今日報紙:李克勤唱衰天水圍 業主要求賠償
今日(22/11)蘋果日報李克勤唱衰天水圍業主要求賠償
有天水圍居民投訴李克勤新歌《天水．圍城》歌詞醜化及抹黑天水圍，
令樓價下跌，在網上號召天水圍居民聯同區議會要求立即禁播此歌，
並要求唱片公司賠償。
香港真係乜人都有 :o 有人要對號入座都冇辦法格.... ;P 我覺得首歌 d 歌詞寫得幾好呀，完全描繪晒天水圍入面所存在既問題。
投訴果位會唔會打橫黎講呢?
就算李克勤唔唱呢首歌，林夕唔作呢首詞，天水圍既有問題根本就係人所共知! 天水圍問題都通哂天ga la
克勤唱唔唱呢首歌,結果都係一樣
似乎係某d人想乘機攞著數 真係怪,
假如我寫本書叫《悲情城市》
用「天水市」、「水圍市」
就話我醜化及抹黑天水圍,要告我
咩道理呀?
咁政黨、市民令老董落台,老董可以話被醜化及抹黑,要告某某政黨、市民啦
簡直打橫來講 倒不如告左九巴,城巴和九鐵先,要求減價,保證櫻價會昇返多少 好心啦，
叫d人睇下克勤隻碟製作特輯啦，
<天水．圍城>講緊係全香港都存有o既問題，
唔係淨係講天水圍... 係咪李克勤隻碟賣得唔好,於是扮網上貼文要求"聲討"一番;P
講真《天水．圍城》以林夕今年填詞中寫得唔錯既一首,的
確寫出事實一面,唔再係愛情分手同暗戀,應該係值得嘉許.
不過呢篇文章可以反映香港人(或者中國人)那種自私同自欺
欺人性格,人家唱首歌就話人醜化社區,但社區內發生既事就
無人關心過問,到事件發生後就話人為何要講...真奇 始終【天水．圍城】呢首歌要從多角度分析
第一次聽真係好配合時事
林夕真是寫得好好
同時這首歌上台時，我都估到真係幾傷天水圍的中產一族
（即是買居屋同嘉湖的受害者）
從唱片角度
【天水．圍城】呢首歌，配合韓國音樂
有點格格不入，不太香港化
雖林夕填得好，但配合編曲，真係唔知點形容！
同【我不會唱歌】一樣，配鋼琴家伴奏，不太配合
反而第二首【公主太子】係全張CD我最欣賞的一首
(請排除巴士迷角度欣賞此歌,此歌內容與巴士有關)
歌詞、配樂及和音非常配合
第一次聽已經很鍾意
始乎唱片公司的市場策略與宣傳有點問題!!
此CD頭兩首歌的可聽性,遠勝HACKEN上一張專輯
但HACKEN上一張專輯每首歌水準平均! 一首歌可以令樓價下跌,簡直係笑死人,
有無咁大影響力呀?
呢個世界真係越來越多"巴士阿叔"