九巴推出第三代太陽能巴士，另外提供電動巴士小道消息
https://hk.appledaily.com/local/ ... GNC4PINM5BFA6J7AQY/太陽能巴士重點：
1.車頂加設太陽能薄膜，供電予車內冷氣系統、抽風機風扇等，令車廂溫度能降8至10度，每日每部巴士節省耗油量可達5%至8%，慳油量較上一代多近1倍。
2.新裝置仍有待運輸署審批，料最快今年上半年投入服務。
3.新引入的太陽能薄膜厚度僅2mm，可直接貼上車頂，底部有隔熱層，助車廂內減溫，以一輛長12米的雙層巴士為例，需安裝14塊太陽能薄膜。
4.車上系統可將太陽能供電予冷氣及抽風機，例如巴士停車熄匙時，系統識別車內氣溫度高於攝氏35度或以上，便會自動供電予抽風機，將車內熱空氣抽出，令車廂溫度能降低8至10度。
5.太陽能巴士可節省約7公升燃油，耗油量減少5%至8%，相等於每日減少約18公斤碳排放。
6.與上一代對比，新裝置產電量面積較大，因而更慳油，車頂亦毋須再加裝鋁架，裝置重量可由110公斤減至70公斤，輕了近四成。
其他消息：
1.當新裝置通過運輸署審批後，考慮省油成效等因素，車齡8至10年的巴士會優先加裝新裝置，及後再擴展至其餘較細車齡的巴士。
2.明年抵港170輛新巴士均全部加設新裝置，預計4至5年內，逾3,000輛巴士可完成改裝，並計劃行走高速公路等沒有高樓大廈阻擋的路線。
電動巴士小道消息：
1.九巴今年已展開招標程序，訂購42輛雙層電動巴士，計及現有及已訂購電動巴士，明年將有80輛電動巴士。
2.配合政府政策，計劃逐漸將柴油巴士轉為電動巴士，而荔枝角車廠、九龍灣車廠及主要停泊巴士的14個衞星廠等亦會增設相關充電設施。
3.九巴現正規劃於屯門至赤鱲角連接路收費廣場及大埔工業區的兩個新車廠，同樣增設電巴的充電設施，並稱需與中電研究，或需在要部份車廠加設變電站，應付電力需求。
4.新車廠3、4年落成後，供電可以配合800至1,000架電動巴士喺嗰度充電。
另外未經證實的內部消息指，今年九巴向內地知名的生產商訂購3軸12米雙層電動巴士。亦都有消息指，今年九巴向英國ADL訂購3軸12米雙層電動巴士。
相關消息有待證實，新電動巴士的實際訂單的車型稍候公布。
太陽能嗰部份已有討論
https://www.hkitalk.net/HKiTalk2/thread-2107160-1-1.html
仲有，樓主放流料嘅前科都唔少喎 本帖最後由 WHYB630 於 2021-4-5 12:41 編輯
今年九巴向內地知名的生產商訂購3軸12米雙層電動巴士。亦都有消息指，今年九巴向英國ADL訂購3軸12米雙層電動巴士。
我估嚟嚟去去都係
1) 宇通
2) BYD
3) ADL + BYD合製
4) ADL+其他廠合製/自家
如果講緊未來十年轉哂電車，咁厹呢張標相當有指標性
最好以上每間廠/combinations 都入幾部，試清楚先落大單
另外Wright唔係話想搞電車？機會嚟啦;P(不過多數趕唔切)
大埔工業區的新車廠即係邊度？ AVBWU291 發表於 2021-4-5 12:27
太陽能嗰部份已有討論
https://www.hkitalk.net/HKiTalk2/thread-2107160-1-1.html
1.估唔到佢比我早幾粒鐘去post太陽能巴士帖子
2.我之前沒有特登流料（包括R1版），最終部分消息已經確實左。
nickk 發表於 2021-4-5 12:39
大埔工業區的新車廠即係邊度？
大華廠
s20141095 發表於 2021-4-5 13:17
1.估唔到佢比我早幾粒鐘去post太陽能巴士帖子
2.我之前沒有特登流料（包括R1版），最終部分消息已經確實 ...
咩叫特登流料
流料就流料架啦
仲有部分消息已確實，喂大佬你有好多野係base on事實推論，實有會確實嘅野，但係咪等於你真係有小道消息？
講真要人信你放堅料，首先啲字眼唔好用到咁令人覺得你吹水先 GK3258 發表於 2021-4-5 17:26
咩叫特登流料
流料就流料架啦
仲有部分消息已確實，喂大佬你有好多野係base on事實推論，實有會確實嘅野 ...
之前在R1版post之前真係信左果位員工講嘅消息，試過post左自己帖子就發現佢的消息可信性有存疑引來批評，當時即時修正內容並加上澄清，不希望誤導消息俾大家。
不過樓主經過呢件事之後，以後發帖前必須小心謹慎，並思考和分析來源是否正確和可信性，然後翻查來源資料和確保正確資訊去post。
『預計4至5年內，逾3,000輛巴士可完成改裝』九巴D野全部都系有頭無尾,上年話加果D通風窗,成年後都未加哂;車廂番新,又系中意就做一部得閒就做另一部,跟本就系世紀工程,永遠做吾完 HU6455 發表於 2021-4-5 18:36
『預計4至5年內，逾3,000輛巴士可完成改裝』九巴D野全部都系有頭無尾,上年話加果D通風窗,成年後都未加哂;車 ...
官方嘢都未必信得過,
結果部分新車都未裝通風窗
頁:
[1]
2