[8/12朝早見聞] 巴士(站)阿嬏大罵"麻甩佬"
話說今朝(8/12)等95M，起初得我同一個男人等車，跟住有個女人來到，佢打我地尖我地都無理佢，但佢一路晌度食煙，仲將D煙噴落我地度，個男人頂唔順就細細聲叫個女人行開少少食，點知呢個時候個女人就發惡：(以下內容只為節錄，及未必順住時間)
女：我晌度食煙係我既自由，你理得我咁多？！
男：你D煙噴落我度就係唔啱，人地個個食煙都行埋一邊架啦！
女：咁你行開唔得架？我係鍾意晌度食呀！你無權阻止我！
男：你信唔信我報警呀？！
女：你咪報囉XX(粗口)，駛唔駛借埋電話俾你呀死麻甩佬！聲大夾惡晌度蝦女人！
......跟住唔知點樣佢地就嘜都亂鬧
女：鬼唔望你等陣俾車車死！你阿媽(再粗俗D)同你老婆做妓女(原係動物)俾人攪死！
男：好吖~我就企晌度 (架95M車頭)俾佢車埋來！
女：唔駛喇！咁咪益左你？！你要死無全屍架嘛！
......
仲有好多，其間差D出手打人，一直維持對罵成10分鐘，到上車後因為一個上上層一個坐下層先收口。雖然個男人都不斷以粗口回禮，但個女人就恃住自己係女性出口辱罵同咀咒個男人，同向周圍D乘客屈個男人話佢蝦女人。
唉！真係唔明D人點解明明自己唔啱先都仲可以聲大夾惡！有時做男人都幾慘！同女人對罵時就算同方唔啱只要女方老屈你身邊D唔知情既人都會偏幫女果邊先。
[ 本帖最後由 dennislokawai 於 2006-12-9 21:19 編輯 ] 唔知點解近年發生好多類似事件
以前都試過在「大X樂」排隊落單,有個女人打我地尖,開頭唔理個女人,點知她好得戚咁,
排隊拎飯又來打人地尖,經理見到鬧個女人,點知仲可以聲大夾惡話人家打她尖,結果咪俾個經理叫去排隊尾! 而家D人真係好有"壓力",係我就唔會同佢嘈,
即刻打電話報警,自己嘈係無用既,呢D人唔見棺材唔流眼淚
老兄,你可唔可以改一改"鬼唔望你比車車死...."之後果句說話?
你咁改與唔改其實無分別 原帖由 CZ_6686 於 2006-12-9 03:54 AM 發表
老兄,你可唔可以改一改"鬼唔望你比車車死...."之後果句說話?
你咁改與唔改其實無分別
唔係好明...
你意思係咪話果種動物唔係咁好?? 原帖由 dennislokawai 於 2006-12-9 09:05 AM 發表
唔係好明...
你意思係咪話果種動物唔係咁好??
係呀,有少許粗俗 原帖由 CZ_6686 於 2006-12-9 09:06 PM 發表
係呀,有少許粗俗
sorry, 因為我唔覺太大問題及照佢所講咁寫，
不過既然有問題我改改啦~~:) 原帖由 dennislokawai 於 2006-12-9 00:49 發表
話說今朝(8/12)等95M，起初得我同一個男人等車，跟住有個女人來到，佢打我地尖我地都無理佢，但佢一路晌度食煙，仲將D煙噴落我地度，個男人頂唔順就細細聲叫個女人行開少少食，點知呢個時候個女人就發惡：
(以 ...
不如學周星馳套'九品芝麻官'咁頂撞個女人.
頁:
[1]