大家樂 vs 大快活 vs 美心MX 邊間你最中意???
大家樂 vs 大快活 vs 美心MX 邊間你最中意???咩 原 因 你 中 意 ???
飲 食 環 境 裝 修 , 食 物 味 道 , 服 務 態 度 ???
:o 我鐘意快活
因為d野食好多都好過美心, 樂記
(例如焗豬) 平均質素,小弟揀大家樂:lol 原帖由 JX9097 於 2007-1-21 10:56 發表
平均質素,小弟揀大家樂:lol
我都係
大家樂食親都係一貫水準
大快活野食ｄ味一時時，食下午茶ｄ雞翼，有時鹹左ｄ，有時好甜...
美心呢排食左兩次，好似咁多年黎都無乜進步．．． 如果係食物質素我就會揀大快活, 最差係美心
至於環境裝修美心MX裝潢後比大快活好 :victory: 我比較鐘意大家樂 (尤其起 北角模範邨對面個間) ~~~
美心 MX 得個貴字 , D 野又唔係好食過人 ~~~
大快活只係一般 ~~~ 不過我鍾意反而係 MX, 唔知點解,
尤其係焗飯, 真係整得唔錯! 至於晚
餐, 我就冇意見. 大快活的咖喱幾好，
大家樂的焗飯又唔錯，
美心的燒味部平均唔差。
三大快餐店互有長短，好難話邊間好、邊間唔好…
個人感覺美心一直比較貴(但大快活、大家樂相繼改變形象後價格差距拉近)，
大快活就食物冇咁o岩口味(如火鍋用蕃茄湯底)，
大家樂就最平均而且有時有新款產品(如芝士火煱)。
反過來說，如果三間同時出現，
我會選擇的先後次序︰大家樂 => 大快活 => 美心。
[ 本帖最後由 brian 於 2007-1-22 01:02 編輯 ] 呢個題目基本上每隔一段時間又會出現, 我既答案都係
大家樂 > 美心 > 大快活
大家樂一向水準穩定, 而且時常有新且特別套餐推出, 而美心就正如大家講,
比較貴一點, 而大快活就好似冇乜特色野食, 有都唔係太好食.