影相要給二十大元！？
我今日晚上沿彌敦道由佐敦行去旺角，咁經過九龍中央郵政局，附近有兩檔唱緊粵曲，當時我心諗，不如影影呢個情況，話唔定將來唔會再有人係街頭唱粵曲，點知我一拿起相機便有人來阻止，並說：『影相要比廿蚊!』。:@當時我問佢咩意思，佢話影佢地相要收錢！但我心諗，呢到係公眾地方，我影相關你咩事？之後佢仲叫我支持下佢地比錢佢地，結果我一個仙都無比。
請問各位，到底唱粵曲班人有無權去因有人影相而收錢？！謝謝。
題外話：事實上，我覺得佢地的態度極不友善。
如果板主覺得我貼錯板的話請幫忙移動，本人貼此文章係N板是因為此文不是討論影相心得，希望我沒有錯，謝謝。
回覆 #1 tungtung1212 的帖子
可能你唔知廟街的地道文化榕樹頭粵劇文化已經有左好耐
因為佢地係名正言順的街頭賣藝者, 跟本就係以此為賺錢的
你可以睇成國內以前那種唱戲的茶座咁
俾入場費, 有歌聽
不過廟街就係坐那些圓摺凳, 開放式, 然後到咁上下有人拎住個兜來問你拎錢
唔知係咪你睇唔到
基本上佢晌一些當眼地方已經貼晒告示
話明影相要俾錢, 拍 dv 仲貴, 係講緊一分鐘一百蚊
當然我明白你覺得咁好似同強搶一樣, 獅子開大口
但係你又諗下, 呢樣地道文化晌回歸前差點絕了跡
駐美華人作曲家譚盾, 當年為香港回歸而寫的 "天, 地, 人" 交晌曲
其中一個樂章, 就係晌榕樹頭將其中一段賣唱片段錄下
佢俾左幾多錢錄就冇人知, 但晌 cd 介紹時佢自己就話過
"我曾經到訪 (廟街) 多次, 但都是已剩下一檔亦在唱..... (這一檔) 不是最好的
但也沒有辦法"
講句公道話, 佢地同附近那些睇相檔一樣, 已經係成為了遊客的必經地
外國的旅遊書, 好似 lonely planet 又或者 ng 咁, 基本上係賣通全世界的
所以無論係合法定唔合法
食環署都係唔會拉佢地的
最後, 作為一個半職搞音樂的人
我明白你可能因為唔知背後的意義, 會覺得佢地咁樣做好冇道理咁
但係, 佢地一大柵人, 就算真係唔收人工, 甚至車馬費
咁每日開檔基本燈油火蠟都要開支架
連呢 d 都冇, 就真係執檔都得喇, 到時想睇都冇
我話個經驗俾你知
我有次經過, 同好多人一樣, 最初就咁企晌度睇聽歌
聽了一會, 當有人拎起個兜時, 周圍的人個個都自動走開晒
當時我又唔知點解... 無乜意識話要走,
就咁晌個袋拎個十蚊銀出黎俾佢地
收錢的亞嬤立時當正你係 VIP 咁, 仲開埋凳請你埋去坐正中間個位
連忙話: 唔好企晌度咁辛苦啦, 俾個靚位你坐....
就咁我前後共聽左佢兩首曲
希望唔好介意我咁長咁冗咁講左咁多野
只係想講番個實情其實係點樣而已
回覆 #3 edhong 的帖子
未必有但我知戲柵的告示係有中英對照話影相要收錢
頁:
[1]