左轉
去返開源道係唔塞既，主要係塞右轉開源道出觀塘道既位，如
果改左之後，成業街只可以轉左去開源道，咁再調校一下兩組
燈既時間，咁迴旋就有機會冇咁塞。
不過以上係我經常在下午四時至五時經過該處的經驗，如果早
上或下午兩三點塞車源頭係碼頭塞出黎，咁其實改唔改實際作
用不大。不過我認為改動後放工時間既塞車問題有可能會解決。 原帖由 HY671 於 2006-11-2 21:27 發表
我就咁睇，宜家隻邢~街燈位，而燈位左轉
去返開源道係唔塞既，主要係塞右轉開源道出觀塘道既位，如
果改左之後，成業街只可以轉左去開源道，咁再調校一下兩組
燈既時間，咁迴旋就有機會冇咁塞。
不過以 ...
睇佢點較枝燈了...
其實, 最好就將89D等可以改行隧道既線行隧道走, 咁就會少一堆車塞係度... 原帖由 cong 於 2006-11-2 21:19 發表
改左開源道支燈仲0係度0架,除非改埋成業街0既行車方向啦~~
依家非繁時(下晝二/三點)觀工出面閒閒地都塞三幾個字,開源道0個條行車線咁短,改埋都唔會對迴旋處有好大幫助,反而依家咁開源道出迴旋處0既車流量 ...
其實應該改埋嫁，反正d車點都係焗用觀工走返出泥
少一支燈既話，開源道倒塞既機會細左
觀工對出個交通情況應該會好d
當然最佳既方法就係改下觀工入面d路
如果座與座之間係駁通既話，咁就最好改做一邊入一邊出
因為有時塞既原因係d大貨車要倒車入觀工上落貨 將呢一截仔開源道個行車方向掉返轉就差唔多.
所有去碼頭方向o既車都由偉發道入返成業街,
離開工業區o既就照舊經成業街出觀塘道,
咁自然冇車頂返去觀塘道工業中心西行.
[ 本帖最後由 transbus 於 2006-11-3 09:52 編輯 ]