學校係長青，
所以要搭４３Ｂ返學。
當時仲係全熱時代，
放學搭黎搭去都係個班車，
而駕後車個師傅（荃灣廣場全車身），
成日坐係司機位度，
同我地學生扮鬼臉，
以前成日叫佢做「得意司機」。:D
只不過，
隨住４３Ｂ加位，
呢個「得意司機」都唔知調左去邊．．．．:Q
但係以前放學，
都好想見到佢，
因為每次見到佢都好開心～～:lol 恕我孤陋寡聞
原來巴士迷同司機可以咁friend架 原帖由 dubai 於 2007-5-19 15:38 發表 http://www.hkitalk.net/HKiTalk2/images/common/back.gif
楊生我又係由細坐到大既一個師傳..
同叔手車幾正架…好鐘意坐佢車…
曾經亦同佢傾個下偈…最近果次見到佢渣8269係大慨上個月既事..
估唔到佢退左休.. ...
中學時代日日要坐81K返學放學, 就算平日出街都係81K,80M出入,
經常會見到周師傅, 楊師傅同一班81K,80M掛牌師傅師姐.
當時81K加冷後有三部冷馬HA9351, GS6985, GS6405, 周師傅掛9351所以對佢印象更深.
升上大學住hall, 到宜家經常出差做野, 搭81K o既機會真係少左好多好多,
聽到周師傅退休呢個消息亦感到有o的可惜:( , 尤其係宜家81K班掛牌都無乜邊個面熟.
回復 #13 da89 的帖子
可以既不過就要睇下你點對人,人地點睇你地 原帖由 ha9351 於 2007-5-20 11:58 發表 http://www.hkitalk.net/HKiTalk2/images/common/back.gif
中學時代日日要坐81K返學放學, 就算平日出街都係81K,80M出入,
經常會見到周師傅, 楊師傅同一班81K,80M掛牌師傅師姐.
當時81K加冷後有三部冷馬HA9351, GS6985, GS6405, 周師傅掛9351所以對佢印象更深.
升上大學住hall, 到宜家經常出差做野, 搭81K o既機會真係少左好多好多,
聽到周師傅退休呢個消息亦感到有o的可惜:( , 尤其係宜家81K班掛牌都無乜邊個面熟.
現在81K正字軌差不多以月薪制車長掛帥，這班車長對乘客的歸屬感並不是沒有，
而是沒有那些上一批老師傅那麼熱情。
當時加冷的三部冷馬都有各自不同的老師傅，例如GS6405的張師傅(綽號大聲公)，
GS6985的孫師傅及HA9351的周師傅，不過他們都相繼退休了。 我由中學果陣成日搭11 而識到個car佬：威哥
果次同朋友落九龍站特登等架DK2508黎坐，佢又幫手問站長有無出車....
跟著搭車就當然可以.........入散銀喇(唔好講咁白喇........)
而我宜家個戶口名，都係用左佢部掛牌車：DK5416:lol
有次搭佢車，去到啟德機場試過有架鐵馬失控飛埋黎，好彩威哥dup得切，跟著就同埋3個交通警一齊幫手搬走架鐵馬......
佢又介紹多幾個CAR佬我識......
到左舊年，我做左呢份工，佢又即刻幫我問相熟既人帶我去搭廠車，真係多謝佢.....
到左最近，佢渣住部FP牌後備冷蘭，無冷氣，叫我幫佢睇下架車有無斷皮帶，結果無，跟著坐佢車去到土瓜灣，冷氣壓力燈著，擺街，落埋九龍城碼頭搵大偈睇下架車......
數數手指，我都識左佢6年有多.... 終於見到有呢類主題囉 :victory:
我自己由讀中學開始
已經成日搭 70K
仲記得第一個識得既 70K 車長 ( 關伯 )
就係靠一個大話而識得
但係好可惜佢係兩三年前因為健康問題而提早退休
而第二個識得既 70K 車長 ( 堅叔 )
仲好記得當時同佢搭訕而識得
亦都係我第一位識既基督徒既車長
眨下眼都識左差唔多兩年
不過我上年真係幾大膽咁約佢去深井 ( 其實有次問開 , 佢話差唔多 30 年無去過 )
同埋有次佢夜更開工果次
因為當日原本既字軌車壞左
佢要返廠拎車
拎左車之後就順路載左我一程車
而家有時都上佢屋企食飯 , 傾下閒偈
連佢老婆同埋個仔都知道我呢個人
第三位識得既 70K 車長 ( 阿漢 )
亦都係一位基督徒既車長
雖然而家佢已經轉掛 73A
但係都耐不耐去跟佢車
亦都係同堅叔一樣 , 識左差唔多兩年
而後兩者到而家都仲有聯絡下
得閒既都約埋出黎食野
當然而家傾既話題唔止係佢地既工作
仲有一 d 待人處事既態度
我都會向佢地請教一下
除左呢幾位之外
其他線既車長我都識到幾個
有 d 係 70 既師傅 , 73A , 74A , 75X 同埋 78K 既都有
係 75X 果位叫做熟 d 之外
其他都係吹下水咁
[ 本帖最後由 AD18 於 2007-5-21 10:46 編輯 ] 對住佢地，同對朋友無分別
最重要係有一顆心咁對人 原帖由 HJ8325 於 2007-5-21 11:59 發表 http://hkitalk.net/HKiTalk2/images/common/back.gif
對住佢地，同對朋友無分別
最重要係有一顆心咁對人
通常甘樣已經唔係維持巴士迷同車長既關係
而係因為巴士而識落既朋友
講真，人地日日楂著架車，你仲不停甘問人巴士嘢
你唔悶人地都悶啦
所以講下講下都係傾閒計
好似啲師傅師姐黎到我屋企係見到我啲巴模先講下巴士
其他時間…“喂！開枱啦，嗱嗱林啦站長！”
大後備六腳怡先講得岩
“果啲後生巴士迷，開口埋口唔係粗口就巴士
你再靚仔啲都唔同你講嘢啦
唔同你講嘢又扮嘢問路！”
竹戰報捷，小魔女白做三日比我:lol :lol