例如 :
$250月票﹐任坐$5以下車程。
$400月票﹐任坐$8以下的車程。
$500月票﹐任坐$10以下的車程。
車費多於月票包的車程金額﹐補差價。
條件係2程車之間﹐需要相隔15分鐘。
避免拆散長程車程﹐使用平價月票。
以及﹐每日限坐6-8程(或其他數目)﹐以防濫用。
** 以上票價只供講解之用。 廢除「有加無減機制」好過整優惠啦! 本帖最後由 DIH 於 2021-4-2 12:08 編輯
kei_hk 發表於 2021-3-30 14:44
唔知會唔會推行月票大改革﹐唔再以線做分類﹐改用票價做分類。
例如 :
我都贊成長途月票應該要改革,現時月票用「無限次」而且票價差距甚大,從公司角度較難防止濫用,而乘客又因路線限制削弱旅程靈活性。一般人居所或工作地點偏遠而要搭長途,一日搭得幾多程丫,畀個無限次都冇乜實際作用。
而家都會票就係限日數及限車程,唔使限住每日幾多程,總之搭晒就唔該再買過。
由1/4-30/6之間,用都會票搭過海車程好抵,例如荃灣-柴灣車費$15.2x0.95=$14.4,都會票減交通津貼實價=$335-(335-200)x1/3=$290,每程$290/40=$7.25,即半價;如果一個月內買到兩張都會票更係每程$6.4,係44折。
以下內容不計任何短期優惠,以實價計算:
雖然現時全月通容許無限次乘搭,但一般人工作需要一個月都係搭40程左右,所以按都會票邏輯計算搭40程的話,得出結果如下:
東馬尖東全月通:$485,平均每程$12.125,最貴車程$14.4,實為84折
屯門南昌全月通:$515,平均每程$12.875,最貴車程$17.2,實為75折*
屯門紅磡全月通:$600,平均每程$15.000,最貴車程$22.3,實為67折
東涌南昌全月通:$405,平均每程$10.125,最貴車程$15.3,實為66折*
東涌香港全月通:$635,平均每程$15.875,最貴車程$23.6,實為67折#
所有全月通都提供接駁車程75折優惠。
*兩隻南昌全月通,只要搭多一個站就每程畀多$4.8x0.75=$3.6,40程就係$144,即兩張票實際支出升至$659及$549。
#東涌去香港係$23.6,去到天后都係$23.6,但用全月通在中環至天后一程要畀多$5.7x0.75=$4.275,我當佢收$4.2,40程已累積畀多$168,令總開支達到$803。
我原本想諗一個相對簡單的改革計劃,但越計越多麻煩,所以只係提出數據,有心人可以繼續計落去。:lol
初步構思係將都會票發展成可以乘搭任何標價$15.3以下車程,但上一級全港長途票點計我就唔識搞。
本帖最後由 Justshamxx 於 2021-4-2 13:31 編輯
本人對港鐵各「全月通加強版」(下稱全月通)的展望:
屯馬綫全面通車後:
「上水/烏溪沙--尖東」全月通的範圍會囊括宋皇臺站、土瓜灣站及何文田站;
其餘全月通服務範圍不變。
(以下內容輕微離題)
沙中綫全面通車,東鐵綫延至金鐘後:
「上水/烏溪沙--尖東」全月通分拆如下:
「上水--金鐘」:無限次免費來往東鐵綫(羅湖、落馬洲及馬場除外)各站,以及港鐵接駁巴士;
「烏溪沙--尖東」:無限次免費來往屯馬綫各站;
上述兩項全月通皆能同時加註於同一張八達通內,各自亦能同時加註「屯門--南昌」及「屯門--紅磡」全月通。以下車程在加註不同的全月通後徵費路程如下:
路程例子加註的「上水/烏溪沙」全月通不加註任何「屯門系」全月通加註「屯門--南昌」全月通加註「屯門--紅磡」全月通
大圍↔柯士甸上水--金鐘紅磡↔柯士甸同左免費
原馬鞍山綫各站↔柯士甸烏溪沙--尖東尖東↔柯士甸同左免費
原馬鞍山綫各站↔旺角東烏溪沙--尖東紅磡↔旺角東同左同左
原馬鞍山綫各站↔屯門烏溪沙--尖東尖東↔屯門尖東↔南昌免費
粉嶺↔尖東上水--金鐘紅磡↔尖東同左免費
粉嶺↔尖東兩項免費同左同左
粉嶺↔天水圍上水--金鐘紅磡↔天水圍紅磡↔南昌免費
如有缺漏以致困惑,歡迎詢問。
DIH 發表於 2021-4-2 12:03
我都贊成長途月票應該要改革,現時月票用「無限次」而且票價差距甚大,從公司角度較難防止濫用,而乘客又 ...
如果想簡單可以諗吓搞回數券 買嗰陣指定起點終點 價錢就舉例可以買八送二相當於八折
無限次幾好丫東涌朋友平時上下班俾接駁車程75折 到頂唔順b6客令東薈城/B3B2客令屯市yoho迫到傻時 假日就可以去青衣城(東涌至南昌),Vwalk,南昌薈(東涌至南昌,屯門至南昌)奧海城,圓方,ifc(東涌至香港) 海之戀(屯門至南昌)等等不過最鍾意R呢啲客既商場睇黎係荷里活廣場(嗰陣做新會員登記 馬鞍山綫沿綫居民有雙倍分) 作為元朗居民,我同意樓上無限次幾好既睇法。可能夜晚去一去荃灣donki買野、出一轉深水埗黃金買電腦器材、去屯門沿住屯門河跑步之類,並唔係只係返工放工先用得著。
上面有板友話難以防止濫用,其實當月票本質就係無限次乘搭,又何來濫用?如果月票本質只係工作日使用,就會好似某間船公司既月票一樣,月票優惠唔適用於公眾假期。事實上西鐵月票既價錢早已經包括左返工放工以外既車次。而且最重要既係,除左票務收益,對MTR黎講廣告同租務收益同樣重要,反正列車本來就開咁多,固定成本幾乎不變,西鐵當初搞月票最主要原因其實係帶動使用人流黎提升廣告同租務收益,亦為營運公司每月月頭帶來一筆穩定既現金流。
如果月票有車次上限,最應該係減價。
頁:
1
[2]